Kreu i AAK’së, Ramush Haradinaj ka takuar strukturat e kësaj partie në Prizren.
Ai ka njoftuar në Facebook se ka njoftuar për së afërmi zhvillimet dhe përgatitjet që po bëhen për “Drejtimin e Ri” në Prizren.

Haradinaj shkruan në Facebook:

Sot pasdite kam zhvilluar edhe një takim vetëm me strukturat e degës së Aleancës në Prizren, ku jam njoftuar për së afërmi me zhvillimet si dhe përgatitjet që po bëhen në Prizren.

Aleanca dhe platforma “Drejtim i Ri” do të triumfojë edhe në Prizren.

Jam ndarë i kënaqur me punën e degës së AAK-së në Prizren dhe ftoj të gjithë anëtarët, aktivistët dhe simpatizantët e Aleancës në Prizren dhe përgjatë gjithë Kosovës që të mobilizohen dhe të përcjellin mesazhin fitues tek të gjithë qytetarët e vendit.

Premtimi i kryeministrit në largim, Hashim Thaçi se do ta krijoj komunën e Kijevës ka nxitur reagimin e Lidhjes Demokratike të Kosovës dhe të Nismës. Drejtuesit e të dy subjekteve këtë premtim të kryeministrin e kanë quajtur si mashtrim që po u bëhet qytetarëve.

Anëtari i Kryesisë së LDK-së, Avdullah Hoti i ka thënë Gazetës Blic se Thaçit askush më nuk i beson. Sipas tij, Thaçi edhe në Has kishte premtuar se do t’i themeloj dy komuna, dhe doli se i mashtroi qytetarët e asaj ane.

“I mashtroj hasjanët për komunë, tash më nuk shkon atje, ka dalë në Kievë të mashtroj edhe më shumë. Thaçi ka aprovuar kornizën e shpenzimeve për tri vitet e ardhshme, vetëm dy javë më herët është aprovuar kjo kornizë dhe askund nuk figuron komuna e Kievës në projeksionet buxhetore, as rritja e pagave dhe as rritja e buxhetit për bujqësi. Mashtrimet e tij marrin fund më 8 qershor”, ka thënë Hoti.

Edhe kryetari i Këshillit Kombëtar i Nismës për Kosovën, Jakup Krasniqi ka thënë se ky premtim i Thaçit është vetëm një mashtrim dhe asgjë më shumë. Ai i ka thënë Gazetës Blic se kryeministri në ikje pos që po i mashtron qytetarët, ai po bënë edhe shkelje ligjore.

“Ky premtim i tij është në kohë fushate. Është e shoh si shkelje ligji këtë premtim dhe mashtrim të qytetarëve dhe asgjë më shumë. Ju e keni parë sa premtimet i ka bërë Thaçi dhe asnjë prej tyre nuk e ka realizuar. Thjesht ai është një mashtrues”, tha Krasniqi.

Ndërkohë nga PDK nuk është përgjigjur askush që të japë detaje se kur pritet të themelohet kjo komunë. Gazeta Blic ka provuar gjatë tërë ditës që të kontaktoj me zëvendësministrin Basri Musmurati, i cili edhe për dy komunat e premtuara në Has ishte angazhuar nga kryeministri për mbarëvajtjen e themelimit të tyre, por kontakti ka qenë i pamundur.

Kandidati i LDK’së për deputet Bardhyl Meta i është kundërpërgjigjur Besim Beqajt, i cili tha se lideri i opozitës mund të arrestohet. Sipas Metajt, Beqaj po vepron sipas skenarit të SHIK’ut, derisa Arben Gashi, po ashtu kandidat i kësaj partie për deputet, ka thënë se këto kërcënime po vijnë si pasojë e panikut që ka kapluar bandën e Hashim Thaçit.
Pas deklaratës së mbrëmshme të Besim Beqajt të PDK’së, i cili s’kishte arritur të bëhej deputet në zgjedhjet e fundit, kanë reaguar dy zyrtarë të LDK’së, Bardhyl Meta e Arben Gashi.

Meta ka thënë se kërcënimet e Besim Beqajt janë skenar i SHIK’ut pas shkapërderdhjes së PDK’së.

“Është për të ardhur keq që kolegu nga PDK’ja, qeverisja në shkuarje, me logjikë të SHIK’ut sajon akuza të tilla banale. Logjikë tipike e SHIK’ut. S’kanë ku ta ndërtojnë shpresën. Partia po u shkapërderdhet. Qytetarët po kërkojnë rikthimin e dinjitetit dhe po e kërkojnë më 8 qershor”, ka thënë Meta, për Express.

Më tej, ky zyrtar i LDK’së, ka përmendur një rast të korrupsionit për të cilin ka kërkuar përgjigje nga Hashim Thaçi e Besim Beqaj.

“Më mirë që z. Thaçi dhe z. Beqaj t’i tregojnë opinionit se sa para i kanë kërkuar T-Mobile gjerman atëherë, në valën e mëhershme të privatizimit, e për të cilën njoftohet edhe zyrtarisht nga T-Mobile në kumtesën e tyre zyrtare. EULEX’i po merret me këtë çështje. Kërkojmë që edhe z. Thaçi edhe z. Beqaj në mënyrë paqësore, të qytetëruar dhe në mënyrë të dinjitetshme më 8 qershor respektivisht në mbrëmjen e 8 qershorit ta dorëzojnë pushtetin e jo me skenare të SHIK’ut”, ka shtuar ai.
Ndërsa, Arben Gashi, ka thënë se kërcënimi i Besim Beqajt nuk është vetëm për opozitën por u drejtohet të gjithë qytetarëve të Kosovës.

“Ky është mentalitet tipik dikatorial i kapjes së shtetit nga individët. Ky nuk është vetëm kërcënim për Kryetarin e opozitës por ky është kërcënim për të gjithë qytetarët e Kosovës”, ka thënë Gashi.

Sipas tij, deklarimet e Beqajt dëshmojnë se PDK e ka kapur shtetin dhe po dëshirojnë ta shëndërrojnë në shtet diktatorial.

“Këta janë në panik të humbjes dhe kjo sjellje është kërcënim për të gjithë qytetarët e Kosovës.Ku guxon një Ministër të deklarohet se kush do të arrestohet e kush jo. Kjo është sjellje tipike diktatoriale të njerëzve, të cilët e kanë humbur arsyen”, ka shtuar ai

Anëtari i kryesisë së LDK-së, Avdullah Hoti, ka komentuar akuzat e ministrit në largim të finanacave Besim Beqaj, për kinse arrestimin e mundshëm të liderit të LDK-së Isa Mustafa.

Hoti në një prononcim për Indeksonline, ka thënë se është vet ministri Beqaj i cili do të përballet me ligjin. Sipas Hotit, Beqaj është një njëri i papergjegjshëm dhe se është fatekeqësi për vendin që ai udhëheq me ministrinë e financave.

“Ai është një neri shumë i papërgjegjshëm, është mjerim për vendin që ai është ministër i financave, qeverisja e tij do të mbaroj me 8 qershor, ai do të dalë në opozitë dhe do të përballet vet me ligjin”, është shprehur Hoti.

Ndryshe, ministri Beqaj ishte shprehur i bindur se Lidhja Demokratike e Kosovës do të mbetet pa liderin e saj, Isa Mustafa, pasiqë sipas tij, ky i fundit mund të përfundoj i arrestuar

Kryeministri i Kosovës, Hashim Thaçi ka vazhduar me premtime megalomane. Ai të dielën edhe një herë ka ripërsëritur premtimin e tij se Kijeva do të bëhet komunë. Ndërkohë që para disa muajsh ai kishte marrë poashtu vendim në qeveri që të inicioj procedurat për themelimin e dy komunave të reja në rajonin e Hasit, gjegjësisht që komuna të reja ta bëjë Gjonajn dhe Rogovën, por një gjë e tillë jo që nuk ka ndodhur por është harruar fare.
Megjithatë, Thaçi të dielën në mesditë e ka vizituar Kijevën ku ka thënë se do të jetë komuna më e bukur e Kosovës.

“Nëse gjatë luftës Kijeva ka qenë vendi më i rrezikshëm në botë unë u them tash se Kijeva do të jetë Komuna më e bukur e Republikës së Kosovës”, ka thënë Thaqi i cili ka përmendur të dhënën se Kijeva bëhet komunë për të gjithë qytetarët pa marrë parasysh përkatësinë partiake andaj edhe ka kërkuar mbështetjen e krejt spektrit politik për këtë vendim.

Thaçi ka bërë të ditur po ashtu se formimi i kësaj komune nuk lidhet aspak me fushatën elektorale e cila është në prag, shkruan Gazeta Blic.

“Ju tash keni bërë kërkesë për themelimin e komunës suaj dhe unë skam bërë asgjë tjetër veqse kam mbështetur vullnetin tuaj”, ka thënë Thaçi.