Është arrestuar një person në Prizren pasi dyshohet se dhunoi një të mitur.
Viktima u dërgua për ekzaminime mjekësore.
I dyshuari është në mbajtje.
“Është arrestuar i dyshuari mashkull kosovar, nën dyshimin se i njëjti ka kryer veprën e cekur ndaj viktimës femër kosovare-e mitur. Viktima pasi është intervistuar në prezencë të prindit dhe zyrtarëve të QPS-së, është dërguar për ekzaminime mjekësore në IML, ndërsa i dyshuari pas intervistimit me vendim të prokurorit është dërguar në mbajtje”, thuhet në raportin e Policisë.
FC Prizreni ka zyrtarizuar afrimin e sulmuesit shtatlartë dhe me përvojë ndërkombëtare, Joseph Godwin, i cili i bashkohet skuadrës bardhekaltër pas një aventure të gjatë në kampionatin rumun.
“Klubi jonë ka kënaqësinë të prezantojë përforcimin më të fundit: Joseph Godwin, sulmuesi shtatlartë dhe me përvojë ndërkombëtare, i cili i bashkohet FC Prizrenit pas një aventure të gjatë në Rumani”, thuhet në njoftimin e klubit, raporton PrizrenPress.
Godwin ka luajtur në Superligën rumune me ekipin e njohur UTA Arad, ku ka spikatur si një qendërsulmues i rrezikshëm dhe me aftësi të larta teknike.
“Gjatësia prej 2.03 metra e bën një pikë referimi në zonë, por nuk është e vetmja armë e tij: shpejtësia, vendosja e zgjuar dhe instinkti i golashënuesit janë cilësi që e dallojnë Josephin nga shumë të tjerë” – thuhet në komunikatën e FC Prizrenit.
Klubi e ka përshëndetur lojtarin me fjalët:
“Mirësevjen në familjen bardhekaltër, Joseph Godwin! Me ty, synimet tona marrin një tjetër dimension!”/PrizrenPress.com
Një aksident i rëndë trafiku ka ndodhur sot rreth orës 12:40 në rrugën “Zahir Pajaziti” në Prizren, ku një person që po lëvizte me trotinet ka pësuar lëndime të rënda trupore dhe ndodhet në rrezik për jetën.
Sipas burimeve të sigurta, i lënduari është E.B., 36 vjeç, i cili po lëvizte në shiritin e rezervuar për biçikleta, kur u godit nga dera e pasme e djathtë e një veture në lëvizje, e cila u hap papritur nga një pasagjer.
Automjeti i përfshirë në aksident ishte i tipit Volkswagen Golf 5, me ngjyrë të zezë, i drejtuar nga E.H. Ndërkohë, dera dyshohet të jetë hapur papritmas nga pasagjeri Muidin Halimi, 58 vjeç, pa u siguruar për sigurinë në trafik.
Si pasojë e përplasjes, 36-vjeçari u rrëzua në trotuar dhe pësoi lëndime serioze. Menjëherë pas incidentit, drejtuesi i veturës dhe pasagjeri e transportuan viktimën në emergjencën e qytetit, dhe më pas ai u dërgua me autoambulancë në QKUK në Prishtinë për trajtim të specializuar.
Me urdhër të Prokurorit Kujdestar, pasagjeri Muidin Halimi është ndaluar dhe ndaj tij është iniciuar rasti si “Aksident trafiku me lëndime të rënda trupore (rrezik për jetën)”.
Hetimet janë në vazhdim për zbardhjen e plotë të rrethanave të këtij rasti./Sinjali/
Kryetari në detyrë i Komunës së Prizrenit nga radhët e PDK-së, Shaqir Totaj, në emisionin “Info Nata” në Tëvë1 ka komentuar zhvillimet aktuale politike dhe pozicionin e partisë së tij në lidhje me mundësinë e votimit të Fatmir Limajt për kryetar të Kuvendit.
“Për votim nëse do të ishte për Fatmir Limaj si kryeparlamentar, këtë do të duhej ta diskutonim. Këtë nuk mund t’ia themi as po, as jo. Mirëpo, sa i përket diskutimeve, kryesuesi i partisë sonë, Partisë Demokratike të Kosovës, nuk ka pasur minimumin e gatishmërisë për të kërkuar zgjedhje, sepse ne jemi PDK – kështu e kemi emrin dhe i përgjigjemi takimeve, por nuk ka pasur tentim”, deklaroi Totaj.
Ai theksoi se PDK ka një strukturë të qartë dhe nuk funksionon mbi bazën e individëve të vetëm.
“PDK-ja e ka një kryetar, e ka një legjitimitet dhe e ka një kryesi. Mirëpo PDK-ja ka debat të brendshëm dhe është normale që secili, përmes forcës së vet, ka ndikim në vendimmarrje. Por nuk janë katër njerëz që vendosin, është një dhe është mirë që e kemi një. Ne nuk jemi si Vetëvendosje, që një njeri të jetë ‘supermen’ dhe t’i dijë të gjitha. Po bëhet sikur ai i di të gjitha”, përfundoi Totaj.
Vedat Muriqi në intervistën e dhënë për emisionin “El Larguero” të “Cadena Ser” ka zbuluar disa detaje mjaft interesante në lidhje me akordin e ri që firmosi me Majorkën.
Sulmuesi rinovoi kontratën me ekipin spanjoll për katër vjet të tjerë që të jetë lojtari më i paguar i ekipit. Ndryshe nga ç’ishte menduar, sulmuesi nuk përfiton rritje rroge pas firmës në kontratën e re dhe arsyeja që qëndron pas këtij vendimi duket se është më shumë se e vlefshme.
“Njerëzit janë të interesuar shumë për pagën time të re, por unë po e them këtu se nuk përfitoj asnjë rritje rroge. Unë do të marr po aq sa ç’merrja, por thjesht për një periudhë më të gjatë tani”, ka thënë Muriqi, i cili paguhet rreth 4 milionë euro në sezon. “Unë jam prej atyre që mendojnë se paratë nuk janë gjithçka në jetë. Jam i lumtur edhe me ato që kam. Menaxheri im më telefonoi për të më treguar për disa oferta të mira, por unë pyeta vajzën nëse dëshironte që të largoheshim nga Majorka dhe ajo m’u përgjigj negativisht”, ka thënë Muriqi.
Ka kaluar më shumë se një vit nga vdekja tragjike e Auron Thaçit në Prizren, i cili dyshohet se është therur me një mjet të mprehtë nga disa persona dhe, për shkak të plagëve të marra, ka ndërruar jetë në QKUK.
Për këtë rast, nëna e të ndjerit, Esma Gashi, ka rrëfyer për Gazetën Nacionale se çfarë kishte ndodhur dhe si e kishte marrë lajmin e hidhur.
Ajo tregoi se pak momente para se të ndodhte ngjarja kishte folur në telefon me djalin e saj, dhe rrëfeu gjithashtu se çfarë ndodhi në mëngjesin e 7 korrikut 2025.
“Kur u zgjova të nesërmen ishte ditë e diellë, më 07.07, atë ditë kur ka vdek Auroni, me të gjashtin e kanë shpërthy djalin, atë ditë më 07.07, Elironi më thirri në gjysmë të ditës, niherë nuk ja qela, kur e pashë apet thash hajt ta kqyri qka ka ndodh, çka ka bo.”
“Më tha: Tetë, pse nuk po ma qelë telefonin? E pyeta: Çka ka ndodh? Tha: M’kan lëshu këmbët, Auronin e kanë shpërthy. Thash: Çka je tu fol? Tha: Po, Tetë, e kanë shpërthy Auronin.” – ka thënë ajo ndër të tjera.
Mes lotësh, nëna e të ndjerit tregoi se sapo e mbylli telefonin me Elironin, shpërtheu në lot dhe bërtiti me zë të lartë. Më pas, e kishte telefonuar motrën e saj në Gjakovë për ta njoftuar për atë që kishte ndodhur.
“Nuk po mundëm as me fol… është shumë zor, është shumë dhimtë, ma kanë bërë plagën këtu se kurrë nuk ka me mu shëru deri të bona bashkë me to.” – ka thënë ajo.
Zonja Esma rrëfeu edhe për vështirësitë që ka përjetuar për t’i rritur fëmijët e saj, pasi bashkëshorti i kishte vdekur vite më parë.
“E kam thirr vajzën time, kom fol me to, thash çka dashtën prej tij, ai u konë jetim, menxi e kom rritë. Kam ardh në Turqi për me punu për ta me jau bo kushtet. Jetim çka kanë dasht prej tij.” – është shprehur mes lotësh zonja Esma.
Ajo gjithashtu tregoi se në Kosovë kishte arritur 2-3 ditë pas rastit tragjik.
Për Gazetën Nacionale, zonja Esma u shpreh se shpreson në drejtësi dhe se do të marrë pjesë në çdo seancë gjyqësore për të kërkuar drejtësi për djalin e saj.
“Pas seancës së fundit, të nesërtit kam ardh këndej, por qysh kom ardh, kom thon ma mirë më mbytë se me ardhë. Kom ardhë tu kajt. Thash ma mbytën djalin e nuk po interesohet kërkush, as Gjykata as kërkush hiq.” – ka thënë ndër të tjera ajo.
Kryetari i Prizrenit, Shaqir Totaj, ka nënshkruar memorandum bashkëpunimi me Swisscontact – Matching Skills to Jobs dhe Makerspace Innovation Center Prizren, për ta nisur një program të avancuar trajnimi në Data Science, i cili do të ofrojë trajnim intensiv, mentorim, projekte reale dhe lidhje me tregun e punës, në bashkëpunim me sektorin privat.
Totaj ka theksuar se trajnimi mbështetet nga licenca ndërkombëtare e CNM Ingenuity dhe synon t’i fuqizojë individët dhe bizneset, ndërsa, MICP do të jetë implementuesi i këtij modeli të suksesshëm për zhvillimin e aftësive digjitale nga i cili përfitues do të jenë bizneset dhe studentët.
Matching Skills to Jobs është projekt i Agjencisë Zvicerane për Zhvillim dhe Bashkëpunim dhe zbatohet nga Sëisscontact.
Inspektorati Policor i Kosovës (IPK) ka rekomanduar suspendimin e një zyrtari policor të angazhuar në Pikën e Kalimit Kufitar në Vërmicë, pas dyshimeve për keqpërdorim të pozitës apo autoritetit zyrtar.
Sipas njoftimit të IPK-së, hetimet ndaj zyrtarit janë nisur me dyshimin se ai ka përdorur në mënyrë të paautorizuar sistemin dhe bazën e të dhënave të Policisë Kufitare për të verifikuar informacionin personal të një qytetari – shtetas i Republikës së Kosovës – i cili nuk ka qenë fare prezent në atë pikë kufitare në momentin e verifikimit.
Dyshohet se ky veprim është kryer për të vërtetuar nëse qytetari në fjalë gjendej apo jo në kërkim policor.
Gjithashtu bëhet e ditur se pas konsultimeve me Prokurorinë Themelore në Prizren, është vendosur që rasti të trajtohet në procedurë të rregullt, ndërkohë që hetuesit e IPK-së do të vazhdojnë me veprime të tjera hetimore për të ndriçuar tërësisht rrethanat e rastit.
Pas një periudhe të suksesshme me përfaqësuesen e Kosovës U20, ku ka dhënë paraqitje të shkëlqyera, Hadis Durguti (HD11) është rikthyer te skuadra e tij, Grapeland, për të vijuar punën dhe përkushtimin ndaj qytetit dhe tifozëve.
“Pas paraqitjeve fantastike me reprezentacionin e Kosovës U20, HD11 i rikthehet punës për qytetin”, – ka bërë të ditur klubi përmes një postimi në Facebook, raporton PrizrenPress.
Policia ka njoftuar se dy persona janë gjobitur, pasi të njëjtit kanë bërë gara me vetura nëpër Prizren.
Në njoftimi e policisë bëhet e ditur se fillimisht secilit i është shqiptuar gjobë prej 500 eurosh dhe masë ndaluese për drejtimin e automjetit për 12 muaj.
Ndërkaq, pas pranimit të kundërvajtjes nga personat e përfshirë, masa e ndalimit të patentë shoferit është konvertuar në gjobë shtesë prej 500 eurosh për secilin, duke e çuar shumën totale të gjobës në 1 mijë euro për secilin.
