Prokuroria Themelore në Prizren, Departamenti i Përgjithshëm, ka ndaluar për 48 orë dy persona të dyshuar në dy raste të ndara, me urdhër të prokurorit.
Njëri nga të ndaluarit është arrestuar për veprën penale “Lëndimi i lehtë trupor”, ndërsa tjetri është ndaluar për “Mbajtjen në pronësi, kontroll ose posedim të paautorizuar të armëve”, sipas Kodit Penal të Republikës së Kosovës.
Ish-ylli i Serie-s A, Andrea Capone, ka vdekur në moshën 43-vjeçare. Trupi i tij u gjet të dielën në mëngjes në hotelin me 5 yje “Palazzo Tirso” në Cagliari.
Sipas raportimeve nga Italia, ai vdiq nga plagët në kokë pas një rënie tragjike që në dukje të parë duket aksidentale.
Capone dikur kishte veshur fanellën ikonë me numrin 10 te Cagliari, që më parë i përkiste legjendës së klubit, Gianfranco Zola .
Në një deklaratë, klubi e vlerësoi atë si “një djalë që ishte gjithmonë i njohur për profesionalizëm, përkushtim dhe pasion”.
Në total, ai luajti 113 herë për klubin sardinez dhe shënoi dymbëdhjetë gola. Pas shtatë vjetësh, italiani u largua nga Cagliari në vitin 2007 dhe vazhdoi të luajë për Vicenza, Grosseto dhe Salernitana.
Deputetja e Kuvendit të Kosovës Duda Balje, është përballur sot në emisionin “Ora 7”, me Sefçet Damkën, pronarin e komapnisë së sigurimit ku punëtorët e saj e janë konfrontuar fizikisht një 20-vjeçar në një aheng në ahengun e e organizuar për “Ditën e Boshnjakëve” në Prizren.
Damka thotë se personi që Balje po e mbron është dikush që ka tentuar të prish nejën, dhe se bashkë me disa persona të tjerë kanë qenë nën ndikim të alkoolit.
“Duda Balje normal që duhet të mbrojë boshnjakët sepse është deputete, por në këtë mënyrë jo. Ajo është duke mbrojtur një person që ka tentuar të hyjë dhe të prish ditën e tij – të Boshnjakëve. Kanë qenë 4-5 persona që në ndikim të alkoolit kanë tentuar të hyjnë në sallën ku janë VIP-at me ftesë”, u shpreh ai.
Balje mohon se i riu ka qenë nën ndikimin e alkoolit, ndërsa thekson se ai ka pësuar traumë.
“Policia nuk ka drejtë të ushtrojë dhunë e lëre më dikush nga sigurimi, kam pritur më shumë profesionalizëm, në fakt ka qenë një fëmijë 20-vjeçar. Nuk mund të postoj foton e djalit, ai është në gjendje të traumës, nuk është e vërtetë se është nën ndikim të alkoolit sepse kemi bërë krejt testet. Unë do të publikoj krejt faktet”, tha ajo.
Klankosova.tv, ka raportuar gjatë ditës së djeshme për rastin, ku sipas përgjigjes së policisë i riu ishte i pari që kishte sulmuar sigurimit, ku më pas këta të fundit i janë kundërpërgjigjur.
Kryetari i Komunës së Prizrenit, Shaqir Totaj, thekson se deri tani janë realizuar qindra projekte të rëndësishme që nuk ishin përfshirë në premtimet elektorale.
“Përveç premtimeve tona, Komuna e Prizrenit ka realizuar me qindra projekte që kontribuojnë në përmirësimin e jetës së qytetarëve,” shprehet Totaj, për Telegrafin.
Instituti GAP, në bashkëpunim me Helvetas dhe Projektin për Decentralizimin dhe Përkrahje Komunave (DEMOS), publikoi përditësimin e shkallës së përmbushjes së premtimeve zgjedhore për kryetarët e komunave për mandatin 2021-2025, duke përfshirë periudhën monitoruese deri në fund të qershorit 2024.
Sipas këtyre të dhënave, nga gjithsej 78 premtime të qeverisjes aktuale lokale në Komunën e Prizrenit, 36 premtime janë përmbushur plotësisht (afër 50%), 20 premtime janë gjysmë të përmbushura (afër 25%), 15 janë në fazën fillestare të realizimit (rreth 16%), ndërsa 7 premtime ende nuk kanë filluar (9%)./PrizrenPress.com/
Dhjetëra gra e vajza po aftësohen në artizanate të ndryshme në kuadër të kurseve që organizohen nga Komuna e Prizrenit, në saje të bashkëpunimit me Komunën e Konyas nga Turqia.
Drejtori i Turizmit dhe Zhvillimit Ekonomik në Komunën e Prizrenit, Ramadan Tarashaj gjatë hapjes së edicionit të sivjetmë të trajnimeve ka theksuar se kurset për aftësim në zanate dhe punime të dorës ofrojnë mundësi të reja për vetëpunësim për gratë dhe vajzat e Komunës së Prizrenit, raporton Telegrafi.
“Kurset përfshijnë fusha të ndryshme si: dizajn për veshje (modë), mefrushat, djegie në dru, reliev në letër, dizajnimi i bizhuterive dhe qëndisje në fjongo”, ka thënë Tarashaj.
Njëra prej pjesëmarrësve të këtyre kurseve, Aida Dauti ka bërë të ditur se ka marrë pjesë edhe herën e kaluar në kursin e djegies në dru dhe të relievit në letër.
“Është një kurs relaksues, shumë i mirë dhe mund të them që ka edhe përfitime. Jam e lumtur që më është dhënë rasti të përfitoj edhe më shumë dije”, ka thënë ajo.
Ndërkaq pjesëmarrësja tjetër, Florije Krasniqi ka pohuar se ka ardhur që ta përvetësojë pirografinë.
“Gratë që kërkojnë një lloj qetësie të brendshme mund të merren me këto punime, për arsye se i relakson”, ka deklaruar ajo.
Ndërsa trajnerja për dizajnimin e bizhuterive dhe qëndisjes në fjongo, Shpresa Makasqi ka theksuar se interesimi i grave për këto kurse tremujore po shtohet prej vitit në vit.
“Të gjitha zejet janë të veçanta, interesimi është shumë i madh. Për cdo kurs të radhës po shtohet interesimi”, ka thënë ajo.
Një gjë e tillë është konfirmuar edhe nga trajnerja e dizajnit të modës, Hykmete Celina.
“Pjesëmarrëset janë shumë të interesuara dhe për këtë arsye kemi suksese”, është shprehur ajo.
Sipas njoftimit të zyrtarëve komunalë, ky projekt mbështetet nga Komuna e Prizrenit dhe Komuna e Konyas, me ç‘rast parashihet aftësimi i 60 pjesëmarrëseve, të cilat do të kenë mundësi të zhvillojnë aftësi të reja për artizanatet tradicionale dhe moderne, duke krijuar mundësi për vetëpunësim dhe përfshirje në tregun e punës. /Telegrafi/
Policia e Kosovës ka bërë të ditur se brenda 24 orëve të kaluara ka shqiptuar 1728 gjoba në trafik.
Sipas raportit të policisë, gjatë 24 orëve të fundit janë evidentuar disa aksidente në trafikun rrugor, 17 aksidente kanë qenë me lëndime, ndërsa 30 me dëme materiale.
Policia njofton se janë arrestuar 17 persona, ndërkaq 14 të tjerë janë dërguar në mbajtje.
Kris Kristofferson, këngëtari dhe aktori fitues i çmimeve të muzikës country që ka punuar me Johnny Cash dhe Martin Scorsese, ka vdekur në moshën 88-vjeçare.
Një përfaqësues tha se ai ndërroi jetë “në mënyrë paqësore” në shtëpinë e tij në Hawaii të shtunën, i rrethuar nga familja.
Deklarata e përshkroi Kristofferson si “një paqedashës, një revolucionar, një aktor, një superstar, një simbol seksi dhe një njeri familjar”, shkruan BBC.
Kris Kristofferson duke performuar në skenën e Piramidës në Glastonbury në 2017
Fituesi i shumëçmimeve ishte i njohur për shkrimin e këngëve të tij, veçanërisht për Me dhe Bobby McGee, dhe Help Me Make It Through the Night, ndër të tjera. Ai gjithashtu luajti në filmin hit “A Star Is Born”.
Një mesazh nga familja e tij thoshte se të gjithë ishin aq të bekuar për kohën që kishin me të.
“Faleminderit që e keni dashur gjatë gjithë këtyre viteve, dhe kur shihni një ylber, dijeni se ai po na buzëqesh të gjithëve”, thuhet në mesazhin e cituar nga CBS News, partneri amerikan i BBC-së.
I lindur në Brownsville, Teksas, më 22 qershor 1936, Kristofferson u bë një figurë kryesore në muzikën country.
“Kur fillova, isha një nga njerëzit që shpresoja të sillja respekt për muzikën e vendit”, tha ai, sipas mesazhit të familjes.
“Disa nga këngët që kisha dhe që u bënë hite e bënë këtë. Unë imagjinoj se kjo është arsyeja pse dikush mund të më votojë në një Hall of Fame. E di që nuk është për shkak të fytit tim të artë”.
Kristofferson studioi shkrim në Kolegjin Pomona në Kaliforni dhe më vonë shkoi në Oksford si studiues në Rodos. Ai fitoi masterin e tij nga Oksfordi në vitin 1960, më pas u kthye në SHBA dhe iu bashkua ushtrisë.
U caktua nga ushtria për të dhënë mësime letërsie, për të cilën ai tha se “tingëllonte si ferr”.
Në vitin 1965 ai vizitoi Nashville dhe brenda dy javësh dha dorëheqjen nga posti i tij ushtarak dhe u transferua në qendrën e muzikës country për të ndjekur karrierën e tij muzikore.
Kreu i Sallës së Famës dhe Muzeut të Vendit tha se ai la pas “një trashëgimi tingëlluese”.
“Kris Kristofferson besonte se krijimtaria është dhënë nga Zoti dhe ata që injorojnë një dhuratë të tillë janë të dënuar me pakënaqësi”, shkroi Kyle Young në X. “Ai predikoi se një jetë e mendjes i jep zë shpirtit dhe puna e tij nuk i dha zë. vetëm për shpirtin e tij, por edhe për tonën.”
Ai fitoi tre “Grammy” për këngën më të mirë të vendit, “Help Me Make It Through the Night” në 1972, dhe dy duete të veçanta me Rita Coolidge (1974, 1976), me të cilën u martua në vitet 1970.
Sindikata e Bashkuar për Arsim, Shkencë dhe Kulturë (SBAShK), do të dorëzoj sot në Kuvendin e Kosovës një peticion me 20,458 nënshkrime të mbledhura në kuadër të një nisme qytetare për ndryshimin dhe plotësimin e Ligjit për skemat pensionale.
Ky peticion pritet t’i dorëzohet kryetarit të Kuvendit dhe Kryesisë së Kuvendit.
SBAShK synon me këtë nismë të adresojë disa prej sfidave që përballen punonjësit e arsimit dhe sektorëve të tjerë publikë që përfitojnë nga skemat pensionale, duke kërkuar ndryshime në përfitimet e pensionistëve.
Ndryshimet në Ligjin e skemave pensionale kanë të bëjnë me kërkesën që vitet e 90-ta dhe vitet pasuese deri kur ka filluar së funksionuari Trusti Pensional i Koosvës, të njihen si kontributdhënëse që do të ishte ndihmesë jo vetëm për të punësuarit e arsim, por edhe për gjithë të tjerët që të arrijnë vitet e duhura kontributpaguese dhe të gëzojnë pension të punës e jo të mbesin vetëm me pensionin e pleqërisë pas dekadave të kaluara në punë.
Kryetari i SBAShK-së, Rrahman Jasharaj, kohë më parë ka deklaruar se kërkesat e nismës kanë për qëllim përmirësimin e kushteve të pensionistëve dhe sigurimin e një jetese më të denjë për ata që kanë kontribuar për vite me radhë në sektorët publikë.
Ajo ka tërhequr vëmendjen me një postim në rrjetin social Tik Tok, ku tek shihet teksa shijon natyrën, sytë e fansave kanë vënë re barkun e saj të rrumbullakosur.
Nuk dihet nëse këngëtarja është në pritje të ëmbël, apo barku duket i rrumbullakosur është si pasojë e xhupit të trashë që ajo duket që ka veshur.
Vetë këngëtarja nuk ka deklaruar se është në një lidhje romantike, por Samanta u përfol vite më parë se i ka dhënë fund beqarisë dhe është fejuar. Partneri i saj i propozoi këngëtares më 29 dhjetor të vitit 2021 dhe artistja tha ‘po’.
Siç u raportua atë kohë nga mediat rozë, djaloshi fatlum quhej Chris Miele dhe ka qenë ai që ka bërë të ditur lajmin për miqtë e tij, duke publikuar disa fotografi në profilin e “Instagram”-it.
Samanta disa kohë më parë deklaroi se në media çdo bashkëpunim i saji me artistët meshkuj është interpretuar si një lidhje dashurie. Ajo u shpreh se të gjitha kanë qenë thjesht aludime, nxitur nga fakti se ajo është shumë e rezervuar për jetën private.
Sigal Prishtina e ka mposhtur Golden Eagle Yllin, bindshëm.
Skuadra nga kryeqyteti nga palestra “13 qershori” në Suharekë, doli me triumf prej 19 pikësh diferencë, me rezultat 67:86.
Për Prishtinën, kjo është fitorja e dytë në tri ndeshje të luajtura dhe ka mbledhur pesë pikë, një më shumë se Ylli që e ka vetëm një fitore deri më tani.
Sigal Prishtina dallimin në këtë përballje e bëri në çerekun e parë dhe dy periudhat e fundit, në të cilat ishte dukshëm më e mirë se Ylli, ekip që e fitoi vetëm dhjetëminutëshin e dytë (28:16).
Epërsia e krijuar ishte e mjaftueshme për basketbollistët e trajnerit Murat Bilge për të triumfuar bindshëm në Suharekë.
Hiç më pak se pesë basketbollistë të Prishtinës e mbyllën ndeshjen me pikë dyshifrore, ku më i dalluari ishte Damiree Burns me “double-double” prej 16 pikëve e 17 kërcimeve.
Lojë të mirë te Prishtina treguan edhe Rashad Williams (22), Josh Nzeakor (18), Jalen Moore (16) e Daniel Lekndrejaj (12).
Te Ylli edhe në këtë ndeshje më efikasi ishte Terrell Brown me 21 pikë të realizuara por që nuk mjaftuan për të evituar humbjen e dytë rresht këtë sezon.
