11.1 C
Prizren
E premte, 15 Maj, 2026
type here...
Home Blog Page 936

Shpenzimet e udhëtimit për mësimdhënësit edhe sivjet mbulohen nga Komuna e Prizrenit

admin
-
0
Shpenzimet e udhëtimit për mësimdhënësit edhe sivjet mbulohen nga Komuna e Prizrenit

Komuna e Prizrenit gjatë vitit shkollor 2024/2025 do të vazhdojë praktikën e mbulimit të shpenzimeve të udhëtimit për mësimdhënësit udhëtarë.

Sipas zyrtarëve të lartë komunalë lidhur me këtë çështje është bërë planifikimi buxhetor sikurse që është iniciuar edhe procedura e prokurimit, raporton Telegrafi.

Kryetari i Komunës së Prizrenit, Shaqir Totaj, gjatë një takimi me punonjësit e arsimit dhe aktivistët e SBASHK-ut ka theksuar se mbulimi i këtyre shpenzimeve nuk është obligim ligjor, por se tregon vullnetin e mirë të lidershipit komunal për trajtim të dinjitetshëm të mësimdhënësve udhëtarë.
“Komuna do të vazhdojë pagesat për mësimdhënësit udhëtarë, edhe pse nuk është obligimi ynë ligjor. Është fat i mirë që kemi mundësi dhe kemi bërë planifikim buxhetor dhe do ta japim kontributin tonë në këtë drejtim. Drejtoresha e Arsimit e ka paraparë një gjë të tillë dhe unë e nënkryetari s’kemi pas qysh mos me u pajtua me këtë”, ka thënë Totaj.

Mësimdhënësi Jetmir Osmanaj është shprehur mirënjohës për këtë veprim të Komunës, që sipas tij, krijon lehtësira për mësimdhënësit udhëtarë, sidomos në situatën aktuale ekonomike.

Kompleksi ‘Newco Elan’ ofron banesa të ëndrrave tuaja në zemër të Prizrenit

Ndërkaq mësimdhënësi Azem Thaqi ka shtruar pyetjen nëse është nënshkruar kontrata me operatorin ekonomik.

“Çdo herë po kemi  probleme në fillim të vitit shkollor. Po na shkon muaji i parë dhe i dytë derisa po i marrim biletat. Sivjet a është bërë kontrata me kompaninë apo jo? A do të shkojmë me pagesën me të holla apo me bileta?”, është shprehur ai.

Banesa në shitje nga Renelual Tahiri  

Drejtoresha e Arsimit në Komunën e Prizrenit, Luljeta Veselaj Gutaj ka sqaruar se prokurimi është iniciuar dhe se ndonjëherë shkaku i burokracisë mund të ketë vonesa. Por sipas saj pavarësisht kësaj mësimdhënësit kompensohen, raporton Telegrafi.

“Drejtoria e Arsimit me kohë ka bërë planifikimin dhe ka hapur thirrjen për transportin e mësimdhënësve udhëtarë. Megjithatë e dimë se mund të ketë procedura burokratike në procesin e prokurimit dhe ndodh që ndonjëherë të ketë vonesa, por ato vonesa kompensohen në mënyrë retroaktive. Jemi në fazën e vlerësimit të ofertave dhe shpresoj se në shtator do të jemi të gatshëm. Ajo nuk varet nga ne, por nga prokurimi. Ne e kemi hapur thirrjen për mbulimin e transportit me bileta”, ka thënë Veselaj Gutaj.

Komuna e Prizrenit prej vitesh mbulon shpenzimet e udhëtimit për mësimdhënësit udhëtarë. /Telegrafi/

 

Policia në Prizren me dron mbikëqyrë kundërvajtësit në trafik

admin
-
0
Policia në Prizren me dron mbikëqyrë kundërvajtësit në trafik
Policia në Prizren në kuadër të aktiviteteve operacionale me qellim të ngritjes së nivelit të sigurisë për të gjithë pjesëmarrësit në trafikun rrugor, në segmentin rrugor M-25 ka organizuar një pikë kontrolli me përdorimin e dronit në identifikim të kundërvajtësve të cilët ndërmarrin veprime të rrezikshme të tejkalimit në zona të ndaluara.

Policia ka njoftuar se qëllimi i këtij aktiviteti ka qenë vetëdijesimi i pjesëmarrësve në trafik në respektimin e rregullave, shenjave të trafikut, ligjit për rregullat në trafikun rrugor e me theks të veçantë tejkalimet në zonën e ndaluar.

“Njësiti rajonal i trafikut rrugor do të vazhdoj edhe ditëve në vijim me aktivitete të ngjashme, sidomos në zonat të cilat janë të identifikuara potencialisht të rrezikshme për sigurinë në trafik”, thuhet në njoftim.

Drejtoria Rajonale e Policisë Prizren apelon tek të gjithë pjesëmarrësit në trafik në respektimin e shenjave dhe rregullave të trafikut, të respektojnë tolerancën e ndërsjellët njerëzorë në raport me pjesëmarrësit tjerë, sepse në këtë mënyrë do të shpëtojmë jetë dhe do të jemi më të sigurt në rrugë.

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Gjendet një person pa shenja jete në Prizren

admin
-
0
Gjendet një person pa shenja jete në Prizren

Një person është gjetur pa shenja jete në Prizren.

Në vendin e ngjarjes kanë dalë njësitet përkatëse, ndërsa ekipi mjekësor ka konstatuar vdekjen e viktimës.

Me vendim të prokurorit , trupi i pajetë dërgohet në IML për obduksion./PrizrenPress.com/

 

Marketing

 

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Afër 3 mijë gjoba trafiku për 24 orë në Kosovë

admin
-
0
Afër 3 mijë gjoba trafiku për 24 orë në Kosovë

 

2 mijë e 750 gjoba trafiku janë shqiptuar brenda një dite në Kosovë.

Kështu bën të ditur raporti i policisë.

Ndërkaq , përgjatë kësaj periudhe kohore, u regjistruan 19 aksidente me të lënduar, e 53 të tjerë me dëme materiale.

14 persona janë arrestuar, dhe 10 të tjerë janë dërguar në mbajtje.

 

Marketing

 

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Moti sot me diell, temperaturat deri në 31 gradë Celsius

admin
-
0
Moti sot me diell, temperaturat deri në 31 gradë Celsius

Sot në Kosovë parashihet të mbajë mot me diell dhe me vranësira të pakta, më të fokusuara rreth relievit malor.

Sipas Institutit Hidrometeorologjik të Kosovës, temperaturat maksimale do të arrijnë deri në 31 gradë Celsius.

Minimalet do të lëvizin nga 13 deri në 17 gradë Celsius.

“Do të mbajë mot me diell dhe vranësira të pakta, më të fokusuara rreth relievit malor, ku atje mund të ketë edhe ndonjë rigë e izoluar shiu. Temperaturat minimale do të lëvizin ndërmjet 13-17 gradë Celsius, ndërsa maksimalet e ditës parashihen të lëvizin ndërmjet 27-31 gradë Celsius. Do të fryjë erë kryesisht nga veriperëndimi me shpejtësi 1-6m/s”, thuhet në njoftimin e IHMKS-së.

 

Marketing

 

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Disa lagje të Prizrenit mbetën pa ujë deri në 9 orë

admin
-
0
Disa lagje të Prizrenit mbetën pa ujë deri në 9 orë

Disa lagje dhe fshatra të komunës së Prizrenit janë duke u përballur me mungesë të ujit të pijshëm. Një ndër shkaqet kryesore mbetet rënia e nivelit të ujit në burime, keqpërdorimet dhe ndërhyrjet e paautorizuara në rrjetin e ujësjellësit.

Është përkeqësuar furnizimi me ujë i banorëve të komunës së Prizrenit, pas shumë ditëve me temperatura të larta. Në lagjen më të madhe të kësaj komune atë të “Bajram Curri” reduktimet e ujit të pijshëm shkojnë deri në nëntë orë.

“Në familjen time dhe në përgjithësi në lagje, nuk kemi ujë prej orës 10 deri në orën 7 të mëngjesit. Shqetësimet janë shumë të mëdha nga familja, banorët e lagjes dhe kurbetçinjtë të cilët janë me pushime, sepse ata po vijnë për pushime dhe ujë nuk ka, janë dasmat, janë problemet e tjera,mundet edhe ndonjë zjarr apo diçka të tillë e ujë nuk ka”,  tha Dashmir Susuri – banor i lagjes “Bajram Curri”.

Rregullisht me ujë të pijshëm nuk po furnizohet edhe kopshti me mbi 150 fëmijë i kësaj lagje, ndonëse akoma nuk po punon me orar të plotë. Shqetësimi i tyre është nëse kjo gjendje do të jetë edhe në muajin shtator.

“Për momentin jemi me orar të shkurtuar dhe nuk po e vërejmë shumë mungesën e ujit, mirëpo prej shtatorit e kemi planin të fillojmë me orar të plotë, atëherë ka mundësi të kemi vështirësi, sepse kemi pjesën e kuzhinës dhe pjesën e lavanderisë dhe kemi nevojë më tepër për furnizim me ujë”, thotë Driton Susuri,  Drejtor i kopshtit në lagjen “Bajram Curri”.

Sipas përfaqësuesit të lagjes Pelivan Pulaj, gjendja është e keqe, pasi në këtë lagje janë edhe tri shkolla të mesme.

” Për momentin është shumë keq, pasi këtu i kemi edhe tri shkolla dhe një çerdhe, nëse vazhdon e na zë shtatori, besoj se do të jetë edhe më keq për lagjen, është mbi 230 shtëpi edhe objekte. Hidroregjioni” na ka premtuar se nuk do të ketë reduktime, por prapë po vazhdojnë””, tha Pulaj.

Në një përgjigje elektronike kryeshefi ekzekutiv i “Hidroregjionit Jugor” Fadil Berisha sqaron se, rritja enorme e konsumit, rënia e nivelit të ujit në burime, ndërprerjet e shpeshta të energjisë elektrike, defektet në rrjet, ndërhyrjet e paautorizuara dhe dëmtimet e ujëmbledhësve, janë arsyet kryesore të gjendjes në terren.rtk

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

 

Drejtori Berisha i kundërpërgjigjet Çekut: Të paska dalë gjumi vonë

admin
-
0
Drejtori Berisha i kundërpërgjigjet Çekut: Të paska dalë gjumi vonë

Drejtori i Drejtorisë së Urbanizmit dhe Planifikimit Hapësinor në Komunën e Prizrenit, Pranverim Berisha, ka reaguar ndaj  Ministrit të Kulturës, Rinisë dhe Sportit, Hajrulla Çeku, i cili sot njoftoi për dorëzimin e një kallëzimi penal në prokurori lidhur me rrënimin e “Kompleksit të Saraji të Vjetër”.

Në një reagim të tij, Berisha shprehet se ministrit Çeku “i ka dalë nga gjumi me vonesë” lidhur me çështjen e kompleksit.

“Prokuroria është duke u marrë me rastin që në ditën e parë kur ka ndodhur rasti”, tregon ai,  në një reagim në Facebook.

Sipas tij, konferenca e sotme e Çekut është një tentativë për të ushtruar presion mbi organet e drejtësisë dhe një manovër elektorale në prag të zgjedhjeve parlamentare.

“Këto akuzat e ngritura nga Çeku nuk e amnistojnë dhe nuk i ikin përgjegjësisë ministrit dhe zyrtarëve të tjerë në MKRS, të cilët nuk i kanë përgjigjur kërkesave të zyrtares përgjegjëse për çështjen në fjalë në përputhje me afatet ligjore”.

Ai gjithashtu ka theksuar se “drejtësia do të thotë fjalën e fundit dhe do të dalë në shesh e vërteta për këtë rast”.

Nga ana tjetër, Ministri Hajrulla Çeku ka deklaruar se kallëzimi penal është dorëzuar ndaj Komunës së Prizrenit për rrënimin e monumentit në mbrojtje të përhershme, “Kompleksi Saraji i Vjetër”.

Çeku e ka cilësuar këtë veprim të autoriteteve komunale si të dënueshëm dhe ka theksuar se kompleksi u rrënua dy muaj para se t’i kthehej shtetit.

“Arsyeja e kësaj konference është informimi publik i një rrënimi të qëllimshëm të monumentit në mbrojte të përhershme ‘Kompleksi Saraji i Vjetër’. Sot me Prokurorinë Themelore në Prizren kemi dorëzuar kallëzim penal ndaj kryetarit të Prizrenit, drejtorit për Investime Kapitale në këtë qytet. Kodi penal i dënon deri në 10 vite dënim dhe me gjobë nga një mijë deri në dy mijë euro. Kompleksi u rrënua dy muaj para se të kthehet në pronë të shtetit, të cilët konsiderojmë që kanë bërë shkelje flagrante, veprimi i rrënimit është realizuar me dy leje të kësaj komune: leja për rrënim dhe për ndërtim. Të dyja janë në kundërshtim me Ligjin e Kushtetutën e Kosovës”, ka thënë Çeku./PrizrenPress.com/

 

Marketing

 

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Përurohen 8 lokale të reja afariste në Rahovec

admin
-
0
Përurohen 8 lokale të reja afariste në Rahovec

Sot, u përuruan 8 lokale të reja afariste zejtare në Rahovec, një hap kyç në zhvillimin ekonomik të qytetit, që pritet të sjellë gjallëri në tregun lokal dhe të nxisë hapjen e vendeve të reja të punës.

Sipas njoftimit të komunës, ky projekt përfaqëson një mundësi të shkëlqyer për ndërmarrësit dhe për zejtaret që duan të investojnë në Rahovec.

“Objekti përmban 8 lokale në dy kate, në sipërfaqe të përgjithshme prej 420 m². Parkingje të shënjuara sipas standardeve, në sipërfaqe prej 930 m². Së shpejti, qytetarët dhe bizneset do të kenë mundësi t’i marrin në shfrytëzim këto lokale përmes ankandit publik, duke përfituar nga një ambient modern dhe i përshtatshëm për zhvillimin e aktiviteteve të tyre afariste,” thuhet në njoftimin e Komunës së Rahovecit./PrizrenPress.com

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

MKRS dorëzon kallëzim penal për kompleksin ‘Saraji i Vjetër’ në Prizren

admin
-
0
MKRS dorëzon kallëzim penal për kompleksin ‘Saraji i Vjetër’ në Prizren

Ministria e Kulturës, Rinisë dhe Sportit ka dorëzuar kallëzim penal ndaj Komunës së Prizrenit për rrënimin e monumentit në mbrojtje të përhershme “Kompleksi Saraji i Vjetër”.

Një gjë të tillë e ka bërë të ditur ministri Hajrulla Çeku në një konferencë për media. Ai ka thënë se veprimi i autoriteteve komunale përbën shkelje flagrante.

“Sot me Prokurorinë Themelore në Prizren kemi dorëzuar kallëzim penal ndaj kryetarit të Prizrenit dhe drejtorit për Investime Kapitale në këtë qytet. Kodi penal i dënon deri në 10 vite dënim dhe me gjobë nga një mijë deri në dy mijë euro. Kompleksi u rrënua dy muaj para se të kthehet në pronë të shtetit, të cilët konsiderojmë që kanë bërë shkelje flagrante, veprimi i rrënimit është realizuar me dy leje të kësaj komune: leja për rrënim dhe për ndërtim. Të dyja janë në kundërshtim me Ligjin dhe Kushtetutën e Kosovës”, ka thënë Çeku.

Ai tutje ka thënë se puna e vetme që mund të kryhet në monumente të tilla është renovimi dhe atë mund ta bëjë vetëm Ministria e Kulturës, si organ kompetent.

“Menjëherë pas marrjes së informatës, kemi lajmëruar organet e rendit, të cilat ndaluan punimet e rrënimit. Megjithatë, punimet tashmë kanë ndodhur dhe intervenimi i saj është i pamundur. E kemi kundërshtuar vendimin e komunës dhe jemi detyruar që të marrim hapin e radhës në bazë të ligjit. Ruajtja e trashëgimisë kulturore ‘Kompleksi Saraji i Vjetër’, shquhet si aset me vlera historike. Pas vlerësimit të dëmit të shkaktuar qëllimshëm, ne kemi bërë vlerësim dhe ndërtesat e ish-fabrikës janë rrënuar nëpërmjet mjeteve makinerike qe kanë shkaktuar dëm rreth 90 për qind. Kërkojmë rikthimin e asetit në gjendjen e mëhershme”, ka thënë Çeku./RTK

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

21 gusht 1924, kur në Tiranë, themelohej ‘Lidhja e Përgjithshme e Arsimtarëve të Shqipërisë’

admin
-
0
21 gusht 1924, kur në Tiranë, themelohej ‘Lidhja e Përgjithshme e Arsimtarëve të Shqipërisë’

Më 21 gusht 1924, Kongresi Arsimor i mbajtur në Tiranë, me nismën e mësuesve, themeloi “Lidhjen e Përgjithshme të Arsimtarëve të Shqipërisë”.

U botua edhe statuti i Lidhjes me 40 nene. Lidhja luftonte për zhvillimin e arsimit mbi parimet kombëtare e demokratike.

Pas fitores së Revolucionit Demokratik-Borgjez të Qershorit të udhëhequr nga kryeministri i asaj kohe Theofan Stilian Noli në vitin 1924 u organizua një kongres kombëtar për arsimin, për herë të parë i drejtuar nga vetë mësimdhënësit.

Kongresi u mbajt në datat më 12-21 gusht 1924. Kjo traditë filloi me nismën e arsimtarëve të Normales së Elbasanit; A. Xhuvani, A. Gashi, S. Paparisto, H. Zeka etj.

Nisma gjeti mbështetje të plotë në të gjitha krahinat shqiptare që nga Zara e largët, Gjakova, Shkodra, Tirana, Elbasani, Berati, Vlora, Korça, Gjirokastra etj. / KultPlus.com

1...935936937...9 197Page 936 of 9 197

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne