Nuk do të ketë qeveri të ardhshme pa Partinë Demokratike të Kosovës, shprehet nënkryetari i kësaj partie, Enver Hoxhaj, përkundër se thotë që janë duke pritur interpretimin e Gjykatës Kushtetuese. Këto komente, Enver Hoxhaj, njëherit edhe Ministër i Punëve të Jashtme i Qeverisë në largim, i bëri në RTK 1.

Për Shqipërinë marrja e statusit të vendit të kandidatit për anëtarësi në Bashkimin Evropian, sipas diplomatit Hoxhaj, pas tranzicionit demokratik një dekadësh, kjo është ngjarja më e madhe që i ka ndodhur Shqipërisë, dhe me këtëka ndodhë “rikthim i plot në civilizimin evropian”.

Ai pret që Shqipëria në një periudhë prej dy vitesh të mund të hapë edhe negociatat për anëtarësim dhe thotë se “mund të ndodhë sipas dinamikës në një periudhë dhjetë vjeçare të jetë anëtare e BE”.

Sipas tij, 5 vende të reja janë në procedurë për ta njohur Kosovën, tri të Bashkimit Evropian si Greqia, Rumania e Sllovakia Ministri i Punëve të Jashtme, Enver Hoxhaj, pret se do ta njohin këtyre muajve Kosovën dhe dy vende të Afrikës veçse kanë marrë vendimin pë r njohje të Kosovës në qeveritë e tyre.

Spanja, sipas tij, për arsye të brendshme nuk arrinë ta njohë Kosovën, por presin ndikim edhe tek Qiproja përmes Greqisë, pas njohjes nga kjo e fundit.

Deri në vitin 2020, ministri Hoxhaj beson se Kosova do të arrijë të anëtarësohet në Organizatën e Kombeve të Bashkuara dhe në agjencionet e saj.

“Kur ne të anëtarësohemi në OKB, dhe në një periudhe pesë vjeçare një gjë e tillë është e mundur, nga një studim të ekspertëve më të mirë dhe partnerëve strategjik”, shprehet ai.

Në krye të këtij rrjeti kriminelësh ishte një kosovar, i cili u arrestua në Saint–Malo, pas të cilit qëndronte një bandë prej 12 personash.
Rreth 200 shqiptarë pa dokumente që kishin për synim depërtimin në mënyrë ilegale nga Franca në Britaninë e Madhe, kapen nga policia franceze.

Policia ka arrestuar edhe 12 persona të tjerë të implikuar në këtë ngjarje, ku ndodheshin emigrantë nga Shqipëria dhe nga Kosova.

Kontrabandistët merrnin 7 deri në 10 mijë euro për person.

Madje, një familje shqiptare me 4 fëmijë ka paguar 15 mijë euro për të kaluar nga Franca drejt Britanisë së Madhe.

Punëtorët e Administratës së Prizrenit planifikojnë që të mos e shfrytëzojnë pushimin vjetor gjatë tre muajve të verës. Koordinatori, Ruzhdi Hoxha tha se ditëve të fundit janë shtuar kërkesat e qytetarëve për të nxjerrë dokumente. Sipas tij, punëtorët e Administratës janë mobilizua për të kryer të gjitha kërkesat e qytetarëve.

“Këtë vit kemi bërë angazhime shtesë dhe qëndrim i yni është që mos të shkojmë në pushim vjetor”, thotë Hoxha.

Sipas tij, kërkesat më së shumti janë shtuar nga bashkatdhetarët të cilët pushimet e tyre vjetore I kalojnë në Kosovë.

“Dëshirojmë të jemi në shërbim të kërkesave të qytetarëve dhe tashmë edhe bashkatdhetarëve tanë të cilët vazhdojnë të kenë edhe kërkesa të shumta”.

Ai thotë se nëse kërkohet, do të shtohet edhe orari i punës.

“Brenda ditës në këtë sektor lëshohen mbi 600 ekstrakte mbi 100 certifikata dhe dokumente tjera sipas kërkesave të qytetarëve”.

Qytetarët e Prizrenit, ndërkaq shprehen të kënaqur me shërbimet e Administratës.

Alajdnin Berisha nga Prizreni tregon se në Administratë ka hasur një mirëkuptim dhe efikasitet të punës.

“Shërbimi është i shpejt dhe mund të them se nëse kështu vazhdojnë ne do të kemi vetëm fjalë të mira për Administratën”.

Komuna e Prizrenit edhe viteve tjera është munduar që në shërbim të bashkatdhetarëve të bëjë shumë, duke zgjatur edhe orarin e punës./TV Besa/

Komisioni Qeveritar për Persona të Pagjetur nuk e ka bërë asnjë hap për t’i zbuluar pretendimet e dëshmitarit, Ivan Pajiq, për ekzistimin e një varreze masive në Bori të Serbisë.

Në dëshminë e tij, dhënë për gazetën Tribuna, Pajiq kishte ka thënë se gjatë luftës në Kosovë, kishte parë disa kamionë-frigoriferë me trupa të shqiptarëve të cilët kishin përfunduar në një varrezë masive në Petrovosello në Serbi, derisa një kamion tjetër, sipas tij, kishte përfunduar në shkritoren e Borit, afër Petrovosellos.

Ndonëse kjo dëshmi kishte nxitur reagim të madh të faktorit vendor dhe ndërkombëtar, deri më tani asnjë lëvizje nuk është bërë në këtë drejtim.

Këtë e pranon edhe kryetari i Komisionit Qeveritar për Personat e Pagjeturi, Prenkë Gjetaj.

Ai ka thënë për gazetën Tribuna se deri më tani nuk kanë ndonjë informacion rreth këtij lokacioni, derisa ka treguar se ende janë në kontakt me dëshmitarin.

“Ende nuk ka asgjë për dyshimet për varrezë masive në Petrovosello. Ne jemi në kontakt me dëshmitarin, mirëpo ende nuk ka asnjë lëvizje në këtë drejtim”, ka qenë përgjigjja e Gjetajt për këtë çështje.

Përderisa Bori është lënë në harresë, në Rashkë të Serbisë janë duke vazhduar gërmimet për zbulimin e trupave me shqiptarë të vrarë gjatë luftës në Kosovë.

Barrikada “Parku i Paqes” e ndërtuar mbi urën kryesore të lumit Ibër nga lidershipi i Mitrovicës veriore dhe Qeveria e Serbisë, po krijon një rrethanë të re politike që e tejkalon Marrëveshjen e Brukselit për integrimin e kësaj pjese. Në Beograd, po shtohen mbështetës të ideve për dhënien e dimensionit gjeopolitik rastit të aneksimit të Krimesë dhe veriut të Kosovës.

Prania e Qeverisë së Serbisë në vendosjen e parkut ndarës mes jugut dhe veriut të Mitrovicës, parqet një rast më të rëndë sesa veprimi i qytetarëve lokalë serbë të veriut, kur në korrik të vitit 2011 kishin vendosur barrikadën me rërë e gurë. Kjo barrikada e fundit, për syrin e njeriut mbase mund të duket më e bukur e stilistike, por për nga dimensioni politik ajo paraqet një vepër të Qeverisë së Serbisë, që për Prishtinën do të nënkuptonte një mesazh për riaktivizimin e ambicieve kaherë të theksuara serbe për aneksimin e kësaj pjese të Kosovës.

Analisti nga Beogradi, Dushan Janjiq, rikujton se nga liderë të caktuar serbë shpesh janë dëgjuar ide për krahasimin e Krimesë me veriun e Kosovës. Ide të tilla, ai ka dëgjuar edhe nga presidenti Tomislav Nikoliq, kryeministri i dikurshëm dhe tani ministri i jashtëm, Ivica Daçiq, kurse nuk ka dëgjuar ndonjëherë që për këtë krahasim të flasë edhe kryeministri aktual Aleksandar Vuçiq./tribuna/