Dymbëdhjetë zyrtarë policorë nga Drejtoria Rajonale e Policisë në Prizren dhe ajo e Gjakovës janë certifikuar sot pas përfundimit me sukses të trajnimit për patrullim me biçikletë.

Ceremonia e ndarjes së certifikatave u mbajt në ambientet e Drejtorisë Rajonale të Policisë në Prizren, ku u theksua rëndësia e këtij trajnimi për përmirësimin e efikasitetit të punës policore, veçanërisht në zonat urbane dhe këmbësore, raporton PrizrenPress.

Qëllimi i këtij programi ishte avancimi i kapaciteteve të zyrtarëve policorë në ofrimin e sigurisë përmes një qasjeje më të afërt me qytetarët, me mjete ekologjike dhe fleksibile si biçikleta.

Në emër të Drejtorisë Rajonale të Policisë në Prizren, të pranishmit i përshëndeti major Vebih Zekolli, i cili i uroi zyrtarët për përkushtimin dhe suksesin e treguar gjatë trajnimit.

“Është me rëndësi që njohuritë e fituara të aplikohen në praktikë, për të garantuar një ambient sa më të sigurt për të gjithë qytetarët”, tha ai.

Policia e Kosovës mbetet e përkushtuar në përmirësimin e shërbimeve të saj ndaj qytetarëve dhe në rritjen e sigurisë publike, duke investuar në trajnimet dhe pajisjet që ndihmojnë në një patrullim më efikas dhe më të qasshëm./PrizrenPress.com

Pavarësisht këtyre dispozitave dhe akteve të komunës që ndalojnë vendosjen e reklamave me përmasa mbi 1m² pa pëlqimin paraprak të Qendrës Rajonale për Trashëgimi Kulturore (QRTK), një numër i konsiderueshëm i ndërtesave dhe lokaleve afariste janë të mbuluara me reklama të mëdha, të ndriçuara dhe shpesh të vendosura në mënyrë që dëmtojnë karakterin historik dhe estetik të hapësirës publike në këtë zonë të mbrojtur.

Sipas përgjigjes me shkrim të QRTK-së “asnjë nga subjektet afariste që kanë të vendosura reklama me përmasa mbi 1m² në Zonën e Mbrojtur nuk është i pajisur me pëlqimin paraprak nga Qendra Rajonale për Trashëgimi Kulturore (QRTK) në Prizren”.

Kjo qendër ka theksuar në kuadër të kompetencave të saj dhe në përputhje me detyrat e brendshme institucionale, kryen monitorim të rregullt të punimeve dhe veprimtarive në Qendrën Historike të Prizrenit, përfshirë edhe vendosjen e reklamave.

“Rastet e konstatuara janë adresuar vazhdimisht tek institucionet kompetente për veprim të mëtutjeshëm”, ka bërë të ditur QRTK.

Ndërsa Drejtoria e Inspektorateve në Komunën e Prizrenit ka sqaruar se të gjitha reklamat që kanë qenë të vendosura mbi kulmet e bizneseve janë larguar në Qendrën Historike.

“Të gjitha reklamat tjera që janë të vendosura në muret e lokaleve të bizneseve janë evidentuar meqë bizneset kanë parashtruar kërkesë për tu pajisur me leje. Në Drejtorinë për Urbanizëm nuk ka patur dhe nuk ka akoma një formë se si do të duhej të duken reklamat në këtë zonë. Aty ku ka pasur ankesa nga qytetarët  që kanë paraqitur pengesë ne i kemi larguar ato reklama. Pavarësisht të gjithave, ne do të vazhdojmë ti evidentojmë dhe përfundimisht ti largojmë të gjitha reklamat që nuk përkojnë me Ligjin për Qendrën Historike të Prizrenit”, thuhet në përgjigjen e DI-së.

Komuna e Prizrenit pak vite më parë pat iniciuar hartimin e Projekt-Rregullores mbi trajtimin e mënyrës së shfrytëzimit të hapësirës publike të qytetit dhe Zonës Historike të Prizrenit, por e njëjta nuk ishte miratuar nga niveli qendror. Ndërkohë disa prej sfidave kanë mbetur të paadresuara, që prej asaj kohe.

EC Ma Ndryshe përkujton se Qendra Historike e Prizrenit nuk është një hapësirë tregtare e zakonshme, por është një pasuri kulturore me rëndësi kombëtare dhe ndërkombëtare, që gëzon mbrojtje ligjore. Kjo gjendje e reklamimit kaotik jo vetëm që dëmton autenticitetin dhe integritetin vizual të Qendrës Historike, por rrezikon edhe potencialin e zhvillimit të turizmit kulturor dhe identitetin kolektiv të qytetit.

Prandaj, EC Ma Ndryshe duke marrë për bazë edhe përmbajtjen e Planit të Menaxhimit për Qendrën Historike të Prizrenit apelon për hartimin urgjent të rregullores dhe udhëzuesit teknik për reklamat në këtë zonë të mbrojtur.

Njëherësh i bën thirrje autoriteteve përgjegjëse që ta trajtojnë me seriozitet situatën aktuale dhe të ndërmarrin masa konkrete për të vendosur rend në këtë hapësirë unike

Një krizë e re po godet bizneset në Kosovë, pas vendimit të kompanisë Enternet Shpk për të mbyllur të gjitha zyrat e saj të shërbimit për arkat fiskale, përveç asaj në qytetin e Pejës.

Kjo ka shkaktuar kolaps në sektorin e shërbimeve teknike, duke detyruar qindra biznese të udhëtojnë qindra kilometra për një shërbim bazik të domosdoshëm për funksionimin e tyre të përditshëm.

Afrim Tejeci, kryetar i Odës së Ndërmarrësve Zejtarëve të Prizrenit, ka ngritur zërin përmes një deklarate publike, ku theksoi pasojat e drejtpërdrejta që kjo situatë po ka në Prizren dhe më gjerë.

“Bizneset janë të shqetësuara dhe të bllokuara. Është e pakuptimtë që një zejtar apo një biznes i vogël të mbyllë lokalin dhe të udhëtojë në Pejë për të servisu një arkë fiskale. Kërkojmë nga Ministria e Financave të ndërhyjë menjëherë dhe të ndërmarrë masa lehtësuese për bizneset”, u shpreh Tejeci.

Situata ka lindur si pasojë e një Udhëzimi Administrativ të Ministrisë së Financave, që lejon bizneset e reja të operojnë pa arkë fiskale për 60 ditë. Enternet, kompani që ka trashëguar shërbimet e GeKos dhe ka operuar për mbi 15 vjet në treg, ka pezulluar shërbimet si shenjë pakënaqësie ndaj këtij udhëzimi.

Ndërkohë, në terren, qindra biznese nga Prishtina, Gjilani, Ferizaj, Mitrovica, Gjakova dhe Prizreni janë detyruar të presin me ditë të tëra për t’u marrë në konsideratë nga zyra në Pejë – e vetmja që mbetet funksionale.

Mungesa e stafit teknik, vonesat në ofrimin e shërbimeve, kostoja e transportit dhe ndërprerja e operimit po përkthehen në humbje të mëdha financiare për sektorin privat.

“Po përballemi me një torturë administrative dhe teknike. Kjo nuk është thjesht një çështje logjistike – është pengesë e drejtpërdrejtë për zhvillimin ekonomik lokal. Institucionet po heshtin, ndërsa bizneset dëmtohen çdo ditë”, shprehet Tejeci.

Deri më tani, as Administrata Tatimore e Kosovës dhe as Ministria e Financave nuk kanë reaguar zyrtarisht për situatën, ndonëse shqetësimet janë bërë publike nga shumë përfaqësi të komunitetit ekonomik.

Oda e Ndërmarrësve Zejtarëve të Prizrenit apelon që institucionet përgjegjëse të ndërhyjnë pa vonesë për të shmangur përkeqësimin e mëtejshëm të gjendjes./PP/

Marketing