LDK-ja dhe AAK-ja në Suharekë kanë mohuar se i kanë ofruar koalicion PDK-së. Kandidati i LDK-së për kryetar të Suharekës, Sali Asllanaj tha se nuk e ka as në plan të kërkojë koalicion me PDK-në.

“Nuk kemi kërkuar koalicion me PDK-në, e as që do të kërkojmë.I kemi qytetarët dhe jemi të bindur në fitore. Edhe në rastëse AAK-ja bënë koalicion me PDK-në, do t’i mundim të dya bashkë”, ka thënë Asallanaj për KD.

Edhe kandidati i AAK-së, Bali Muharremaj ka mohuar të ketë kërkuar ndonjë iniciativë për koalicion me PDK-në. “Jo nuk kemi kërkuar koalicion me PDK-në.Jemi të bindur se do të fitojmë vet garën”, ka thënë Muharremaj.

Murtez Zekolli nga PDK-ja, tha ndërkaq se LDK-ja dhe AAK-ja kanë kërkuar koalicion me PDK-në për balotazh. “Jemi në negocita me të dya partitët për koalicion për balotazh”, ka thënë Zekolli. /PrizrenPress.com/

Deri në pjesën e dytë të dhjetorit Kosova dhe Serbia duhet të kryejnë shumë punë. Të dyja kryeqytetet duhet t`i kthehen seriozisht zbatimit të marrëveshjeve të arritura në Bruksel nëse duan që të avancojnë në rrugën evropiane.

Sipas burimeve të gazetës, lehtësuesja e dialogut Catherine Ashton, ua ka përkujtuar palëve, sidomos asaj serbe, se nëse pretendon që Këshilli të marrë vendim pozitiv për nisjen e dialogut të anëtarësimit, atëherë duhet që deri në dhjetor t`i shpërbëjë strukturat paralele në veri. Shpërbërja e strukturave të sigurisë dhe drejtësisë, ka dalë të jetë një nga sfidat më të mëdha që ka zbatimi i marrëveshjes së Brukselit pas mbajtjes së zgjedhjeve në veri.

Nga pala kosovare lehtësuesit e BE-së kërkojnë konstruktivitet në krijimin e asociacionit/bashkësisë së komunave serbe dhe institucioneve tjera që do të mundësojnë integrimin neutral të veriut të vendit,shkruan Tribuna.

Në dhjetor pritet të mbahet takimi i samitit të liderëve të shteteve të BE-së. Pos tjerash në këtë samit pritet që të vlerësohen të gjeturat e raporteve të progresit për Kosovën e Serbisë. Si rezultat i kësaj aty do të vendoset edhe për rekomandimin e raportit të progresit për Serbinë, sipas të cilit me këtë shtet Bashkimi Evropian duhet të nisë dialogun e anëtarësimit.

Për nënkryetarin e AAK-së, Ahmet Isufin, AAK-ja do ta vazhdojë qeverisjen në Gjakovë, Pejë, Therandë dhe Rahovec.
Ai në një intervistë për ‘Epokën e re’ ka treguar arsyen pse AAK-ja nuk arriti të fitoj në raundin e parë në dy komunat që njihen si bastione të saj, Pejën dhe Gjakovën.
“Arsyeja pse nuk kemi fituar në raundin e parë është se nuk jemi angazhuar aq sa duhet edhe nga niveli qendror për shkak se ishim të angazhuar në komunat tjera. Por në raundin e dytë do të përqendrohemi më shumë”, është shprehur Isufi.

Ministri serb pa portofol që në fakt është ministër i Serbisë për Kosovën Aleksandar Vulin, sot në Mitrovicë do të marrë pjesë në prerjen e tortës së festive me rastin e festës së pagëzimit të qytetit, njofton B92. Prerja e tortës është paraparë në orën 11 në sheshin Shumadija.

Pas prerjes së tortës festive dhe prezantimit të stemës së qytetit të Mitrovicës, Vulin do të mbajë një fjalim e pas tij do të flasin edhe klerikë e zyrtarë të tjerë serbë.

Vulin me këtë rast për foshnjat serbe të lindura në Kosovë gjatë vitit 2013 do të shpërndajë ndihmë në të holla.

Është paralajmëruar që Vulin në orën 12 të marrë pjesë në nënshkrimin kartës së vëllazërimit të Mitrovicës me Uzhicën dhe me komunën beogradase Vozhdovac.

Pastaj Vulin do të marrë pjesë në fillimin e punimeve të ndërtimit të urës në Lepoviq.

(E plotësuar) Në Gjykatën Themelore në Prizren, ka përfunduar seanca e sotme e gjykimit ndaj kryetarit të Komunës së Prizrenit, Ramadan Mujës dhe pesë drejtorëve të tij. Gjykimi ka fillur në ora 10:00 dhe ka përfunduar në ora 17:00. Në këtë seancë janë dëgjuar dëshmitë e 6 dëshmitarëve.
Dëshminë e tyre e kanë dhënë, Muhamet Kurtaj, Arben Shala, Agim Tejeci, Raim Alija, që të gjithë nëpunës komunal në Prizren, si dhe zyrtari në zyrën e Prokurimit, Ahmet Krasniqi.

Ahmet Krasniqi, zyrtar për Prokurim në Prizren, ka dëshmuar se zyra e Prokurimit i përgjigjet kryetarit, të cilën edhe e ka si shef. “Nuk di nëse ka pasur ndonjë rast kur prona komunale është dhënë përmes Zyrës së Prokurimit”, tha ai.

Dëshmia e Kurtajt, për Fabrikën e Çokolatës “Kamila”

Nëpunësi i Urbanizmit, Muhamet Kurtaj, ka dëshmuar në seancën se stome ndaj kryetarit të Komunës së Prizrenit, Ramadan Muja dhe pesë drejtorëve të tij. Ai ka dëshmuar për mënyrën e realizimit të kontratës me Fabrikën e Çokolatës “Kamila”.

“Nga unë është kërkuar ta përpiloj kontratën, ndërsa mendoj se krejt qëllimi i saj ka qenë ajo që të mos largohej investitori, në një zonë, të pashfrytëzueshme dhe me ferra, siç është ajo e Bokës”, tha dëshmitari Kurtaj.

Ai tha se për shkak të situatës tashmë të njohur, duke aluduar në regjimin e kaluar kur shumë çështje ishin zhagitur, në fushën e planit urbanistik, siç tha Prizreni është i vonuar, ndërsa kjo ka nxitur qytetarët të veprojnë vetvetiu dhe të mos presin.

Prokurorja ndërkaq ia kujtoi dëshmitarit Kurtaj se përse atëherë mbahen debate me qytetarë, kur siç po dukej nga deklaratat e tij gjërat po kryheshin nga Drejtoria e Urbanizmit, si dhe përse kur ishte vepruar kështu, atëherë çështja tashmë e kryer ishte dërguar në miratim në Asamblenë Komunale. Seanca do të vazhdoj edhe me paraqitjen e dëshmitarëve të tjerë.

Prokurorja e EULEX-it, Natasha Vikary e pyeti dëshmitarin nëse ai i përmbahej deklarimeve të mëparshme në prokurori, kur kishte thënë se në përpilimin e kontratës e kishte urdhëruar shefi i tij, Sadik Paçarizi, drejtori aktual i Urbanizmit, që gjithashtu është i akuzuar në këtë rast.

Bashkë me të pandehurit tjerë, në sallën e gjykatës ishte i pranishëm edhe i dyshuari Kadri Ukimeri, ish drejtor për Kadastër e Gjeodezi, i cili kishte munguar për shkak të gjendjes shëndetësore, ndërsa për këtë shkak, muajin e kaluar edhe u shty procesi gjyqësor.

Sot vazhdon gjykimi i Mujës

Gjykimi i kryetarit të Prizrenit, Ramadan Muja dhe pesë drejtorëve të tij, do të vazhdojë sot. Ruzhdi Berisha, avokat mbrojtës i Mujës ,konfirmoi vazhdimin e seancave gjyqësore. “Po sot do të vazhdojë seanca gjyqësore ndaj klientit tim”, tha Berisha për “PrizrenPress”. Seanca gjyqësore fillon në ora 10:00.

Gjykimi i kryetarit të Prizrenit, Ramadan Muja dhe pesë drejtorëve të tij, muajn e kaluar ishte shtyrë për nëntor, pasi që në seancë kishte munguar i dyshuari Kadri Ukimeri.

Kryetarit të Prizrenit, Ramadan Muja, i rëndon një aktakuzë 21 faqesh, me të cilën ai dhe Sadik Paçarizi (Drejtor i Urbanizmit dhe Planifikimit Hapësinor), Avni Ademaj (Ish-u.d. së Drejtorit të Gjeodezisë dhe Kadastrës), Kadri Ukimeri (Ish-drejtor i Gjeodezisë dhe Kadastrës, Abdullah Tejeci (Drejtor aktual i Gjeodezisë dhe Kadastrës dhe Minir Krasniqi (Drejtor i Administratës, akuzohen për shpërdorim të pozitës zyrtare në dhënien e disa pronave shoqërore në shfrytëzim për disa kompani, me qëllim të përfitimit persona./PrizrenPress.com/