Një mjet shpërthyes është gjetur në fshatin Kijevë të Malishevës.
Rastin në polici e ka lajmëruar një burrë i cili ka thënë se derisa ishte duke punuar tokën e tij, kishte hasur në mjetin e dyshuar.
Njësiti policor ka shkuar në vendin e ngjarjes.
“Njësia e deminimit ka dalë në vendin e ngjarjes dhe ka bërë deminimin e mjetit të dyshuar”, njofton tutje policia.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Sot në Kosovë parashihet të mbajë mot me diell por edhe me vranësira ku në disa zona pritet të ketë edhe shi.
“Për të martën parashikohet të mbajë mot me diell dhe vranësira, ku gjatë orëve të pasdites, pritet të ketë rrebeshe të izoluara shiu, kryesisht në zonën perëndimore, veriperëndimore dhe atë veriore, duke mos përjashtuar mundësinë edhe për ndonjë vetëtimë dhe bubullimë”, thuhet në faqen Meteo Kosova.
“Era do fryjë nga jugperëndimi, e cila kohë pas kohe mund të jetë e fuqishme, sidomos në regjionin e Gjakovës, me shpejtësi prej 10-42 km/h”.
“Temperaturat minimale do të lëvizin prej 8 deri në 11°C, ndërsa ato maksimale prej 22 deri në 26°C”.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Organizatat EcoZ, Riverwatch dhe Save the Blue Heart of Europe organizojnë sot një aktivitet në mbrojtje të mjedisit dhe habitatit natyror në Parkun Kombëtar të Sharrit.
Përgjatë këtij aktiviteti ata do të bëjnë thirrje për mbrojtjen e Parkut të Sharrit nga ndikimi i hidrocentraleve.
Aktiviteti do të mbahet në Brezovicë.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Peja i ka dhënë fund serisë së finaleve në Raiffeisen Superligën A, duke e fituar edhe ndeshjen e tretë.
Para rreth 1000 spektatorëve në “Karragaçi” të Pejës, skuadra verdhezi shënoi fitore prej 3:0 (30:28; 25:22; 25:21), duke e dominuar takimin me Skënderbeun.
Pavarësisht rivalitetit të madh në setin e parë, në të cilin u shënuan 58 pikë, Peja tregoi vendosshmëri që ta mbyllte dramën e titullit, qysh në ndeshjen e tretë.
Vendasit përkundër luhatjeve në rezultat, arritën që ta ruanin fokusin, drejt qëllimit të tyre,
Skuadrës finaliste, KV Skënderbeu, medaljet e argjendta u ndanë nga sekretari i përgjithshëm i FVK-së, Valon Nikqi, dhe anëtari i bordit, Abedin Mehani.
Medaljet e arta për KV Peja u dorëzuan nga nënkryetari i Pejës, Fatmir Asllani, dhe kryesuesi i Kuvendit të Komunës, Rexhep Kurtbogaj.
Kupa, kapitenit Agron Nikqi, iu dorëzua nga presidenti i FVK-së, Bahri Gjinovci
Ky ishte titulli i shtatë i kampionit për KV Peja, njëherit i katërti radhazi. /Gazeta Express
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
“Pa u vra unë, asnjërit nga ju nuk do t’i ndodhë asgjë. Dhe realisht ashtu ndodhi”.
Tutje Krasniqi ka thënë se Ramush Haradinaj fillimisht kishte menduar se vëllai i tij “po bënte shaka” dhe se “thjesht ishte plagosur”.
“Ne ndoshta kemi qenë më të thyer sesa Ramushi”, thotë Selim Krasniqi.
“Ka qenë me të vërtetë e rëndë”, tha ai në T7.
“Ramushi e ka pasë edhe hallin e Rafetit (Ramës)”, tha Krasniqi, duke treguar se ai ishte plagosur në plumbat e parë.
Presidentja e Kosovës, Vjosa Osmani, ka uruar Ditën e Goranëve.
Ajo thotë se traditat dhe trashëgimia kulturore e komunitetit goran janë pasuri e Kosovës.
”Komuniteti goran është pjesë e çmueshme e diversitetit kulturor të Kosovës.
Traditat dhe trashëgimia kulturore e komunitetit goran janë pasuri e Kosovës.
Shumëetniciteti është gjithashtu vlerë e shoqërisë kosovare, ndaj do ta ruajmë këtë vlerë të çmueshme, sikurse do ta vazhdojmë mbështetjen institucionale për komunitetin goran.
Urime Dita e Goranëve!”, thuhet në urim.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Klubi i FC Suharekës është shpallur kampion i Ligës së Parë, grupi A dhe edicionin e ardhshëm do të garojë në Superligën e Kosovës në futboll.
Suhareka ishte bindshëm ekipi më i mirë në grup dhe me meritë u inkuadrua në Superligë, përcjell GazetaBlic Sport.
Një nga lojtarët kryesorë të ekipit ishte Liridon Fetahaj, i cili me golat e tij e ndihmoi ekipin të arrijë objektivin e madh.
Fetahaj shprehet shumë i lumtur për këtë sukses me klubin e Suharekës.
“Jam shumë i lumtur që kemi arritur ta përmbushim objektivin e klubit pasi ka qenë një rrugetim shumë i vështirë”, tha fillimisht Fetahaj për ‘GazetaBlic Sport’.
Ai tha se rrugëtimi nuk ishte i lehtë – andaj po e shijojnë kaq shumë suksesin.
“Për të arritur këtë objektiv duhet shumë punë e përkushtim pasi që nuk është e lehtë t’i mposhtësh ekipet si Trepça, Vëllaznimi e Dinamo për këtë periudhë shumë të shkurtër”, vazhdoi Fetahaj.
Në fund, sipas Fetahajt, skuadra e Suharekës do jetë konkurruese edhe në Superligë edicionin e ardhshëm.
“Në Superligë besoj që do të jemi shumë konkurrues, varet edhe nga lojtarët që do të vijnë, shpresoj që sëbashku me klubin të bëjmë më të mirën”, përfundoi ai.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Vetëm pak orë na ndajnë nga spektakli gjigand i këngës, “Eurovision 2024” i cili mbledh artistët nga e gjithë Evropa.
Konkursi i këtij viti do të mbahet në Malmo në Suedisë me dy gjysmëfinale më 7 dhe 9 maj. Artistet pjesëmarrës siç e do tradita kanë bërë dhe paradën e tyre në tapetin Turkez.
Shqipëria do të performojë natën e dytë të gjysmëfinales së Eurovision 2024 ku pas hedhjes së shortit, është përcaktuar se do të jetë e 6-ta në radhë, të enjten e 9 majit, kur do të zhvillohet edhe gjysmëfinalja e dytë.
Besa Kokëdhima do të përfaqësojë Shqipërinë në Eurovizion 2024 me këngën “Titan”.
Ajo ka marrë besimin e publikut në Festivalin e 62 –të të Këngës në RTSH për të përfaqësuar Shqipërinë në edicionin e 68-të të Eurovizion-it.
Përfaqësimi i Besës në këtë kompeticion ka marrë një vëmendje të veçantë.
“E kanë cilësuar si një performancë dinjitoze, Besën me një vokal shumë të mirë, me një mesazh shumë të bukur. Me provat që janë realizuar deri tani duket se gjithçka është përfekte”, tha moderatori Andri Xhahu.
Përsa i përket votimit në Eurovizion, moderatori Andri Xhahu tregon detajet.
“Votimi është shumë i rëndëshishëm pasi nga gjysmëfinalja, dhjetë finalistët vlerësohen nga vota e publikut.
Votohen në dy forma: Shqiptarët që ndodhen në shtetet që janë në garë në natën e dytë gjysmëfinale mund të votojnë me kodin 02 në numrat e telefonit vendosur në dispozicion nga shteti ku ata jetojnë, nga vendet pjesëmarrëse.
Ndërsa, të gjithë shqiptarët që ndodhen kudo nëpër botë, tani është votimi rest of the world (pjesa tjetër e botës) ku mund të votohet online 24 orë përpara se të çelet votimi i online në esc.vote ku mund të votohet për Shqipërinë deri në 20 herë nga çdo vend i botës,” tregoi Xhahu./rtsh
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Në publikim e ASK-së, i bazuar në grumbullimin e çmimeve të prodhimeve bujqësore vendore në Kosovë, në TM1 2024, indeksi i çmimeve të prodhimeve bimore ka rritje për 2,8%, krahasuar me periudhën e njëjtë të vitit 2023.
Indeksi i çmimeve të prodhimeve blegtorale ka rritje për 7,3%. Indeksi i përgjithshëm i prodhimeve bujqësore ka rritje për 5,3%, krahasuar me periudhën e njëjtë të vitit 2023.
“Prodhimet që krijojnë bazë për indeksin e çmimeve të prodhimeve bujqësore janë ndarë në dy grupe kryesore: Prodhimet bimore dhe ato blegtorale. Në kuadër të prodhimeve bimore, çmimet janë grumbulluar për këto grupe: drithëra, bimë foragjere, perime, patate dhe pemë. Në prodhimet blegtorale çmimet janë grumbulluar për blegtorinë dhe prodhimet blegtorale. Në kuadër të blegtorisë, çmimet grumbullohen për katër kategori të kafshëve: gjedhe, dele, derra dhe pula. Këto çmime janë bazuar në peshën e gjallë të kafshëve. Në kuadër të prodhimeve blegtorale çmimet janë grumbulluar për: qumësht, vezë dhe mjaltë. Të gjitha çmimet janë llogaritur në euro dhe njësitë matëse janë në: kg, litër dhe copë”, thuhet në raport.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
KFOR-i, EULEX-i dhe Policia e Kosovës do të zhvillojnë stërvitje të përbashkët më 7 maj, në stërvitjen e quajtur “Golden Saber 2024”.
KFOR-i ka njoftuar se kjo stërvitje në kampin Vrelo do t’i testojë aftësitë për të zbatuar procedura të përbashkëta në menaxhimin e krizave dhe të skenarëve të sigurisë..
“Stërvitja do të përfshijë një numër të konsiderueshëm personeli, automjetesh dhe mjete që operojnë në të gjithë zonën e stërvitjes si dhe në rrethinat e tij e përgjatë rrugëve kryesore. ‘Golden Saber 2024’ është pasqyrim i bashkëpunimit dhe i përkushtimit tonë të gjatë për të mbështetur sigurinë e qëndrueshme në mbarë Kosovën, për të mirën e komuniteteve”, thuhet në njoftimin e KFOR-it.
KFOR-i ka bërë të ditur se një stërvitje e tillë “simbolizon përkushtimin tonë të fortë për paqen dhe stabilitetin në Kosovë”.
“Duke i bashkuar forcat dhe aftësitë tona, ne demonstrojmë gatishmërinë tonë për t’i adresuar sfidat dhe përkushtimin tonë për ruajtjen e stabilitetit rajonal”, thuhet në njoftim, duke shtuar se pret që kjo stërvitje të kryhet me sukses.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit