Home Blog Page 66

RTSH shpall këngëtarët pjesëmarrës në Festivalin e Pranverës

admin
-
0
RTSH shpall këngëtarët pjesëmarrës në Festivalin e Pranverës

Radio Televizioni Shqiptar ka publikuar listën e këngëtarëve konkurrues të Festivalit të Pranverës.

Ky aktivitet, për të cilin ka nostalgji nga disa breza artdashësish, rikthehet në skenën e Teatrit Kombëtar të Operës dhe Baletit më 6 dhe 7 qershor, i shoqëruar nga tingujt e Orkestrës së RTSH-së.

RTSH bën të ditur se, Festivali i Pranverës rikthehet si një platformë e fuqishme për promovimin e artistëve shqiptarë, me premtimin për të sjellë muzikë cilësore dhe prodhime që i japin një dimension tjetër artit në vend.

Një nga vlerat më të mëdha të këtij edicioni do të jetë padyshim interpretimi live. Të 20 artistët konkurrues do të ngjiten në skenë të shoqëruar nga Orkestra e RTSH-së. Provat zyrtare me bendin dhe orkestrën pritet të nisin që në javën e dytë të muajit maj.

Këngëtarët që do të konkurrojnë në Festivalin e Pranverës: Akullthyesit, Alban Çuku, Alegra Jaho, Algert Sala, Arsi Bako, Drina Sheu, Enxhi Kumrija, Erand Sojli, Flavia Zere, Frederik Ndoci dhe Anjeza Marku, Frensi Revania, Herva Novaku, Jet, Kejsi Jazxhi, Martina Serreqi, Niki Zaimi, Peter Pan Quartet, Vesa Kelmendi, Voltan Prodani dhe Xhon Jesku.

Prizreni arrin marrëveshje në Turqi për trajnimin e infermierëve

admin
-
0
Prizreni arrin marrëveshje në Turqi për trajnimin e infermierëve

Drejtori i Shëndetësisë, Sylejman Baxhaku, dhe Drejtori i Financave, Levent Bus, kanë zhvilluar një vizitë zyrtare në Turqi, ku janë dakorduar për bashkëpunim në fushën e trajnimeve profesionale për stafin infermieror nga Komuna e Prizrenit.

Gjatë vizitës, ata kanë realizuar takime me përfaqësues të universiteteve “Cerrahpasa” dhe “Biruni”, ku është arritur pajtueshmëri për fillimin e programeve trajnuese me qëllim ngritjen e kapaciteteve profesionale dhe përmirësimin e cilësisë së shërbimeve shëndetësore.

“Janë dakorduar për fillimin e bashkëpunimit për trajnime profesionale të stafit të infermierëve, me synim rritjen e cilësisë së shërbimeve shëndetësore”, thuhet në njoftimin e komunës, raporton PrizrenPress.

Po ashtu, delegacioni i Prizrenit ka marrë pjesë edhe në panairin ndërkombëtar të shëndetësisë “Expomed Eurasia”, ku është njohur me teknologjitë më të reja mjekësore dhe mundësitë për sigurimin e donacioneve për komunën.

“Kjo vizitë përbën një hap të rëndësishëm në forcimin e bashkëpunimit ndërkombëtar dhe avancimin e shërbimeve shëndetësore në Prizren”, theksohet në njoftim./PrizrenPress.com/

Nesër derbi i madh i Ligës së Parë: Vëllaznimi – Liria, për hapin drejt Superligës

admin
-
0
Nesër derbi i madh i Ligës së Parë: Vëllaznimi – Liria, për hapin drejt Superligës

Në kuadër të Raiffeisen Liga e Parë, nesër zhvillohet një nga ndeshjet më të rëndësishme të sezonit, derbi mes Vëllaznimit të Gjakovës dhe Lirisë së Prizrenit një përballje direkte që pritet të ketë ndikim të madh në garën për kreun dhe objektivin e Superligës, raporton PrizrenPress.

Takimi do të luhet të shtunën, me fillim nga ora 15:00, në stadiumin sintetik “Shani Nushi” në Gjakovë, ku të dy skuadrat hyjnë me objektiv të qartë: fitoren dhe tre pikët e plota në një duel që mund të rezultojë vendimtar për vazhdimin e sezonit.

Para këtij derbi, renditja në tabelë tregon një garë shumë të ngushtë në majë. Liria ndodhet në vendin e tretë me 59 pikë, ndërsa Vëllaznimi është në vendin e pestë me 58 pikë, vetëm një pikë diferencë mes dy rivalëve direktë.

Liria synon të mbajë hapin me kreun dhe të forcojë pozitat në zonën e promovimit, ndërsa Vëllaznimi kërkon të përmbysë situatën në tabelë dhe të kapë zonën e sipërme në një moment vendimtar të kampionatit./PrizrenPress.com/

Rahoveci ndan 243 mijë euro për kulturë, rini dhe sport – përfitojnë 34 OJQ

admin
-
0
Rahoveci ndan 243 mijë euro për kulturë, rini dhe sport – përfitojnë 34 OJQ

Kryetari i Komunës së Rahovecit, Smajl Latifi, i shoqëruar nga drejtori i Drejtorisë për Kulturë, Rini dhe Sport, Atdhe Rama, ka nënshkruar kontratat me përfituesit e subvencioneve në fushat e kulturës, rinisë dhe sportit.

Sipas komunës, mbështetja financiare është ndarë në Kulturë (13 OJQ, në vlerë prej 79,100 euro), Rini (4 OJQ, në vlerë prej 21,700 euro) dhe Sport (17 klube dhe organizata sportive, përfshirë edhe shkolla futbolli, në vlerë prej 142,200 euro).

“Nga thirrja e DKRS-së kanë përfituar gjithsej 34 OJQ, nga 37 aplikime sa kanë qenë në total. Vlera e përgjithshme e mbështetjes për këtë vit arrin në 243,000 €, që është 9% më shumë krahasuar me vitin 2025”, thuhet në njoftimin e komunës./PrizrenPress.com/

Ndërron jetë mësuesi Hylmi Sylejmani nga Dragashi

admin
-
0
Ndërron jetë mësuesi Hylmi Sylejmani nga Dragashi

Ka ndërruar jetë mësuesi me përvojë shumëvjeçare nga fshati Blaç i Dragashit, Hylmi Sylejmani, një figurë e njohur në fushën e arsimit dhe edukimit.

Lajmin e ka bërë të ditur kryetari i Komunës së Dragashit, Bexhet Xheladini, i cili ka shprehur pikëllim të thellë për ndarjen e tij nga jeta.

Xheladini ka vlerësuar kontributin e të ndjerit në arsimimin e brezave të rinj, duke theksuar se ai do të mbetet i paharruar për përkushtimin dhe dashurinë ndaj dijes.

“Kontributi i tij i çmuar në arsimimin dhe edukimin e brezave të rinj do të mbetet gjithmonë i paharruar. Ai ishte shembull i përkushtimit, urtësisë dhe dashurisë për dijen”, thuhet në mesazhin e ngushëllimit.

Në emër të Komunës së Dragashit dhe në emrin e tij personal, kryetari Xheladini ka shprehur ngushëllime familjes Sylejmani, të afërmve, miqve dhe të gjithë atyre që e njohën dhe punuan me të.

“Zoti e shpërbleftë me Xhenet”, ka përfunduar ai./PrizrenPress.com/

La Liga, Mallorca dhe FFK urojnë Vedat Muriqin për ditëlindje

admin
-
0
La Liga, Mallorca dhe FFK urojnë Vedat Muriqin për ditëlindje

La Liga, RCD Mallorca dhe Federata e Futbollit e Kosovës kanë uruar ditëlindjen e sulmuesit të Kosovës, Vedat Muriqi, i cili sot feston 32-vjetorin.

La Liga, përmes rrjeteve zyrtare, shkroi: “Pirati i Mallorcas po feston. Urime ditëlindjen Vedat Muriqi”.

Ndërkohë, Mallorca e vlerësoi sulmuesin prizrenas me fjalët: “Sot është ditëlindja e golashënuesit më të mirë të historisë sonë në LaLiga. Urime, pirat.”

Urim nuk mungoi as nga Federata e Futbollit e Kosovës, e cila shkroi: “Urime ditëlindjen Vedo! Të dëshirojmë të mira pa fund!”/PrizrenPress.com/

Prizreni nis projektin madhor për efiçencë energjetike në 43 ndërtesa publike

admin
-
0
Prizreni nis projektin madhor për efiçencë energjetike në 43 ndërtesa publike

Komuna e Prizrenit ka nisur zbatimin e projektit për rritjen e efiçencës energjetike në 43 ndërtesa publike, pas nënshkrimit të kontratës për realizimin e tij, me vlerë rreth 5 milionë euro.

Në kuadër të projektit janë zhvilluar vizita në disa prej objekteve përfituese, përfshirë AMF “11 Marsi”, shkollën “Ibrahim Fehmiu” dhe “Hysen Rexhepi”, ku pritet të realizohen ndërhyrje infrastrukturore, si ndërrimi i dritareve, përmirësimi i instalimeve dhe izolimi energjetik.

“Pas nënshkrimit të kontratës për realizimin e projektit të rritjes së efiçencës energjetike në 43 ndërtesa publike, me vlerë rreth 5 milionë euro, ka filluar zbatimi i tij, me ç’rast janë realizuar vizita në disa prej objekteve përfituese, si AMF ‘11 Marsi’, shkolla ‘Ibrahim Fehmiu’ dhe ‘Hysen Rexhepi’, ku do të kryhen ndërhyrje infrastrukturore”, thuhet në njoftimin e komunës.

Më tej, në njoftim theksohet se projekti “po realizohet me mbështetjen e Bashkimit Evropian dhe Bankës Evropiane për Rindërtim dhe Zhvillim, me qëllim përmirësimin e kushteve për nxënësit, stafin e qytetarët, si dhe rritjen e kursimit të energjisë sipas standardeve evropiane”./PrizrenPress.com/

Vdekje e dyshimtë në Prizren

admin
-
0
Vdekje e dyshimtë në Prizren

 

Sipas informacioneve zyrtare, një mashkull kosovar ka ndërruar jetë.

Në vendin e ngjarjes kanë dalë njësitë relevante policore, si dhe ekipi mjekësor, ku është konstatuar vdekja e viktimës.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion.

“Prizren / 23.04.2026-NN.  Është raportuar se një mashkull kosovar ka ndërruar jetë. Lidhur me rastin njësitë relevante policore dhe ekipi mjekësor kanë dalë në vendin e ngjarjes ku është  konstatuar vdekja  e viktimës. Me vendim të prokurorit trupi i pajetë është dërguar në IML për obduksion. Rasti nën hetime”, njofton PK.

Marketing

Realizoni projektet tuaja me BiCredit, partneri juaj i besueshëm financiar në Prizren!

Zbuloni materialet më të mira të tekstilit luksoz – Vizitoni pikat e Fa&Be Tex në Prizren!

Shiten banesa moderne në lagjen “Tranzit i Ri” të Prizrenit – mundësi pagese me këste

Shitet banesa në lagjen “Dardania” të Prizrenit

Mos prit më – merr kredinë që të duhet në IMF KosInvest

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren

 

Kosova sot është në zi në nderim të jetës dhe veprës së Rexhep Qosjes

admin
-
0
Kosova sot është në zi në nderim të jetës dhe veprës së Rexhep Qosjes

Kosova sot është në zi në nderim të jetës dhe veprës së akademik Rexhep Qosjes, i cili dje ndërroi jetë në moshën 90-vjeçare.

Ushtruesja e detyrës së presidentes, Albulena Haxhiu, e ka shpallur ditën e sotme ditë zie shtetërore në nderim të jetës dhe veprës së akademik Rexhep Qosjes.

Sipas saj, me këtë vendim, shteti shpreh nderimin dhe mirënjohjen për një personalitet që i dha kulturës shqiptare dije, vepër dhe autoritet.

Realizoni projektet tuaja me BiCredit, partneri juaj i besueshëm financiar në Prizren!

Dje është ndarë nga jeta akademiku Rexhep Qosja, varrimi i të cilit është zhvilluar në një ceremoni të thjeshtë, në praninë e anëtarëve më të ngushtë të familjes.

Sipas familjarëve, me dëshirë të të ndjerit nuk do të organizohet ceremoni pritjeje dhe familja nuk do të marrë pjesë në organizime institucionale.

“Varrimi u zhvillua në praninë e anëtarëve të ngushtë të familjes. Me dëshirë të të ndjerit, nuk do të organizohet ceremoni pritjeje nga familja. Familja nuk do të marrë pjesë në organizime institucionale”, ka theksuar nipi i tij.

Kush ishte Rexhep Qosja?

Rexhep Qosja është një nga figurat më të njohura të letërsisë, kritikës letrare dhe publicistikës shqiptare, si dhe akademik me ndikim të madh në hapësirën kulturore shqiptare.

Lindi më 25 qershor 1936 në Vuthaj të Malësisë së Gucisë (sot në Mal të Zi). Shkollimin fillor e kreu në vendlindje, ndërsa studimet e mesme dhe të larta i vazhdoi në Prishtinë dhe Beograd, ku u diplomua në gjuhë dhe letërsi shqipe.

Qosja u dallua herët si studiues dhe kritik letrar. Ai ka punuar në Institutin Albanologjik të Prishtinës dhe më pas ka qenë profesor në Universitetin e Prishtinës, duke dhënë një kontribut të rëndësishëm në zhvillimin e studimeve albanologjike.

Ai është autor i një numri të madh veprash letrare, studimore dhe publicistike, ku trajton letërsinë shqiptare, historinë, identitetin kombëtar dhe zhvillimet shoqërore e politike. Ndër veprat e tij më të njohura janë studimet mbi letërsinë shqipe dhe trilogjia “Vdekja më vjen prej syve të tillë”.

Përveç veprimtarisë shkencore, Qosja është i njohur edhe për angazhimin e tij publik dhe qëndrimet kritike ndaj zhvillimeve politike në Kosovë dhe më gjerë.

Ai është anëtar i Akademisë së Shkencave dhe të Arteve të Kosovës dhe ka marrë shumë çmime dhe vlerësime për kontributin e tij në kulturën shqiptare.

Marketing

Zbuloni materialet më të mira të tekstilit luksoz – Vizitoni pikat e Fa&Be Tex në Prizren!

Shiten banesa moderne në lagjen “Tranzit i Ri” të Prizrenit – mundësi pagese me këste

Shitet banesa në lagjen “Dardania” të Prizrenit

Mos prit më – merr kredinë që të duhet në IMF KosInvest

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren

Prizreni i jep lamtumirën e fundit ish-eprorit të UÇK-së, Selim Krasniqi

admin
-
0
Prizreni i jep lamtumirën e fundit ish-eprorit të UÇK-së, Selim Krasniqi

Prizreni i ka dhënë sot lamtumirën e fundit patriotit dhe ish-eprorit të Ushtrisë Çlirimtare të Kosovës, Selim Krasniqi – Komandant “Baca”, në një ceremoni të organizuar me nderime të larta.

Në mbledhjen komemorative të mbajtur me këtë rast morën pjesë familjarë, bashkëluftëtarë, përfaqësues institucionalë dhe qytetarë të shumtë, të cilët nderuan jetën dhe veprën e tij. Gjatë fjalimeve, u vlerësua lart kontributi i Krasniqit në luftën çlirimtare, si dhe angazhimi i tij i pandërprerë në shërbim të vendit edhe pas përfundimit të luftës.

Të pranishmit e kujtuan atë si një figurë të përkushtuar, me vlera të larta atdhetare dhe njerëzore, duke theksuar rolin e tij edhe në pajtimin e gjaqeve dhe në zgjidhjen e mosmarrëveshjeve ndërmjet qytetarëve.

Po ashtu, u përmend kontributi i tij në drejtimin e Organizatës së Veteranëve të Luftës së UÇK-së në Prizren, ku ai dha një rol të rëndësishëm në përfaqësimin dhe mbrojtjen e interesave të veteranëve.

Varrimi i të ndjerit u bë me nderime të larta në Varrezat e Dëshmorëve në Landovicë, në prani të një numri të madh qytetarësh./PrizrenPress.com/

1...656667...9 235Page 66 of 9 235