Ekipi i FC Liria ka mbyllur me sukses fazën parapërgatitore në Durrës dhe tashmë është nisur drejt Prizrenit. Stërvitjet do të vazhdojnë me intensitet të lartë për t’u përgatitur maksimalisht për sezonin e ri.
“Parapërgatitjet për sezonin pranveror në Durrës kanë përfunduar me sukses! Ekipi tashmë është nisur drejt Prizrenit, ku do të vazhdojmë me intensitet stërvitjet për fillimin e sezonit të ri”, thuhet në njoftimin zyrtar të klubit./PrizrenPress.com/
Marketing
Sipas tyre, politikat e duhura në këto sektorë janë të domosdoshme për zhvillimin e qëndrueshëm, ashtu që me një qasje gjithëpërfshirëse dhe më llogaridhënëse të sigurohet mirëqenia e duhur për qytetarët e Kosovës.
Eroll Shabani nga OJQ “EC Ma Ndryshe” ka theksuar se çuarja deri në fund e mandatit të qeverisë së fundit ka qenë zhvillim i duhur për stabilitetin politik, por edhe për buxhetin shtetëror. Sa i përket pritjeve për qeverisjen e ardhshme ai ka theksuar nevojën për avancimin e politikave publike në mjedis dhe në trashëgiminë kulturore.
“Neve si EC na vjen mirë së pari që kjo qeverisje po e përfundon mandatin deri në fund, meqë e dimë se zgjedhjet kanë një kosto të madhe, andaj është një gjë shumë e mirë. Por gjithsesi fushat me të cilat ne punojmë më së shumti është mjedisi dhe trashëgimia kulturore, prandaj po shpresojmë që qeverisja e ardhshme do ta ketë në fokus mjedisin dhe trashëgiminë kulturore, gjithsesi duke ofruar zhvillim të qëndrueshëm, duke ofruar gjithëpërfshirje dhe normalisht transparencë dhe llogaridhënie karshi qytetarit”, ka thënë Shabani për Telegrafin.
Sipas tij, deri më tani gjatë fushatës parazgjedhore nuk ka pasur shpalosje të detajuara të programeve nga ana e partive politike. Në të njëjtën kohë ka shtuar se premtimet e dhëna edhe duhet të zbatohen gjatë mandatit qeverisës.
“Deri më tani me aq sa kemi mundur ta përcjellim fushatën nuk ka pasur shpalosje të detajuara të programeve të partive politike. Por gjithsesi në shpresojmë që ato cka e premtojnë ashtu edhe ta zbatojnë apo realizojnë gjatë mandatit të tyre qeverisës. Ne më së shumti fokusin sic e përmenda e kemi në mjedis dhe në trashëgimi kulturore dhe shpresojmë se do të ketë politika të cilat do ta përfshijnë sa më shumë mjedisin edhe trashëgiminë kulturore”, ka deklaruar Shabani për Telegrafin.
“EC Ma Ndryshe” është organizatë joqeveritare me bazë në komunitet që angazhohet për zhvillim të qëndrueshëm me qasje gjithëpërfshirëse.
Për pjesëmarrje në zgjedhjet për Kuvendin e Kosovës, të cilat do të mbahen më 9 shkurt 2025, KQZ ka certifikuar 28 subjekte politike, prej tyre: 20 parti politike; 5 koalicione; 2 nisma qytetare dhe 1 kandidat të pavarur.
Marketing
Pjesëtarët e Policisë së Kosovës në bashkëpunim me zyrtarët e Drejtorisë së Arsimit të Komunës së Suharekës kanë realizuar një aktivitet motivues për nxënësit e shkollës “17 shkurti” në Shirokë, pas ngjarjes traumatike ku disa fëmijë ishin lënduar si pasojë e sulmit të qenit.
Qëllimi i këtij aktiviteti sipas zëdhënësit të Policisë rajonale të Prizrenit, Vesel Gashi ka qenë krijimi i afërsisë me nxënësit, për të përçuar ndjenjën e sigurisë, por edhe për t’i mbështetur për ta kapërcyer përvojën traumatike, raporton Telegrafi.
“Stacioni Policor në Suharekë së bashku me Drejtorinë e Arsimit të Komunës së Suharekës, ka zhvilluar një aktivitet motivues për nxënësit, pas ngjarjes së ndodhur në SHFMU “17 Shkurti” me qëllim që Policia të jetë sa më afër komunitetit, të përçoj ndenjën e sigurisë dhe afërsisë. Me këtë rast janë shpërndarë ushqime dhe pije për nxënësit e kësaj shkolle”, ka bërë të ditur Gashi.
Sipas tij në kuadër të këtyre angazhimeve është vizituar edhe nxënësja e lënduar.
“Një grup i zyrtarëve nga Stacioni Policor në Suharekë së bashku me drejtorin e Arsimit në Komunën e Suharekës kanë vizituar në Spitalin rajonal në Prizren edhe nxënësen e lënduar nga sulmi i qenit”, ka thënë Gashi për Telegrafin.
Në shkollën e sipërpërmendur të mërkurën në mëngjes disa nxënës kanë pësuar lëndime nga sulmi i qenit, ku njëra prej tyre është ndalur për trajtim në Repartin e Infektives. Lidhur me këtë rast, Policia pat intervenuar dhe pati neutralizuar qenin.
Marketing
Komiteti për Komunitete (KK) në Suharekë ka mbajtur sot takimin e parë për vitin 2025, duke shqyrtuar një rend dite me disa pika kyçe.
Sipas njoftimit të komunës, në këtë mbledhje u diskutuan: Miratimi i procesverbalit nga mbledhja e kaluar; Shqyrtimi i projekt-vendimit për ndryshim-plotësimin e vendimit 01-Nr-016-6358, të datës 28.01.2022; Shqyrtimi i projekt-vendimit për dhënien e pëlqimit për të zhvilluar procedurat përmes konkurrimit të hapur për dhënien në shfrytëzim afatgjatë të pronës së paluajtshme të Komunës; Shqyrtimi i projekt-vendimit për dhënien e pëlqimit për të zhvilluar procedurat përmes ankandit publik për dhënien në shfrytëzim afatshkurtër të pronës së paluajtshme të Komunës; dhe Të ndryshme.
“Pas diskutimeve të zhvilluara, të gjitha pikat e rendit të ditës u miratuan dhe do të paraqiten për shqyrtim dhe miratim në takimin e ardhshëm të Kuvendit Komunal, që pritet të mbahet më 30 janar 2025”, thuhet në njoftim./PrizrenPress.com/
Marketing
Kandidati i LDK-së për deputet, Xhavit Ukaj, ka marrë përkrahje gjatë një tubimi zgjedhor në Celinë të Rahovecit.
“Gjithmonë është kënaqësi të takosh njerëz të urtë dhe bujqë të vyeshëm. Faleminderit për mbështetje në kandidaturën time për deputet. Do të mundohem të jem zëri juaj në organin më të lartë vendimmarrës në vend”, shkruan ai në Facebook.
124 LDK
97 Xhavit Ukaj
Marketing
Aktualisht, Muzeu menaxhohet nga CHwB Kosova në bashkëpunim me Komunën e Prizrenit dhe MKRS-në, bazuar në Marrëveshjen e Bashkëpunimit të nënshkruar në nëntor të vitit të shkuar.
“Data e saktë e hapjes do të bëhet publike pas zgjedhjeve të 9 shkurtit. Sidoqoftë, Muzeu është në dispozicion për vizita të organizuara që duhet të caktohen paraprakisht përmes CHwB-së, deri në caktimin e datës së saktë të hapjes”, ka thënë ajo për Telegrafin.
Rugova ka sqaruar se Muzeu do të ofrojë për vizitorët ekspozitën për jetën e Nënë Terezës.
“Ekspozita momentale e muzeut përfshinë informata dhe dokumente për jetën personale dhe veprimtarinë e Nënë Terezës, duke përfshirë fëmijërinë e saj, misionin dhe në përgjithësi jetën e saj. Informatat dhe dokumentet historike janë rezultat i një hulumtimi dy vjeçar i CHwB Kosova, udhëhequr nga historiani Jahja Drançolli. Po ashtu, janë siguruar të drejtat e përdorimit dhe licencat për të gjitha fotografitë e ekspozuara. Ekspozita është e shtrirë në tri katet e muzeut në mënyrë kronologjike”, ka deklaruar ajo.
Krahas kësaj, Rugova ka shpjeguar se muzeu parashihet të jetë destinacion për aktivitete të ndryshme edukative dhe kulturore.
“Gjatë vitit të parë të hapjes, do të punohet në zhvillimin e një strategjie të punës dhe veprimtarisë, në të cilin do të përfshihen aktivitete me komunitetin artistik, organizata kulturore e edukative si dhe partneritete të tjera”, ka thënë Rugova për Telegrafin.
Muaj më parë, pjesëtarët e komunitetit patën kërkuar përshpejtimin e hapave drejt funksionalizimit të këtij Muzeu.
Këshilltari nga radhët e Partisë Shqiptare Demokristiane të Kosovës, që është pjesë e grupit të kuvendarëve të LDK-së, Marin Përgjoka pat vlerësuar se qëndrimi mbyllur i kësaj ndërtese në radhë të parë është humbje për turizmin e qytetit.
Historia e ndërtimit të këtij Muzeu është e gjatë, pasi projekti i kontraktuar në vitin 2010 nga MKRS-ja me raporte zyrtare kishte përfunduar në vitin 2012. Tek në mesin e vitit 2014 ishte dhënë drita e gjelbër për pranimin teknik të objektit, por përkundër kësaj Muzeu nuk ishte funksionalizuar.
Ekspozita dedikuar jetës dhe veprës së Nënës Terezë në Prizren qe hapur me 5 shtator 2022, në 25-vjetorin e kalimit në amshim të saj, raporton Telegrafi.
Nënë Tereza është bërë simbol i humanizmit në botë si pasojë e angazhimit të gjatë në shërbim të sëmurëve e të varfërve. Ishte fituese e çmimit Nobel për Paqe dhe vite më vonë u shenjtërua nga Vatikani. Ajo ndërroi jetë më 5 shtator të vitit 1997 në Kalkutë të Indisë.
Ndërtesa e Muzeut të Nënë Terezës gjendet afër Katedrales së Zojës Ndihmëtare në Prizren, në lagjen ku dikur kishin jetuar të parët e Gonxhe Bojaxhiut. /Telegrafi/
Marketing
Një tank serb i shkatërruar nga ushtarët e Ushtrisë Çlirimtare të Kosovës, i vendosur në fshatin Mirushë, mbetet një dëshmi e gjallë e luftës së fundit në Kosovë.
Ky tank, i vendosur në një pronë private të Adil Thaçit, është një simbol i betejave të ashpra që u zhvilluan për lirinë e Kosovës.
Adil Thaçi, i cili në atë kohë mbante postin e Shefit të Operativës të Batalionit II-të, Brigada 122, ka folur për Telegrafin duke dhënë një pasqyrë të ngjarjeve që çuan në shkatërrimin e këtij tanku.
Thaçi kujton se kishin vendosur një minë në rrugë, por megjithëse automjetet serbe kalonin shpesh aty, mina nuk shpërthente.
Pas disa tentativave, ata e ndërruan minën dhe më 4 qershor 1999, në orën 07:15, mina shpërtheu dhe tanku serb u shkatërrua.
Sipas Thaçit, pas shkatërrimit të tankut, forcat serbe u përpoqën ta tërhiqnin atë, duke shkaktuar një përplasje të ashpër mes Ushtrisë Çlirimtare të Kosovës dhe ushtrisë serbe.
Thaçi e kujton këtë moment si një fitore të rëndësishme morale dhe ushtarake, duke theksuar se ndërsa serbët kishin teknologjinë e avancuar, vullneti dhe morali i luftëtarëve të UÇK-së ishte ai që e bënte diferencën.
“Ndihem shumë mirë për gjeneratat e reja që e kuptojnë se çfarë teknologjie kishin serbët dhe çfarë kishim ne. Ne ishim më të fortë se ata sepse kishim vullnetin edhe moralin e fortë. Esenca ka qenë mos me marrë tankun forcat serbe, ne luftuam edhe për këtë gjë” ka thënë Thaçi.
Ai gjithashtu theksoi se ky tank, që tani është vendosur si një objekt ekspozite në pronën e tij, është një dëshmi e asaj që ndodhi gjatë luftës dhe një mundësi për gjeneratat e reja të kuptojnë më mirë historinë e luftës së Kosovës.
“Ky tank, që disa vite ka qenë një objekt për të treguar luftën, do të mbetet një simbol për botën dhe për brezat që vijnë”, tha Thaçi, i cili ishte njëri prej akterëve të kësaj ngjarje. /Telegrafi/
Marketing
U lind në Vlorë, në vitin 1844, biri i Mahmut Nedim beut. Shkollën fillore e kreu në qytetin e lindjes. Më mbas vazhdoi në shkollën e mesme Zosime në Janinë, ku mësoi greqishten e vjetër, latinisht dhe frëngjisht. Në vitin 1860, në moshë shumë të re, vetëm kur ishte 16 vjeç, për shkak të gjuhëve që zotëronte, filloi të punonte në Zyrën e Përkthimeve të Portës së Lartë, në Stamboll.
Deri në vitin 1900 Ismail Qemali punoi në detyra të ndryshme në administratën osmane, në Vilajetin e Janinës (1862), në Vilajetin e Danubit (1866-1876), në Filibe (1876), në Mardin 1883), në Bollu (1884-1889), në Bejrut (1889).
Në vitin 1900, kur ishte me detyrën e kajmakamit në Kesrije, për shkak të përndjekjes nga bashkëpunimi me xhonturqit dhe ideve për të arritur një organizim të shqiptarëve, la detyrën, u arratis për në Greqi dhe nga aty kaloi në Evropë. Në gjyqin që u bë në mungesë u dënua me vdekje.
Sipas Kosovapresss, në vitin 1902 Ismail Qemali mori pjesë në kongresin e xhonturqve që u organizua nën drejtimin e Princit Sabahedin dhe Lutfullahut, në Paris. Vetëm mbas rishpalljes së Kushtetutës (1908) Ismail Qemali u kthye nga Evropa. Në zgjedhjet që u bënë mbas rishpalljes së Kushtetutës, Ismail Qemali u zgjodh deputet i Beratit dhe u bë pjesë e partisë opozitare “Osmanl? Ahrar F?rkas?”.
Gjatë periudhës së kryengritjeve të shqiptarëve kundër dhunës së ushtruar nga administrata e xhonturqve që ishin në qeveri, Ismail Qemali u mundua të siguronte mbështetje nga shtetet Evropiane për të krijuar një administratë autonome brenda Perandorisë Osmane.
Në kryengritjen e Malësisë së Madhe (1911) shkoi në Cetinje të Malit të Zi, ku me iniciativën e tij u firmos edhe memorandumi me 12 pika i Kuvendit të Greçës. Me kryengritjen e vitit 1912 u arrit një autonomi e shqiptarëve brenda Perandorisë Osmane, por fillimi i Luftës Ballkanike jo vetëm që e ndërpreu formimin e një strukture të tillë, por solli edhe pushtimin dhe copëtimin e trevave shqiptare. Ismail Qemali udhëhoqi lëvizjen dhe mbledhjen që u mbajt në sarajet e familjes Vlora, ku më 28 nëntor 1912 u shpall Pavarësia e Shqipërisë dhe u zgjodh kryetar i Qeverisë së Përkohshme të Vlorës.
Në muajin mars 1913, nëpërmjet Dukës de Monpensier kaloi në Brindizi dhe më pas vizitoi kryeqytet e shteteve Evropiane për të siguruar mbështetje për çështjen e Shqipërisë në Konferencën e Ambasadorëve në Londër. Më 22 janar 1914, Ismail Qemali dha dorëheqjen nga Qeveria e Përkohshme e Vlorës, ia dorëzoi pushtetin Komisionit Ndërkombëtar dhe u nis bashkë me familjen për në Francë.
Ndërroi jetë më 24 janar 1919, në Perugia dhe më 12 shkurt u varros në oborrin e Teqesë në Kaninë, mbi Vlorë.
Marketing
Mot i butë parashihet të mbretëroj ditën e premtë, sa me vransira e intervale me diell. Paraqiten kushte për riga lokale shiu, me gjasë nga pjesë perëndimore e veriore të vendit.
Temperaturat minimale zbresin në -1C e 4C, derisa maksimalet shkojnë deri në 10C e 13C. Dominojnë edhe më tutje qetësitë, ditën frynë erë e lehtë jugore e juglindore 1-3m/s.
Ditëve të fundjavës dhe ditëve të para të javës vijuese në përgjithësi po parashihet të mbretëroj mot me më shumë kthjellime e diell. Orëve të mëngjesit përgjatë ultësirave me kushte për formim të mjegullës.
Lokalisht mjegulla mund të mbetet gjatë ditës, megjithëse sipas parashikimeve duhet të shpërndahet deri nga mesdita. Temperaturat minimale zbresin deri në 0C e 2C, e ato maksimale mjaft të larta për këtë periudhë kohore shkojnë deri në 10C e 13C, njofton Mendimi për Motin.
Marketing
Kryetari i NISMA Socialdemokrate, Fatmir Limaj, ka mbajtur tubim në Carrallukë dhe Terpezë të Ulët të Malishevës.
Ai ka thënë se janë duke marrë përkrahje të madhe për koalicionin Kosova Fituese.
“Carralluka madhështore në përkrahje të listës sonë për Kosovën fituese 137 Se përkrahja që jemi duke e marrë në çdo fshat e lagje në nivel vendi, po merr përmasa çdo ditë e më shumë, tregon qartë tubimi masiv që sonte kishim me mbështetësit tanë në Carrallukë dhe Tërpezë të Ulët në Malishevë. Motivi, kurajo e përkushtimi tashmë është bërë pjesë e secilit qytetarë të zonës së Llapushës, të cilët janë bërë bashkë për numrin 137 dhe suksesin tonë në zgjedhjet e 9 shkurtit”, ka shkruar Limaj në Facebook.
Marketing