Ministri i Bujqësisë, Pylltarisë dhe Zhvillimit Rural, Faton Peci gjatë vikendit ka qëndruar në qytetin e Rahovecit, me ç’rast ka shënuar “Ditën e Verarisë”, ku në këtë aktivitet është shoqëruar nga përfaqësuesit e Shoqatës së Verëtarëve, të Gastronomëve dhe të Odës së Hotelerisë dhe Turizmit.

Peci gjatë vizitës nëpër bodrumet e verës në këtë komunë, ka bërë të ditur se gjatë udhëheqjes së këtij dikasteri, bujqit e komunës së Rahovecit janë përkrahur deri më tani me 21 milionë euro në kategorinë e granteve dhe subvencioneve, si dhe në kategorinë e kompensimit të dëmeve ne bujqësi.

Kompleksi ‘Newco Elan’ ofron banesa të ëndrrave tuaja në zemër të Prizrenit

“Nga viti 2021 deri në vitin 2024, 1.5 milion euro është vlera me të cilën janë subvencionuar verëtarët për litër vere të prodhuar, ndërsa 6.7 milionë euro është shifra me të cilën janë subvencionuar vreshtarët për hektarë te vreshtës për vitin 2021, 2022 dhe 2023. Ndërsa, deri më tani me rreth 2.2 milionë euro kemi përkrahur Komunën e Rahovecit me grante në bujqësi përgjatë qeverisjen sonë”, theksoi Peci.

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

Gjatë qëndrimit në Rahovec, ministri së bashku me përfaqësuesit e gastronomisë kosovare kanë vizituar bodrumet e verës “Kosova Wine”, “Illyrian Wine”, “Bodrumi i Vjetër” e “Stone Castle”, me qëllim të krijimit të urave të bashkëpunimit ndërsektorial që zinxhiri ekonomik të plotësohet brenda prodhuesve, përpunuesve dhe afaristëve vendorë.

”Sot është Dita Ndërkombëtare e Verarisë dhe kemi ardhur në Kryeqytetin e Bujqësisë, në Rahovec ku është qendra dhe promovimi kryesor i verarisë në Kosovë. Shënimi i kësaj dite ka disa arsye, e para promovimi i punës së mirë që po bëjnë vreshtarët dhe verëtarët në ofrimin e verës sa më cilësore”, shtoi Peci.

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Ish-kryetari i Kuvendit të Kosovës, Kadri Veseli, duke u ndërlidhur me deklaratat në seancën e sotme në Hagë, ka kërkuar që procesi të jetë i drejtë, transparent, dhe në përputhje me Kushtetutën e Kosovës.

“Do të jem i shkurtër dhe i drejtpërdrejtë me juve për faktin se është në interesin publik. Çështja e parë ka të bëj me kohëzgjatjen e këtij procesi, që nga dita e parë kur jemi futur në këtë sallë, Prokuroria ka kërkuar në mënyrë transparente 545 orë. Prej ditës së parë, faktikisht, secili e kemi ditur se 545 orë me procesin që do ta zhvillojmë në këtë sallë, do të kalonin 3 vjet ose 4 vjet, edhe nëse fare asnjë pyetje nuk do të bënte as mbrojtja e as ju si trup gjykues”, tha Veseli.

“Nuk dua të paragjykoj, por dua të them se: besoj është në interes të publikut, jo vetëm tonin, që dikush duhet të merr përgjegjësinë e vendimmarrjes, që ky proces para popullit të Kosovës të jetë jo vetëm fer, jo vetëm transparent, jo vetëm të respektojë procedurat e Kushtetutën e Kosovës, por edhe të ruajë dhe garantojë një gjykim të drejtë dhe në kohë të arsyeshme”.

Tutje ai kërkoi të mos cenohet besimi i qytetarëve të Kosovës në drejtësinë ndërkombëtare.

“Unë si njëri nga të akuzuarit, i nderuar, frikësohem se nëse nuk respektohen këto parime, nuk ka të bëjë me fatin tonë individual, por me një mesazh që do ta dërgojmë te populli i Kosovës i cili e ka krijuar, me vetëdije të plotë, por edhe me besim këtë gjykatë, tek ju si partner tanë ndërkombëtarë, dhe nuk duhet në asnjë mënyrë të cenohet besimi që ka shtetin ligjor dhe drejtësinë ndërkombëtare”, tha ai.

Veseli komentoi edhe përplasjet e ashpra që po shfaqen ndërmjet kryetarit të trupit gjykues, Charles Smith, me avokatin Ben Emmerson.

“Është edhe një çështjet tjetër që ka të bëjë me mua si të akuzuar dhe me avokatin tim: i nderuar trupi gjykues, po e shoh një komunikim që nuk është normal e joprofesional. Nuk po paragjykoj, por si i akuzuar kam drej të jap mesazh: nuk do të doja që në gjera që janë jashtë realitetit tim të ndikohet e pararagjykohet, sepse ka një mospërmbajtje në adresimet e avokatit tim”

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Në konferencën mbi ecurinë e çështjes në rastin ndaj Hashim Thaçit, Kadri Veselit, Rexhep Selimit dhe Jakup Krasnqit, avokati Luka Mishetiq, mbrojtësi i Thaçit, tha se sipas llogaritjeve të tyre, Zyra e Prokurorit të Specializuar (ZPS) nuk e përfundon çështjen në prillin e vitit 2025, por në maj të 2027-ës.

Konferenca mbi ecurinë e çështjes u mbajt të hënën me kërkesë të mbrojtjes së Thaçit, raporton “Betimi për Drejtësi”.

Avokati Mishetiq këtë konferencë e kërkoi pasi ZPS-ja njoftoi më 25 maj se ka bërë reduktimin disa dëshmitarëve në listën e tyre të provave.

Sipas Mishetiq, është e drejta e të akuzuarve për të pasur një proces të përshpejtuar, mirëpo sipas tyre ZPS-ja nuk mund të përfundojë çështjen e saj në prillin e 2025-ës dhe as afër asaj periudhe.

“ZPS bëri parashtrime më 21 maj sa i takon thjeshtësimit të provave të veta dhe kjo ka qenë në vijim të zotimeve të veta që ka pasur në ecurinë e fundit mbi ecurinë e çështjes në mars. Vërejmë që ZPS ka thënë që do të reduktonin ose kanë propozuar disa reduktime dhe kanë reduktuar me 40 orë totalin e orëve që kanë kërkuar fillimisht. Megjithatë, ne mendojmë se është e drejta e të akuzuarve që të kenë të një proces të drejtë dhe të përshpejtuar. Me këtë parashikim që kanë dhënë ata, nuk ka të ngjarë të përfundojë në prill të 2025 dhe as afër të asaj periudhe”, tha Mishetiq.

Ai tha se kanë bërë një përllogaritje të kohës që ka deklaruar ZPS-ja që i nevojitet për dëgjimin e dëshmitarëve dhe sa i ka shfrytëzuar ato.

“Në shkurt të 2023, ZPS ka thënë që koha që i nevojitet ka qenë 545 orë. Ne tani e përdorim këtë si nivel reference. Të premten, morëm statistikat sa kohë është shpenzuar nga ana e Prokurorisë dhe kjo e fundit deri tani ka përdorur 120 për pyetjet e veta. I kemi pasur 111 ditë në sallën e gjyqit, që do të thotë mesatarisht ka përdorur 1.08 orë në ditë për pyetjet e veta duke pasur parasysh ritmin që kemi ndjekur në periudhën e shkuar”, tha ai.

Sipas Mishetiq, bazuar në kalendarin aktual, kemi 71 ditë të mbetura për seanca.

“Tre muajt e parë të 2025-ës do të kemi të paktën 38 ditë në sallën e gjyqit nëse fillojmë më 14 janar dhe vijojmë me planifikimin tre javë kohë, një javë pushim, tre javë kohë, dy javë pushim, me kaq mund të realizojmë 33 ditë, çka do të thotë që do ngelen 104 sallë gjyqi para 1 prilli të 2025. E shumëzojmë këtë me 1.8 që ka përdorur ZPS-ja tani për pyetje të veta dhe arrijmë që shumatorja është 112 orë të mbetura për ZPS-në duke filluar që tani deri me 1 prillin 2025”, tha Mishetiq.

Po ashtu, ai tha se sipas llogaritjes së tij kanë mbetur edhe 273 orë për Prokurorinë deri më 1 prill të vitit 2025.

“Unë them se ZPS-ja mund të bëjë vetëm 232 orë pyetje deri në 1 prill të vitit tjetër e çka do të thotë se mbeten 313 orë nga 545 që ishin në total që ishin të parashikuar në shkurt 2023. Sipas parashtrimit të 21 majit, ata kanë reduktuar me 40 orë për çka mbeten 273 orë deri më 1 prill të 2025”, tha avokati.

Tutje, ai tha se sipas llogaritjeve të tij, ZPS-ja mund t’i përfundojë provat e veta rreth majit të 2027-ës.

“Mund të kenë kursyer rreth 75 orë gjithsej, por ngelen rreth 200 orë për ZPS-në që nga 1 prilli i 2025 dhe nëse e zbatojmë këtë përllogaritje me 1.08 për orë në ditë do të thotë që ne duam edhe 216 ditë në sallën e gjyqit që Prokuroria të përfundojë me provat e veta duke filluar nga 1 prilli i 2025 dhe nëse zbatojmë rregullën e 100 ditëve që kemi ne në vit, kjo do të thotë që ZPS-ja mund t’i përfundojë provat e veta rreth majit të 2027. Kjo është një hipotezë. Unë dua të kuptojmë se ku qëndrojmë ne aktualisht. Sigurisht që unë do të doja që të më thoshte ZPS-ja që ia ke futur kot dhe ne do ta përfundojmë brenda pranverës së 2025”, tha Mishetiq.

Mishetiq kërkoi që të vendos afate kohore që ZPS-ja të përfundojë çështjen e saj. Ai shtoi se mbrojtja ka qenë e kujdesshme sa i takon afateve kohore.

Avokati theksoi se është i hapur për të gjitha propozimet, por që nuk duhet të sakrifikohen të drejtat e të akuzuarve për të bërë kundërpyetjet.

Mishetiq tha se mendon që është një problem strukturor në këtë çështje, mirëpo ky problem sipas tij nuk mund të zgjidhet duke i thënë mbrojtjes që të reduktojë pyetjet e tyre.

Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Kryetari i Lëvizjes Vetëvendosje në Prizren, Artan Abrashi së bashku me anëtarët e tjerë kanë përkujtuar dëshmorin Përparim Thaçi, në 26 – vjetorin e rënies së tij.

“Përkujtuam dhe nderuam në 26 – vjetorin e rënies së tij, dëshmorin e kombit, Përparim Thaçi. Sot, përulemi me respekt të thellë përpara kujtimit të tij, duke shprehur mirënjohjen e pakufishme për sakrificën e tij sublime. Përparimi, dëshmoi se dashuria për vendin dhe përkushtimi ndaj idealeve kombëtare janë vlera që jetojnë përjetësisht në zemrat tona”, thuhet në njoftimin e LVV-së në Prizren.

“Le të kujtojmë gjithmonë se liria që gëzojmë sot janë rezultat i përpjekjeve dhe flijimeve të heronjve si Përparimi”.

“Në emër të brezave të ardhshëm, që do të ecin në gjurmët e tij, le të angazhohemi për të ruajtur dhe çuar përpara trashëgiminë e tij të lavdishme”.

“Lavdi e përjetshme dëshmorit të kombit, Përparim Thaçi. Lavdi dëshmorëve dhe martirëve të rënë për lirinë e Kosovës”./PrizrenPress.com/

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri