Spektakli i sotëm ka sjellë emocione të forta për katër finalistët. Ne podin final është përballur Egla Ceno dhe Julian Deda.
Falë votave të publikut, fituesja e tretë e edicionit të tretë të Big Brother Vip është Egla Ceno.
Egla Ceno është fituese e edicionit të tretë të Big Brother Albania VIP, me banoren që bëhet kështu dhe fituese e Çmimit të Madh prej 100 mijë eurosh.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Kryeministri i Republikës së Kosovës, Albin Kurti, mori sot pjesë në mbledhjen komemorative të organizuar në nderim të aktivistit dhe të burgosurit politik, dhe veprimtarit, Afrim Morina, u cili vdiq dje, në prag të ditëlindjes së tij të 73-të.
Në këtë mbledhje komemorative së bashku me kryeministrin Kurti ishin ministrja e Industrisë, Ndërmarrësisë dhe Tregtisë, Rozeta Hajdari dhe nënkryetari i Kuvendit të Kosovës, Enver Hoxhaj, deputetët Gani Krasniqi, Enver Dugolli e Salih Zyba dhe zëvendësministri i Mjedisit, Planifikimit Hapësinor dhe Infrastrukturës, Hysen Durmishi, të cilët u mirëpritën nga Kryetari i Komunës së Suharekës, Bali Muharremaj si dhe familjarë e miq të Afrim Morinës.
“Sivjet më 12 qershor, do të mbushen fiks 25 vjet nga çlirimi i vendit tonë nga Serbia okupatore, pushtuese. E kjo ditë, erdhi para 25 vitesh edhe falë angazhimit të njerëzve sikur Afrimi dhe të gjeneratës së cilës i takon ai. Qysh si 17 vjeçar, Afrim Morina ishte ndër organizatorët e nxënësve të gjimnazit dhe të normales së Suharekës, në demonstratat e vitit 1968. Gjatë rinisë së hershme, ai bashkëthemeloi disa grupe letrare, e që për kohën të tillat nuk ishin vetëm artistike por edhe patriotike e politike”, u shpreh kryeministri Kurti.
Ai kujtoi se Afrim Morina, u dënua dhe u burgos nga regjimi i Beogradit katër herë: më 2 prill 1974, më 26 maj 1981, më 9 maj 1990 dhe më 16 dhjetor 1991, duke i kaluar gjithsej gjashtë vjet e gjysmë në burg, vetëm për shkak të aktivitetit të tij politik, nga organizatat ilegale e te subjekti politik, Partia e Unitetit Kombëtar Shqiptar – UNIKOMB, si zëvendëskryetar i saj, në kohën kur kryetar i saj ishte Profesor Ukshin Hoti.
Duke përkujtuar figurën e tij si një intelektual dhe njeri i drejtë, kryeministri theksoi se një jetë si e Afrim Morinës, e kaluar me aktivitete letrare dhe politike, me burgosje politike dhe angazhim intelektual, e bëri Afrimin një njeri me shumë mendim dhe që kishte shumë për të thënë, e për të dhënë, dhe si rezultat një nga aktivistët politikë më të angazhuar të brezit të tij të të burgosurve politikë.
“Afrim Morina e udhëhoqi në Suharekë fushatën aq njerëzore si dhe politikisht e kombëtarisht shumë të dobishme për pajtimin e gjaqeve dhe të ngatërresave në vitin 1991. Për një kohë, ai qe edhe nënkryetar i Këshillit për Mbrojtjen e të Drejtave dhe të Lirive të Njeriut. Që nga vitet e rinisë së hershme dhe deri në kohën e luftës në Kosovë, Afrim Morina ishte veprimtar i disa organizatave ilegale të kohës, sikur Lëvizja Revolucionare për Bashkimin e Shqiptarëve (LRBSH), Lëvizja Popullore për Republikën e Kosovës (LPRK) si dhe Fronti i Rezistencës dhe Bashkimit Kombëtar (FRBK)”, tha kryeministri Kurti.
Gjatë kësaj mbledhje, që u mbajt në hapësirat e Bibliotekës së qytetit “Hajdin Berisha”, kryeministri Kurti gjithashtu nderoi edhe veprën intelektuale të shkruar të Afrimit. Në vitin 2015 ai kishte botuar të plotë vepren e tij me titullin përmbledhës “Arka e kujtimeve”, e që përfshin gjithsej 18 vepra me poezi, drama, romane, publicistikë, filozofi politike dhe kujtime.
Pas mbledhjes komemorative, kryeministri Kurti i shoqëruar nga ministra të kabinetit qeveritar, deputetë të Kuvendit dhe aktivistë e bashkëpunëtorë, mori pjesë në ceremoninë e varrimit të të ndjerit, Afrim Morina, në fshatin Reshtan të Suharekës.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Sot përfundoi sezoni 2023/24 në Superligën e Kosovës në futboll.
Ballkani, që matematikisht e fitoi titullin javën e kaluar me fitoren ndaj Llapit, sot e mori edhe trofeun, duke e nisur festën e vërtetë.
Përveç titullit të tretë radhazi të kampionit, vetëm disa ditë më herët, Ballkani e fitoi edhe Kupën e Kosovës, duke e mposhtur Prishtinën në finale, pas ekzekutimit të penalltive.
E tashmë ka nisur edhe festa në qytetin e Suharekës.
Për më shumë, shikojeni videon më poshtë:
Madonna është ndarë nga i dashuri i saj 35 vite më i ri.
Kështu bëjnë të ditur mediat e huaja, gjersa thonë se kjo ndodhur për shkak të orarit të ngjeshur të këngëtares.
Këngëtarja 65-vjeçare dhe trajneri 30-vjeçar u panë për herë të parë së bashku në mars të vitit 2023 dhe lidhja e tyre u bë kryefjalë për shkak të diferencës së madhe të tyre në moshë.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Ministri i Bujqësisë, Pylltarisë dhe Zhvillimit Rural, Faton Peci, po qëndron në Rahovec në shënim të Ditës së Verës ku së bashku me përfaqësues së Shoqatës se Verëtarëve, Shoqatës se Gastronomeve dhe Odës së Hotelerisë dhe Turizmit do të bashkëbisedojnë rreth mundësive për bashkëpunim ndërsektorial.
Ministri Peci gatë fjalimit të tij njoftoi se gjatë udhëheqjes së këtij dikasteri “kaq të rëndësishëm për zhvillim ekonomik”, bujqit e Komunës së Rahovecit janë përkrahur deri më tani me 21 milionë euro në kategorinë e granteve, subvencioneve, dhe kompensimin e dëmeve ne bujqësi.
Si institucion, ai tha se e përkrahin sektorin e vreshtarisë dhe veretarisë përmes granteve dhe subvencioneve.
“Sot është Dita Ndërkombëtare e Verarisë. Ne kemi zbarkuar në Kryeqytetin e Bujqësisë, në Rahovec ku është qendra dhe promovimi kryesor i verarisë në Kosovë. Shënimi i kësaj dite ka disa arsye: e para promovimi i punës së mirë që po bëjnë vreshtarët dhe verëtarët në ofrimin e verës sa më cilësore. Kemi ardhur në një tur në disa kantina, për momentin jemi të ‘KosovaWine’. Unë si ministër dëshiroj të bëj një apel që sa më shumë të promovojë produktet vendore dhe në funksion dhe kërkesa ime për gjitha shoqatat gastronome e çdo restorant që minimalisht ta ketë një prodhues të Kosovës në mënyrë e vet që e shërben. Mendoj që është një veprim patriotik dhe përtej aspektit patriotik, sektori i verave ka arritur në një nivel të lartë të cilësisë”, tha Peci.
“Nga viti 2021 deri në vitin 2024, 1, 5 milion euro është vlera me të cilën janë subvencionuar verëtarët për litër vere të prodhuar, ndërsa 6.7 milionë euro është shifra me të cilën janë subvencionuar vreshtarët për hektarë te vreshtës për vitin 2021, 2022 dhe 2023. Ndërsa deri më tani me rreth 2.2 milionë euro, kemi përkrahur Komunën e Rahovecit me grante në bujqësi përgjatë qeverisjen sonë”, theksoi ai./EO/
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Përfaqësuesja e Kosovës gjatë muajit qershor më datën pesë luan miqësore ndaj Norvegjisë.
Nga skuadra austriake, LASK Linz mësohet se lojtari i parë që merr ftesë nga Franco Foda, është Valon Berisha.
Berisha do të jetë në listën e trajnerit Foda për ndeshjen miqësore ndaj Norvegjisë.
Historiani Naim Flamuri ditëve të fundit ka marr vemendjen e publikut me deklaratat e tij për heroin kombëtar Gjergj Kastriotin- Skënderbeu.
Ai mes tjerash ka deklaruar se “Skënderbeu para çdo beteja kishte konsumuar një viç”.
Deklaratat e tij të bujshme nuk përfundojnë me kaq. Ai një një intervistë për Insajderin ka deklaruar se futbollisti i njohur Messi ka origjinë shqiptare.
Se ku i bazon ai këto pretendime mund ta kuptoni në videon në vijim.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Një person në Rahovec, të premten ka pranuar para policëve se posedon një armë të llojit AK-74, një karikator dhe 29 fishekë.
Ai kështu veproi, pasi policia i thanë se kanë marrë informatë që i dyshuari posedon armë pa leje.
Kallashi, karikatori dhe fishekët janë sekuestruar, ndërsa i dyshuari është arrestuar, njofton policia.
Pasi intervistimit, personi mbi të cilin tashmë rendon akuza “Armëmbajtje pa leje”, u lirua në procedurë të rregullt.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Aktori i njohur i humorit, Agron Llakaj ka humbur bashkëshorten e tij, Konstandinën, si pasojë e një sëmundje. Përmes një mesazhi në rrjetet sociale, Agroni i ka kushtuar disa fjalë të ndjera bashkëshortes e cila u nda herët nga jeta.
“Kostandina ime e shtrenjte!
Edhe pse t’i kam thene shume e shume here…,sot ne lamtumiren tende te fundit, dua qe t’i kesh me vete.
Kemi patur nje rrugetim te veshtire, te lodhur dhe me shume sakrifica…,enderruam per nje jete te re dhe me shume ambicje. E qe une te mbaroja shkollen e lart te arteve, ti sakrifikove nga jeta jote ,rrite dy femijet..Alkiden dhe Enon. Sa shume ke sakrifikuar per Ne…,Ti ishe shtepia, forca me e madhe qe ne kishim ishe Ti. Kur vendosem te vinim drejt Tiranes per nje te ardhme me te mire…,ishe po ti qe krijove Tiranen( Itaken )ne mua.
“Nuk do kthehemi mbrapa kurre Agron..,beso ne mua!Ne do tja dalim!”
Dhe ashtu ndodhi.
Dhe ecem e ecem, u rritem edhe ne bashke me femijet…,u beme dikushi, i buzeqeshem kohes dhe viteve,te qenurit nene e babe e pastaj gjysher…,sa shume enderra…,por ja qe jeta nuk eshte skenar i shkruar…, semundja e pabese na e mbylli perden e skenes se jetes ateher kur duhet ta shijonim me shume. Dhe e fundit Kostandina ime…,sot kam shume lot per ty por di qe, kur nje artist largohet nga skena merr duartrokitjet me vete…,ti ishe gjysma ime me e mire e njeriut dhe artit, dhe tani me largimin tend nga skena une e kerkoj nje duartrokitje te madhe.
Falemnderit Kostandina!
Falemnderit GoNina!
Lamtumire ne qiellin e engjejve aty ku shpirti yt i mire e meriton!
Me prit…,nuk di se kur por ti do me presesh si perher”, shkruan aktori.
Kryetari i Prizrenit, Shaqir Totaj, ka pritur 90 gazetarë nga të gjitha anët e Evropës në Prizren.
Gazetarët të cilët po qëndrojnë në Kosovë nën organizimin e Asociacionit të Gazetarëve të Kosovës, kanë pasur mundësinë të njohin Prizrenin si një qytet me potencial të madh kulturor dhe historik.
“Kisha kënaqësinë që së bashku me ekipin tim t’i presim në Prizren 90 gazetarë nga e gjithë Evropa të cilët po qëndrojnë në Kosovë nën organizimin e Asociacionit të Gazetarëve të Kosovës, që për herë të parë i është besuar vendit tonë dhe AGK-së organizimi i takimit vjetor të Federatës Evropiane të Gazetarëve”, shkruan Totaj në Facebook.
Përmes bisedave dhe vizitave në monumente të qytetit, ata kanë pasur rastin të ndajnë historinë, kulturën dhe potencialet e këtij qyteti të rëndësishëm kulturor në Kosovë.
Totaj shprehu falënderimin për Asociacionin e Gazetarëve të Kosovës për përpjekjet e tyre në promovimin e imazhit të Kosovës si një vend me potencial të madh për zhvillim dhe bashkëpunim.
“Kjo vizitë dhe takim i jashtëzakonshëm paraqet një hap të rëndësishëm drejt promovimit të turizmit dhe kulturës në Kosovë”, shkruan Totaj./PrizrenPress.com/
https://www.facebook.com/shaqirtotaj
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit