Me ndeshjen Ylli – Vëllaznimi është mbyllur xhiroja e 13-të e Superligës së Kosovës në basketboll, përballje kjo që u zhvillua në palestrën “13 Qershori” në Suharekë.

Më mirë këtë ndeshje e nisën skuadra nikoqire me një serie prej 5 – 0, por më pas skuadra e Vëllaznimit mori kontorllën e lojës, duke shënuar një seri prej 18 – 0, duke e dërguar kështu rezultatin në 5 – 18, por pas kësaj epërsie të  krijuar nga Vëllaznimi, Ylli përmes 8 pikëve të shënuara e çoi rezultatin në 13 -18 rezultat me të cilin u mbyll edhe çereku i parë.

Për dallim nga çereku i parë, çerekun e dytë më mirë  e nisi skuadra e Vëllaznimit, ku në një moment epërsia e gjakovarëve arriti në 15 pikë (15 – 30), deri në fund të këtij çereku Ylli arriti që këtë epërsi ta ngushtojë deri në 10 pikë, ku pjesa e parë e kësaj ndeshje përfundi me rezultatin 26 – 36.

Më efikasi në këtë ndeshje tek skuadra e Vëllaznimit ishte Jericole Hellems i cili shënoi 17 pikë, bëri 12 kërcime dhe dhuroi 2 asiste, i pasuar nga Trey Anderson i cili shënoi 13 pikë.

Ndërsa tek Ylli i jashtëzakonshëm ishte Tavares i cili shënoi 16 pikë e pati edhe 4 kërcime, ku u ndihmua edhe nga Armstead me 11 pikë të tjera.

Pas 13 xhirove Ylli ka një bilanc prej 7 fitoreve e 6 humbjeve, kurse Vëllaznimi ka një bilanc prej 6 fitoreve e 7 humbjeve.

Xhiron e ardhshme Vëllaznimi e pret Prishtinën në “Shani Nushi”, ndërsa Ylli shkon Prizrenit në ndeshjen e cila zhvillohet në Palestrën “Sezai Surroi”.

Bora ka shënuar fitore shumë të rëndësishme ndaj Proton Cable Prizrenit me rezultat 90:71 (22:10, 21:16, 21:21, 26:24), në javën e 13-të të ProCredit Superligës.

Se vendasit janë të vendosur për fitore, kjo u pa që në fillim, ku e nisën sfidën shumë më mirë, dhe e fituan çerekun e parë 22:10. Prishtinasit vazhduan me lojë të mirë edhe në periudhën e dytë, për të thelluar më shumë epërsinë, për të shkuar në pushim me shifrat 43:26.

Bora thelloi më shumë epërsinë në periodën e tretë, ku më e larta ishte 26 pikë dallim, 61:35, megjithatë, prizrenasit ngushtuan paksa shifrat, ku pas 30 minutash rezultati në semafor ishte 64:47. Në dhjetë minutat e fundit, Bora arriti të ruajë epërsinë, përkundër tentimeve nga mysafirët dhe fitoi 90:71.

Te Bora u dalluan Jetmir Zeqiri me 13 pikë, nëntë kërcime e pesë asistime, Adem Mekiq me 13 pikë e pesë asistime dhe Admir Memedi me 21 pikë, ndërsa te Proton Cable Prizreni më i miri ishte Lenzelle Smith me 28 pikë, dhjetë kërcime e gjashtë asistime.

Bora ka tri fitore e nëntë humbje, ndërsa Proton Cable Prizreni ka tri fitore e dhjetë humbje.

Promotori Eddie Hearn ka zbuluar se kush mund të jetë kundërshtari i ardhshëm i Tyson Furyt pas humbjes së tij ndaj Oleksandr Usyk dhe ky meç padyshim do t’i thyente të gjitha rekordet.

Në atë që ishte meçi i dytë pas atij të parit që u zhvillua në maj, boksieri britanik i peshave të rënda, Tyson Fury, kishte shpresuar se do t’i hakmerrej Usykut që i shkaktoi humbjen e parë në karrierën e tij profesionale.

Sidoqoftë, rezultati ishte i njëjti si ai i meçit të parë pasi ukrainasi në fund përfundoi me dorën e ngritur lartë nga gjyqtari si fitues i meçit, pas vendimit unanim të gjyqtarëve.

Pas përfundimit të këtij meçi, Hearn ka folur për gazetarët duke sugjeruar se cili mund të jetë misioni i ardhshëm i Furyt.

“Nuk mendoj se është koha për të bërtitur, kjo natë është Usyk vs Fury, por realiteti është se ka vetëm një luftë për Tyson Fury dhe ajo është ndaj Anthony Joshuas”.

“Është ndoshta lufta më e madhe në histori të boksit britanik, të gjithë do të donin ta shihnin”.

“Dhe meqë ra fjala, nuk dukej se Tyson Fury ka mbaruar, nuk ishte një paraqitje e dobët. Mendoj se Tyson Fury është ende në kulmin e fuqisë së tij, vetëm jo mjaftueshëm sa për ta mposhtur Usyk”, ka thënë Hearn.

“Por për mua, Joshua kundër Fury është ajo që duhet të ndodhë, në Wembley. Unë do t’i bëjë kërkesë Turki Alalshikh që ta bëjë këtë luftë, ndoshta në një ditë tjetër”, përfundoi ai./Telegrafi/

Marketing

Kompleksi ‘Newco Elan’ ofron banesa të ëndrrave tuaja në zemër të Prizrenit

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve