“Ta sjellim të ardhmen më afër, së bashku” është tema e edicionit të 11-të të Doku Tech në kuadër të festivalit “Doku Fest”.

Programi do të mbahet në datat 3 dhe 4 gusht, 2024, në hapësirat inovative të Parkut të Inovacionit dhe Trajnimeve në Prizren.

“Për të eksploruar më shumë se si teknologjia po e ndikon fushën e artit, Doku.Tech do të sjell nga Amerika në Kosovë folësin Dr. Ahmed Elgammal, profesor i shquar në Universitetin Rutgers dhe drejtor i Laboratorit të Artit dhe Inteligjencës Artificiale, i cili gjatë sesionit të tij do të shtjellojë revolucionin e artit të shkaktuar nga IA”, njoftojnë organizatorët.

Në program janë paraparë edhe panele diskutimi për konvergjencën e artit dhe teknologjisë, ndërkaq për Doku Kids është paraparë një punëtori dy ditore, e cila fokusohet në fushën e të dhënave dhe inteligjencës artificiale.

Marketing

Hotel Albes në Korishë, zgjedhja më e mirë për qetësi

Kompania “G&M Stone”, lidere në përpunimin dhe prodhimin e gurëve në Kosovë

“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Pas shtatë netëve magjike me shfaqje teatrale nga Italia, Franca, Irani, Spanja, Greqia, Bullgaria, Maqedonia e Veriut, Bosnja dhe Hercegovina, Shqipëria dhe Kosova, sikurse edhe me punëtori, konferenca, panele diskutimi si dhe ndeja është mbyllur edicioni i tretë i Festivalit Ndërkombëtar të Teatrit në Ambient të Hapur “Prizen Fest”.

Organizatorët e festivalit në ceremoninë përmbyllëse të këtij edicioni kanë shprehur mirënjohje për audiencën, meqë sipas tyre, ata kanë nderuar artistët me praninë e tyre në të gjitha shfaqjet.

“Chat GPT ka vendosur Komunën, Ministrinë në fillim, por dua ta falënderoj publikun e mrekullueshëm që ka qenë gjatë gjithë festivalit. Pothuajse në çdo shfaqje ka qenë ‘full’,” ka thënë drejtori i festivalit, Shkelzen Veseli.

Krahas publikut ai ka shprehur mirënjohje për institucionet, sponsorët, ambasadat, por edhe të gjithë të angazhuarit për realizimin e këtij edicioni të festivalit, raporton Telegrafi.

Edicioni i tretë është mbyllur me shfaqjen “Opera e lypsarëve” nga Produksioni i “Prague Shakespeare Company” nga Çekia, një përshtatje origjinale, moderne e satirës muzikore të shekullit XVIII që portretizon jetën e një grupi hajdutësh, prostitutash dhe njerëzish të ulët. Në fakt tregimi satirizon politikën, varfërinë dhe padrejtësitë, duke u përqendruar në temën e korrupsionit në të gjitha nivelet e shoqërisë.

Në përputhje me përshkrimin e dhënë nga organizatorët, duke përmbajtur stilin e muzikës të “operës anarkike Brechtiane të rrugës”, një trupë ndërkombëtare aktorësh dhe muzikantësh kanë prezantuar një ritregim të errët, brutal dhe komik të përrallës së qëndrueshme të shkruar nga John Gay.

Stili i produksionit që është një përzierje infektive e humorit me lëvizje si dhe satirës, përmban brenda vetes një të qeshur flluskuese gjatë gjithë kohës që mbështetet me muzikë, këngë harmonike dhe lëvizje koreografike për të mashtruar syrin dhe veshin.

Madje gjatë lojës, aktorët kanë nderuar Prizrenin dhe publikun vendor, me adaptimet në çast të tekstit të shfaqjes, raporton Telegrafi.

Të gjitha këto janë ofruar nga një trupë teatrore, talentet individuale të të cilëve kanë qenë mahnitëse, dhe puna e tyre në skenë ka qenë një përvojë gëzimi për publikun e pranishëm.

Festa teatrore në Prizren është mbyllur me performancat muzikore të Edona Reshitaj dhe bendit Asgjë Sikur Dielli.

“Shihemi në edicionin e katërt, me 20 korrik 2025”, ka përfunduar Shkelzen Veseli nga “Prizren Fest”. /Telegrafi/