Këshilltari në Ministrinë e Jashtme dhe Diasporës, Çerim Bajrami, është sulmuar fizikisht nga një person pasditen e së enjtes, me ç’rast ka pësuar edhe lëndime trupore.
Ai për Klankosova.tv ka folur rreth rastit.
“Personin nuk e njoh, ka qenë një djalë rreth 35 vjeçar, ka provokuar me një grup fëmijësh para oborrit tonë që jetojmë me vëllain në një shtëpi në Prizren. Afër është qendra e quajtur vehabiste. Kemi çdo ditë gati provokime nga ta, luajnë fëmijët çdo ditë para oborrit tonë, po na pengojnë”, tha ai për Klankosova.tv
Bajrami tha se topi që po luanin fëmijët futboll ka rënë në oborrin e tij dhe i njëjti ka kërkuar bashkë me familjarët e tij që të mos luajnë pranë shtëpisë së tyre.
“Topi ka hyrë në oborrin tonë dhe me dhunë ka dashur ta marrë topin, i ka thënë edhe vajza mos luani këtu. Unë dëgjova diçka, i kam thënë vajzës menjëherë thirre policinë, dola në oborr unë. Vajza e ka thirrë policinë, dola në oborr me pritë policinë, ai i ka dërguar fëmijët poshtë në qendër ku e kanë qendren vehabistët rreth 30 metra është larg. Kur më ka parë mua ka ardhë dhe më tha që po të incizoj, e ka incizuar edhe nusen e vëllait dhe shtëpinë. I thash largohu shko poshtë, dhe ai ka marrë pozicionin me goditë, unë kam bo provën me u mbrojtë nuk kam pas mundësi, ai me grusht ka goditë në anën e majtë hundën ma kanë bë llom”, tha Bajrami.
Këshilltari në MPJD shtoi se lëndime ka pësuar në hundë dhe syrin e majtë dhe sipas tij ato janë goxha të mëdha.
Kam qenë 1 orë e gjysmë në emergjencë, kam lëndime trupore shumë”, shtoi ai.
“Policia ka dalë në vendin e ngjarjes”, përfundoi ai.
Këshilltari në Ministrinë e Punëve të Jashtme dhe Diasporës, Çerim Bajrami, është sulmuar fizikisht.
Rasti ka ndodhur sot rreth orës 16:00, në Prizren.
Viktima është goditur nga i dyshuari me boks në hundë duke pësuar lëndime trupore.
Zëdhënësi i policisë për rajonin e Prizrenit, Shaqir Bytyqi, për Klankosova.tv ka dhënë detaje lidhur me rastin.
“Deri te fjalosja ka ardhur për shkak se i dyshuari me disa të tjerë ka qenë duke lujtur me top ndërsa viktima ka kërkuar nga ata që të ndërpresin lojën e të mos i shqetësojnë”, tha Bytyqi për Klankosova.tv
Sulmohet fizikisht këshilltari në MPJD, Çerim Bajrami
Sulmin ndaj këshilltarit të MPJD-së e ka dënuar Partia Demokratike e Boshnjakëve – Koalicioni Vakat.
“Partia Demokratike e Koalicionit Boshnjak Vakat, me indinjatën më të thellë, dënon këtë akt frikacak të dhunës që ka ndodhur ndaj z.Bajrami. Ne besojmë se sulmi fizik ndaj çdo individi, pavarësisht nga pozicioni apo bindjet e tij, është krejtësisht i papranueshëm dhe krejtësisht në kundërshtim me vlerat tona themelore njerëzore”, thuhet në reagim transmeton Klankosova.tv
“Sulme të tilla jo vetëm që rrezikojnë individin që synohet, ato shkelin të drejtat themelore të njeriut dhe paraqesin një kërcënim të drejtpërdrejtë për vlerat e komunitetit tonë. Ndaj është e domosdoshme që institucionet e drejtësisë të reagojnë urgjentisht dhe të ndërmarrin të gjitha hapat e duhur për të vënë para drejtësisë autorët e këtij akti të shëmtuar”, theksohet në reagim.
“Shprehim shpresën tonë të sinqertë për shërimin sa më të shpejtë të z. Bajrami dhe qëndrojmë pranë tij si simbol i mbështetjes së paqes, tolerancës dhe mbrojtjes së të drejtave të njeriut. Ne do të vazhdojmë të promovojmë në mënyrë aktive një kulturë dialogu, duke respektuar diversitetin dhe duke shtypur çdo formë dhune në shoqërinë tonë”, përfundon reagimi.
Kuvendi Komunal i Rahovecit është duke e mbajtur mbledhjen e radhës me 12 pika të rendit të ditës. Rastet e fundit të plaçkitjeve, rrahjeve dhe gjuajtja me armë në Krushë të Madhe ka ngritur shqetësim te qytetarët dhe në seancën e djeshme, ku është shqyrtuar gjendja aktuale e sigurisë. Kryetari i kësaj komune, Smajl Latifi, ka thënë se situata është serioze pasi po cenohet prona dhe pasuria e qytetarëve, dhe ka kërkuar të rritet prania policore në terren.
Latifi thotë se rasti i Krushës së Madhe dhe Ratkocit është duke u trajtuar me seriozitet dhe për pak ditë mund të zbulohen identitetet e pjesëtarëve në plaçkitjen e armatosur.
Ai ftoi të gjithë qytetarët dhe anëtarët e kuvendit që të bashkëpunojnë me organet e rendit dhe se në këtë mënyrë nuk do të ketë rahati për këta keqbërës.
“Rasti i Krushës së Madhe është duke u trajtuar me seriozitet dhe ai i Ratkocit. Procesi është duke shkuar në rrugë të mbarë dhe ndoshta për pak ditë do të zbulojmë identitetin e atyre që kanë marrë pjesë në plaçkitje të armatosur, rrahje, torturë apo edhe me gjuajtje me armë për më shumë se gjysmë ore në Krushë të Madhe. Unë i ftoj anëtarët e kuvendit dhe qytetarët që të bashkëpunojnë edhe me administratë e me organet e rendit, dhe jam shumë i sigurt që nuk do të ketë qetësi e rehati për keqbërësit, kriminelët, hajdutët që tentojnë në mënyrë ose tjetrën të gjejnë hapësirë për të cenuar jetën e njerëzve, pronën dhe pasurinë e njerëzve tanë”.
“Unë e di se fundi i tyre do të jetë i tmerrshëm, i secilit keqbërës, sepse tash shteti ka mekanizma të tjerë të cilët i ka në veprim. Qytetarët do ta rrisin bashkëpunim sepse kanë nevojë. Policia do të shtojë angazhimin sepse është me interes dhe organet tjera profesionale do të jenë edhe më aktive në mënyrë që të krijohet siguri për të gjithë dhe të garantojmë siguri pavarësisht që gjendja këto ditë nuk ka qenë në favorin tonë”, tha i pari i Komunës së Rahovecit, Smajl Latifi.
Gjykata Themelore në Gjakovë, e ka dënuar të akuzuarin me inicialet I.Z me 19 vjet burg për vrasjen në shtator të vitit të kaluar në fshatin Bellanicë të Malishevës.
I akuzuari I.Z e kishte privuar nga jeta tani të ndjerin A.B, duke e qëlluar me armë zjarri. Të dënuarit do t’i llogaritet edhe koha e kaluar në burg.
Në vendim thuhet se “I pandehuri I.Z., akuzohet se “Me datë 20 shtator 2023, rreth orës 07:15 minuta, në fshatin Bellanicë, Komuna Malishevës, në parkingun e marketit “M…”, me dashje ka privuar nga jeta tani të ndjerin A. B. nga fshati Vraniq, Komuna Suharekës, në atë mënyrë që me të arritur në vendin e cekur më lartë, tani i ndjeri me veturën Fiat, ngjyrë e bardhë, i cili ishte duke shkuar në punë, ndërsa i pandehuri ndodhej në lokal së bashku me dëshmitarin B. E., dhe me të vërejtur se kishte arritur në parking tani i ndjeri A.B., i pandehuri ngritët nga tavolina, del jashtë dhe afrohet tek automjeti i të ndjerit, hap derën e automjetit dhe menjëherë me armën e llojit SIG SAUER- P320, shtënë pesë herë në kokë të tani të ndjerit, viktima bie përtokë, i pandehuri vazhdon duke shtënë edhe dy here prapë në drejtim të trupit të tij, përderisa trupi ishte i shtrirë për tokë, e ku nga plagët e mara i ndjeri ndërro jetë në vendin e ngjarjes, ndërsa i pandehuri largohet me veturën e tij nga vendi i ngjarjes dhe lajmërohet në polici”, thuhet në vendim.
“Faqe 2 nga 2 Konfiskohet një pistoletë e tipit SIG SAUER – P320, 57 fishekë të kalibrit 9×19 mm, një karikator me 7 fishekë të kalibrit 9×19 mm, të cilën armë ditën kritike e kishte përdorur i pandehuri, si objekte të kryerjes së veprës penale”.
Tutje thuhet se pas plotfuqishmërisë së këtij aktgjykimi, arma e konfiskuar do të shkatërrohet në rast se e njëjta nuk evidentohet se është përdorur në ndonjë rast tjetër të hapur, nga Libri i Rasteve të Hapura.
“Kundër këtij aktgjykimi, palët kanë të drejtë ankese në afat prej tridhjetë (30) ditëve nga dita e pranimit të aktgjykimit në formë të shkruar”.
Pas hiteve të një pas njëshme Florian Tufallari vjen edhe me një tjetër hit të titulluar ‘’Xhan o Xhan”, ku bashkëpunëtorët janë: Music; Sardi Mneri Lyrics; Deyzoh Sax; Adi Sybardhi Solo; Ilir Tironsi, Alsked Rrenja Prod. By; Monkey Music Video; THEDIRECTOREXH.
Floriani në boten e muzikës ka hy fuqishëm gjatë viteve të fundit ,i cili me muzikë ka filluar të merret qe nga fëmijëria dhe është çun nga Dibra që jeton ne Tiranë.
Gjatë karrierës dhjetëvjeçare ka sjell shumë bashkëpunime me këngëtar të skenës muzikore si: Ramadan Krasniqi, Bardhi, Aida Doçi, Landi Roko etj, me këngë ritmike dhe balada të bukura.
Florian Tufallari është i angazhuar nëpër mbrëmje rinore dhe ahengje të shumta familjare.
Ai premton se do të sjellë edhe shumë këngë te reja dhe bashkëpunime. Me poshtë mund te dëgjoni këngën e re:
Futbollisti francez, Paul Pogba, është dënuar me katër vjet moslojë pasi është gjetur fajtor për përdorimin e dopingut.
30-vjeçari është suspenduar në shtator të vitit të kaluar, pasi kishte përdorur DHEA, substancë që ngreh nivelet e testosteroneve, hormon ky që rrit durueshmërinë te sportistët.
Ndërsa testimi i dytë që ai e kishte bërë në tetor e kishte vërtetuar që Pogba e kishte përdorur këtë substancë.
Kryetari i Prizrenit Shaqir Totaj priti sot Clara Sanchez, Pastor nga DGNEAR në Bruksel, përgjegjëse për programet/projektet që kanë të bëjnë me komunitetin rom, menaxheren e programit ROMACTED II nga Këshilli i Evropës dhe zyrtaren e këtij programi, Sakibe Jashari, me bashkëpunëtor.
Me këtë rast, ata diskutuan për rëndësinë e gjithë përfshirjes që shpie në progres të vazhdueshëm dhe që Komuna e Prizrenit është shembull i mirë i respektimit të të drejtave njerëzore.
“Në këtë komunë, shumë etnitete bashkëjetojnë në harmoni të plotë, me të drejta të barabarta”
Mungesa e fuqisë punëtore – të kualifikuar apo dhe pa kualifikime – po pengon zhvillimin ekonomik nëGjermani. Sipas Ministrit Federal të Punës Hubertus Heil, mungesa e fuqisë punëtore mund të bëhet pengesa kryesore e zhvillimit ekonomik. Prandaj, ministri i SPD ftoi më shumë se 700 përfaqësues të ekonomisë, shoqata të ndryshme dhe institucione arsimore në një kongres njëditor në Berlin.
“Atë ditë, ne do të promovojmë shumë ide të mira se si të sigurojmë një numër të mjaftueshëm të fuqisë punëtore profesionale, ide që tashmë ekzistojnë, por duhet të bëhen më të njohura,” tha Heil, i cili hapi kongresin me Ministrin e Ekonomisë Robert Habeck (Të Gjelbërit) dhe ministren e Arsimit Bettina Stark-Watzinger (FDP).
Në Gjermani, 46 milionë vetë janë aktualisht aktivë në tregun e punës, që është një rekord. “Gjermania është pra akoma një vend ku punohet shumë,” tha Heil. Ai përmendi arsimin si pikënisje për zgjidhjen e problemit të mungesës së fuqisë punëtore. Sipas ministrit, në vend ka rreth 1.6 milionë vetë të moshës 20-29 vjeç pa asnjë kualifikim. Është e rëndësishme që çdo i ri të ketë një shans për të hyrë në tregun e punës, shtoi Heil.
Prandaj Heil kërkon që të përdoren më shumë të gjitha mjetet me ndihmën e të cilave mund të zvogëlohet mungesa e fuqisë punëtore profesionale: “Është një përqindje më e madhe e grave në totalin e popullsisë, të moshuarve dhe personave me aftësi të kufizuara që mund të angazhohen më shumë në punë”. Për më tepër, qëllimi është të “tërheqin koka të zgjuara dhe duar punëtorë” nga jashtë në Gjermani. “Sigurimi i punëtorëve të kualifikuar është sigurimi i mirëqenies”, theksoi ministri federal i Punës.
Hubertus Heil në kongresFotografi: Carsten Koall/dpa/picture alliance
Ministrja federale e Arsimit Bettina Stark-Watzinger, theksoi veçanërisht mundësinë e shkollimit dual. Është një mundësi e madhe që hap derën e një karriere profesionale”, tha politikaja e FDP-së.
Çdo vit, të paktën 45 mijë të rinj e lënë shkollën pa asnjë kualifikim dhe pa asnjë diplomë, shpjegoi ministrja gjermane e Arsimit. Kjo është arsyeja pse qeveria federale, siç vuri në dukje ajo, ka nisur një program të posaçëm stimulues, me vlerë disa miliardë euro, nga i cili duhet të përfitojnë 4000 shkolla. Qëllimi i programit është të lehtësojë hyrjen e të rinjve në tregun e punës.
Sindikatat ankohen për kushtet e këqija të punës
Kryetarja e Shoqatës së Sindikatave Gjermane (DGB), Yasmin Fahimi, i sheh kushtet e këqija të punës si një shkak serioz të mungesës së fuqisë punëtore të kualifikuar në Gjermani. “Aty ku kushtet janë të këqija dhe ngarkesa është e lartë, do të ketë mungesë të fuqisë punëtore në afat të shkurtër apo afatgjatë”, tha Fahimi për gazetat e grupit mediatik Funke. Kushtet e këqija të punës janë një arsye e rëndësishme që punonjësit të vendosin të ndryshojnë profesionin ose pse nuk vendosin as të marrin një punë fare, pohon kreu i DGB-së. Dhe kështu “fillon rrethi vicioz”, sipas Fahimit. “Për shkak të mungesës së fuqisë punëtore, puna bëhet një barrë edhe më e madhe për punëtorët e aftë të mbetur.”
Robert Habeck në kongresFotografi: Carsten Koall/dpa/picture alliance
Prandaj Fahimi kërkon përmirësimin e kushteve të punës për punonjësit, pra programe antistres apo marrëveshje kolektive që do të ofronin mundësi për uljen e ngarkesës. Stresi është një sinjal i qartë për punëdhënësit se duhet të bëjnë diçka për ngarkesën mendore ose fizike të punonjësve të tyre, thekson ajo. “Punëdhënësit që e injorojnë këtë, ose e kompensojnë mungesën e fuqisë punëtore të kualifikuar duke angazhuar edhe më shumë në punë punonjësit e tanishëm, ata e dëmtojnë vetëm veten e tyre, sepse punonjësit janë të mbingarkuar, e kjo shkon shpensh në kurriz të të gjithë shoqërisë.”
Hans-Jürgen Urban, anëtar i Bordit Drejtues të IG Metall (sindikata e punonjësve në industrinë e metaleve…) thekson një argument të ngjashëm. Në një deklaratë për rrjetin mediatik RND, ai tha: “Problemi nuk është mungesa e përgjithshme e fuqisë punëtore”. Urban shton se ka probleme me mungesën e fuqisë punëtore ku kushtet e punës janë shumë të këqija, pra ku paga është e vogël ose ku kushtet dhe kualifikimet e kërkuara për një punë janë shumë të larta. Shumë kompani ende nuk e kanë kuptuar se ndërkohë atraktiviteti i punëdhënësit është një nga kompetencat kryesore, paralajmëron Urban.
Ministri i Shëndetësisë, Arben Vitia, gjatë seancës të jashtëzakonshme që po mbahet në Kuvend rreth Shqyrtimit të Propozim- rezolutës për gjendjen në shëndetësi dhe sigurimet shëndetësore ka replikuar deputetin e Aleancës për Ardhmërinë e Kosovës, Shemsedin Dreshaj rreth këtij projektligji.
Vitia tha se Dreshaj është shprehur gabim sa i përket themelimit të fondit në bazë të këtij ligji, pas ai është themeluar, por se ky fond nuk ka pasur asnjëherë kapacitet në procesin e sigurimeve shëndetësore.
“Lëvizja Vetëvendosje i ka thënë zëshëm edhe para 10 viteve këto kritika që ju i paraqitët dje më vjen mirë që edhe pas vitesh edhe pse me vonesë kemi pajtueshëmri. Por një gjë e thatë gabim, është gabim sepse është bërë fondi në bazë të këtij ligji sepse ky ligj shprehimisht nuk e ka parë themelimin e fondit. Nuk kam parë asnjë iniciaitivë nga qeveritë paraprake për të ndryshuar ligjin e sigurimeve shëndetësore apo për ta forcuar fondin as nga partia të cilës ju iu keni bashkuar profesor”, tha Vitia, njofton Klankosova.tv.
“Përkundrazi ka pasur vetëm degradime duke filluar prej burimeve njerëzore ku një pjesë janë punësuar komplet militant dhe komplet me lidhje familjare. Ky fond nuk ka pasur kapacitet asnjëherë procesin e sigurimeve shëndetësore, aty vetëm është grumbulluar një borxh prej 30 milionë eurove, rast i cili është në prokurori dhe jemi në pritje të shohim procesin gjyqësor”.
Më tutje ai tha se nuk do të ketë me eksperimente,as veprime pa analiza e as përpjekje për të futur duart në pagat e qytetarëve pa asnjë parakusht.
“Nuk ka më eksperimente, jo më veprime pa analiza, jo më tallje e qytetarët, jo më shpenzime marramendëse të parave publike pa asnjë rezultat, jo më përpjekje për të futur duart në pagat e qytetarëve pa asnjë parakusht”, u shpreh ai.
Cristiano Ronaldo është dënuar me një ndeshje pezullim dhe është gjobitur për një gjest të supozuar ofendues ndaj tifozëve.
Legjenda e Manchester United dhe Real Madrid bëri gjestin gjatë përplasjes mes Al-Nassr dhe Al-Shabab.
39-vjeçari ndihmoi skuadrën e tij të mposhtte rivalët e tyre të Riadit 3-2 të dielën në ndeshjen e Ligës Pro Saudite.
.
Tifozët bënë thirrjet “Messi”, duke iu referuar rivalitetit të gjatë të ikonës portugeze me Lionel Messi-n. Dhe, pamjet video shfaqin një Ronaldo që bën disa gjeste të pahijshme në përgjigje të tifozëve të Al-Shabab.
Cristiano Ronaldo to fans who chanted Messi all game. ? pic.twitter.com/sSwcvnHF9C — Not Match of the Day (@NOT_MOTD) February 26, 2024
Tani Komiteti Disiplinor dhe i Etikës i Federatës së Futbollit të Arabisë Saudite (SAFF) ka njoftuar se portugezi do të goditet me ndalim për veprimet e tij.
Në një deklaratë të lëshuar këtë mëngjes, shefat sauditë konfirmuan se Ronaldo do të humbasë ndeshjen e radhës të Al-Nassr në shtëpinë e Al-Hazm të enjten dhe ai gjithashtu duhet të paguajë një gjobë prej 4,190 paund.
Kjo shumë do t’i shkojë Al-Shabab për të mbuluar shpenzimet e klubit për paraqitjen e ankesës dhe gjysma e saj do t’i shkojë gjithashtu federatës.
Komisioni gjithashtu deklaroi se vendimi nuk ishte i hapur për ankim.
Raportet në mediat lokale saudite pretendojnë se Ronaldo e informoi komitetin se gjesti ishte një fitore dhe i zakonshëm në Evropë.
Nuk është hera e parë që ai është në krye të mediave që nga bashkimi me Al-Nassr në janar 2023 pas largimit të tij shpërthyes nga Man United.
Përveç këtyre dramave, Ronaldo është aktualisht golashënuesi më i mirë në ligë me 22 gola.
Fitorja e Al-Nassr i çoi ata në 52 pikë nga 21 ndeshje në Ligën Pro Saudite. Ata janë në vendin e dytë, katër pikë prapa Al-Hilal, i cili gjithashtu ka një lojë më pak.
Al Nassr është gjithashtu në fazën e tetë të Champions League të Azisë, një turne që ata dhe Ronaldo nuk e kanë fituar kurrë.
