Sot në Kosovë pritet të mbajë mot me vranësira dhe intervale me diell.
Sipas Institutit Hidrometeorologjik të Kosovës, në fushat termike nuk parashihen ndryshime, ndërsa në mëngjes parashihen ngrica të dobëta dhe mjegull.
Temperaturat minimale do të lëvizin ndërmjet -2 deri 0 gradë Celsius, ndërsa maksimalet e ditës parashihen të lëvizin ndërmjet 8 dhe 11 gradë Celsius.
Do të fryjë erë nga drejtimi i perëndimit dhe veriperëndimit me shpejtësi 1-6m/s./KP
Boksieri ynë shqiptar, Florian Marku, tashmë ka njohur rivalin e tij të radhës. Në muajin mars, Marku do të ndeshet me boksierin anglez, Chris Kongo.
Marku dhe Kongo patën një konfrontim të ashpër kur u ndeshën me njëri-tjetrin në një konferencë shtypi në gusht të vitit të kaluar.
Ata duhej të mbaheshin të ndarë në një përleshje dhe tani do të zgjidhin mosmarrëveshjet e tyre në një ndeshje për të cilën kanë nënshkruar dhe që pritet të zhvillohet në mars të këtij viti.“Ai do të pendohet. Ai do të pendohet me siguri që zgjodhi të luftojë me mua”, tha në një intervistë Florian Marku
Më 23 janar 1916, në ditën kur malazezët po u dorëzonin kryeqytetin pa luftë austriakëve, urdhri për vrasjen e Isa Boletinit dhe njerëzve të tij nuk mund të shtyhej më tej.
Ekzekutimi i besohet një njësie ushtarake që kishte për qëllim mbajtjen e rregullit në qytet, deri në dorëzimin e tij trupave austriake.
Ja rrëfimi i Tafilit, nipit të Isa Boletinit, që i mbijetoi ngjarjes, sipas librit të Skënder Luarasit: “Nja 80 xhandarë kishin zënë pritë në të dyja anët e urës së Ribnicës, karshi prefekturës, afër kishës katolike. Unë me dy vëllezërit, sipas lajmërimit të kasnecit, po ktheheshim për në shtëpi, te axha (Isa), patrulla në krye të urës, që po priste ardhjen e axhës, na ndali. Kur oficeri urdhëron ndalimin, xhandarët me pushkët gati të qëllojnë pyesin: Kush asht Isa Boletini?! Por oficeri ndërhyn duke u thënë: Mos shtini, nuk është asnjë nga këta!”.
Por që tre vëllezërit nuk kanë mundësi të lajmërojnë Boletinin për vendimin e malazezëve, pasi me përdhunë, nën kërcënimin e armëve mbyllen në një shtëpi dhe mbahen të bllokuar.
Në këtë kohë Isa Boletini, vet i tetë, kishte hedhur hapat e parë në dërrasat e urës së Ribnicës pa e dalluar se edhe nga pas krahëve xhandarët e mbyllën udhën që të mos kishte asnjë mundësi daljeje. “Një oficer komandues u kërkon shqiptarëve të dorëzojnë armët, por Isa Boletini kundërshton: Jo besa! S’ja kam dorëzue, as Krajlit, as Mbretit.
Dhe nxjerr armën. I pari që shtie ishte njëfarë Pero Buriqi nga Vasoviçi. Menjëherë flakë për flakë përgjigjet edhe Isa Boletini dhe të tijtë me nga dy revolverë në duar. Brenda disa minutave, të rrethuar nga të gjitha anët nga dhjetëra xhandarë, vriten të gjithë, Isa Boletini dhe dy të bijtë, Halili dhe Zahidi, që ishte student në Vjenë, dy nipërit, Jonuzi dhe Halili, Hajdar Selim Radisheva, kunati i Isait, djali i vëllait të Hajdarit, Idriz Bilimi dhe Misin Bala nga Isniqi.
Nga ana tjetër mbetën të vrarë tetë xhandarë dhe plagosen dyfishi. Shfaqja u sodit nga disa ministra malazezë të strehuar në prefekturën e qytetit”, rrëfen i mbijetuari.
Çmimi për kokën e Isa Boletinit, krahut të djathtë të atit të pavarësisë së shqiptarëve kishte hyrë në analet ndërkombëtare. Vrasësit e kësaj legjende popullore ishin xhandarët malazezë. Ata që e prenë në besë ishin disa diplomatë francezë. Ishte janar i vitit 1916, pikërisht koha kur trupat austriake pushtonin Malin e Zi, pothuaj pa hasur në asnjë rezistencë.
Qeveritarët e Malit të Zi, pa u turpëruar nga ky pushtim, pa u turpëruar prej faktit se nuk rezistuan deri në fund, u kujdesën gjithsesi të hiqnin qafe armikun e hershëm, shqiptarin e tmerrshëm, Isa Boletinin, të cilin e mbanin prej disa kohësh të izoluar. Sipas rrëfimeve të një të afërmi të Isa Boletinit, të pasqyruara në librin e Skënder Luarasit “Isa Boletini”, botim i vitit 1971, kthesa përfundimtare e jetës së shqiptarit të madh nis me përfshirjen e Kosovës nën Jugosllavinë, sipas vendimeve të fuqive më të mëdha të Evropës në takimin e Londrës më 1913.
Në vitin 1915, malazezët pushtojnë Shkodrën dhe legjendës së rezistencës për bashkim kombëtar i mbetet të kërkojë ndihmën e ndërkombëtarëve. Francezët afrohen dhe konsulli i tyre në Shkodër, Bikok, i thotë Isa Boletinit dhe njerëzve të tij që të shkojnë në Ambasadën Franceze në Cetinë, asokohe kryeqytet i Malit të Zi, nga ku do të merrnin vizë për të shkuar në ndonjë vend neutral. Pikërisht këtu nis edhe plani për ekzekutimin e shqiptarit të madh.
Njerëz të Boletinit kishin vënë re një lidhje të çuditshme të diplomatëve francezë me ata malazezë në Shkodër, por kjo do u vinte në mendje më pas. Gjithsesi Isa Boletini dhe shpura e tij mbërrijnë në Cetinë dhe më tej bëjnë një vizitë në ambasadën franceze, ku u tregohet një telegram i paraqitur si urdhër i ministrit të Jashtëm francez për t’i nxjerrë në një vend neutral.
Ndërkohë, anglezët, më bujarë, e ftojnë Boletinin ta marrin nën mbrojtje, por nisur nga ligjet e maleve, ai preferon “mikun që i hapi derën i pari”. Pak orë më pas, në mëngjes, Isa Boletini sheh se shtëpia ku bujte ishte rrethuar me xhandarë malazezë. Shqiptarët merren dhe dërgohen në Nikshiq, duke u mbajtur gjatë gjithë kohës nën survejim.
Historike, Palestina kualifikohet në raundin tjetër të Kupës së Azisë
Të marrë në pyetje nga autoritetet austriake, ministrat malazezë u justifikuan se kishin pasur informata se Isa Boletini do të provokonte ngjarje për të djegur dhe plaçkitur qytetin. Sipas tyre, ai ishte vrarë duke sulmuar prefekturën në përpjekje me patrullat e ushtrisë.
Organizatorë të drejtpërdrejtë të vrasjes ishin ministri i Luftës, gjenerali Veshoviq, i kunati i Krajl Nikollës, komandanti i Përgjithshëm, gjeneral Janko Vukotiqi, ministri i Punëve të Brendshme, Plamenac, prefekti i Podgoricës, Ramadanoviçi e të tjerë.
Trupat e Isa Boletinit dhe njerëzve të tij u vendosën fillimisht në një dhomë të prefekturës, ku u bë edhe identifikimi. Varrimi u bë në Podgoricë dy ditë më pas me pjesëmarrjen e mijëra shqiptarëve banorë të zonës.
Nasuf Dizdari nga Shkodra mbajti një fjalim para se arkivoli i Boletinit të futej nën dhe. Gjithsesi askush nuk besonte për vrasjen e Boletinit, pasi nuk ishte hera e parë që lajmet e bënin të vrarë.
Po kështu nuk u besua dhe një komunikatë zyrtare e ushtrisë austriake, që jepte lajmin e vrasjes së tij “gjatë një përpjekjeje me malazezët”.
Nuk ka ndodhur shpesh që sllavët të shkruajnë me respekt për shqiptarët, aq më pak ata të jugut. Por duket madhështia e Isa Boletinit i ka kaluar caqet.
Millovan Gjillas, shkrimtari i njohur disident, në veprën e tij “Toka pa Drejtësi”, botuar në versionin anglisht në Nju Jork, në vitin 1958, shkruan me respekt për shqiptarin në këtë vepër të tijën, që shumë e kanë krahasuar të barasvlershme me “Donin e Qetë” të Shollohovit.
Ja si e sjell ai momentin e vrasjes së Boletinit: “Beteja e Isës me ushtarët e tij vullnetarë nuk kishte vazhduar shumë, pavarësisht heroizmit të rreptë të shqiptarëve. Nga kjo goditje kishte rënë udhëheqësi i tyre dhe besnikët e tij të devotshëm.
Njerëzit më të afërt të Isës ishin likuiduar dhe të tjerët ishin shpërndarë në katër anë. Isa Boletini ishte vrarë, por kishte luftuar trimërisht, madje për një kohë të gjatë, pavarësisht se kishte mbetur i vetëm në rrugë të madhe.
Ashtu, i plagosur, ishte ngritur në gjunjë dhe sado që nuk kishte fuqi për të mbajtur pushkën, qëllonte me revole që të paktën të vriste ndonjë prej armiqve para se të jepte shpirt. Babai im ishte turrur me vrap drejt tij dhe shqiptari i pamposhtur e kishte kaluar revolen në dorën e majtë, por nuk kishte pasur kohë të hapte zjarr. Një ushtar e kishte vënë në shenjë dhe Isa kishte rënë përdhe.
Babai ishte afruar me vrap dhe Isa e kishte vështruar me sytë e mëdhenj dhe të përgjakur, kishte thënë çka në gjuhën e tij amtare dhe në atë çast kishte dhënë shpirt. Babai e kishte marrë mauzerin e tij të gjatë me dorezë të stolisur argjendi dhe e kishte ruajtur si kujtimin më të shtrenjtë. Për çudi edhe ne fëmijëve na vinte keq dhe ndienim hidhërim dhe kishim mbajtur zi për Isa Boletinin.
Edhe babait i vinte keq, megjithëse ai ishte krenar që ishte vrarë prej grupit të tij. Ky ishte një pikëllim i veçantë, ishte më tepër një admirim për një hero sypatrembur të Shqipërisë, që kishte luftuar deri në fund në një fushë të zhveshur, në mes të rrugës së madhe, pa iu lutur kërkujt dhe pa falur askënd, ashtu drejt në këmbë, i pambrojtur.
Admirimi për të bënte pjesë gjithashtu në pikëllimin tonë. Në qoftë se një njeri duhet të vdesë, do të ishte mirë të binte ashtu siç kishte rënë Isa Boletini. U kujtoftë për jetë nga ata që e panë dhe nga ata që kanë dëgjuar për të! Shumë më vonë ne i patëm treguar babait dhe e ngacmonim për këtë, se kishim lexuar që Isa Boletini kishte vdekur në Shkodër.
Babai nuk e pranonte një gjë të tillë. Por për të nuk kishte aq rëndësi nëse ky kishte qenë Isa Boletini vetë, apo ndonjë nga oficerët e tij, kryesorja ishte se shqiptarët që kishin luftuar në atë betejë dhe, sidomos prijësi i tyre, që nuk mund të ishte njeri tjetër veç Isa Boletini, ishte vrarë.
Babait i kishin thënë se ky ishte Isa. Dhe kjo mjaftonte për të, fakti i rënies së tij ishte provuar për jetë të jetëve me zjarrin e pushkëve”./Nga Albert Vataj
“Abonuesve të Telekomit të Kosovës do t’u ofrohen kanalet dhe përmbajtja më e kërkuar televizive në hapësirat shqipfolëse. Këtu përfshihen: Top Channel, Klan Shqipëria, Klan Maqedonia, ligat më të njohura të futbollit evropian, filma të zhanreve më të shikuara, seriale me karaktere mbresëlënëse, programe edukative, dokumentarë magjepsës, BBVA3 që vjen në ekranet kosovare ekskluzivisht nëpërmjet TV Vala dhe shumë e shumë kanale të tjera të platformës DigitAlb, krahas atyre të Tring”, njofton Telekomi.
Sipas njoftimit, përmbajtja televizive do t’u ofrohet përmes platformës dhe pajisjeve OTT (TV Vala box), që janë pajisje të teknologjisë së fundit, dhe mundësojnë shikimin e 25 kanaleve më të shikuara deri në 7 ditë mbrapa.
“Nga kanalet sportive, pakot e reja të Telekomit të Kosovës përfshijnë edhe kanale sportive me lojërat e ligave më të njohura botërore, që ju mbajnë në teh të kolltukut, si: Liga Angleze “Premier League”, Liga Gjermane “Bundesliga”, Liga Italiane “Serie A”, Liga Holandeze “Eredivisie”, përfaqësuesja e Kosovës, FA Cup, kupat e Spanjës, FFF Coupe de France, kupa e Holandës, si dhe shumë evente të tjera sportive”, vazhdon njoftimi.
Kryetari i Prizrenit,Shaqir Totaj,bashkë me drejtoreshën e Arsimit, Luljeta Veselaj-Gutaj janë takuar me drejtorët e shkollave .
Totaj e Veselaj kanë falenderuar drejtorët e shkollave për punën e tyre.
Pas takimit, drejtoresha e Arsimit, Luljeta Veselaj-Gutaj, theksoi se qëllimi i këtij takimi ishte shqyrtimi i ecurisë së punës në shkolla.
Ajo shtoi se theks të veçantë në këtë takim i është kushtuar sigurisë në shkolla dhe ngritjes së cilësisë në arsim.
Gjatë takimit, drejtoresha e ShFMU “Naim Frashëri” në Vlashnje, Luljeta Gavazaj, sqaroi se si shkak i punimeve në shkollën e tyre për problemin që kanë me ngrohjet qendrore dhe dëmtimit të pompës, mësimi nuk do të fillojë të mërkurën, por të hënën e javës së ardhshme për shkollën amë.
Ndërsa, drejtoresha Veselaj-Gutaj tha se si drejtori kanë bërë mjaft përpjekje për t’iu dalë në ndihmë shkollave që kanë probleme të tilla, por që sipas saj kjo çështje është përgjegjësi që i takon KEDS-it. Drejtori i ShMLM “Luciano Motroni” në Prizren, Mehdi Krasniqi, theksoi se mungesa dhe ndërrimi i vazhdueshëm i kuadrit mësimor në shkollën e mjekësisë, si dhe vlera e pamjaftueshme e pagës sekondare për mësimdhënësit, janë ndër çështjet kryesore që po shkaktojnë probleme në arritjen e cilësisë më të mirë për ta.
Ai shtoi se janë bërë të gjitha përgatitjet për fillimin e gjysmëvjetorit të dytë shkollor.
Ndërkaq, drejtoresha Veselaj-Gutaj tha se të njëjtat probleme po hasin edhe shkollat e mjekësisë në komuna të tjera të Kosovës, për të cilën gjë si drejtori kanë parashtruar kërkesë në Ministrinë e Arsimit që të ofrojnë rekomandime se si duhet të veprojnë më tutje. Në këtë takim ishte i pranishëm edhe kryetari i komunës së Prizrenit, Shaqir Totaj, i cili falënderoi të gjithë drejtorët për përkushtimin dhe punën e tyre./TV Prizreni
Policia e Kosovës ka njoftuar se për 24 orë ka realizuar 543 pika kontrolli për automjete dhe gjatë kësaj kohe ka konfiskuar 21 patentë shoferë.
“Policia e Kosovës po vazhdon t’i kushtojë rëndësi shtimit të masave për të ofruar më shumë siguri në trafik. Njësitet policore të të gjitha Drejtorive Rajonale të Policisë (të trafikut dhe rendit), kanë vazhduar me aktivitete shtesë në fushën e trafikut. Gjatë 24 orëve të kaluara (22.01.2024), patrullat policore kanë kryer patrullime parandaluese si dhe kanë realizuar 543 Pika Kontrolli për Automjete. Për ata drejtues automjetesh që kanë bërë shkelje më të rënda të rregullave të trafikut rrugor, policia ka konfiskuar 21 patentë shofer.” Policia ka bërë apel te drejtuesit e automjeteve për kujdes gjatë vozitjes për shkak të motit të ftohtë.“Derisa ndodhemi në sezonin e dimrit, ku në rrugë mund të ketë ngrica e borë, apelojmë te të gjithë drejtuesit e automjeteve, që shpejtësinë e automjetit t’ia përshtatin kushteve të rrugëve dhe të jenë të përqendruar në ngasje.”
Kryetari i Prizrenit, Shaqir Totaj, premtoi sot se, këtë vit do të ngritet niveli i performancës.
“Në prani të mediave, sot, mbajtëm mbledhjen e parë për këtë vit me drejtorët e Komunës, ku, fillimisht i dëshirova mirëseardhje drejtorëve të ri që i janë bashkëngjitur ekipit tonë”, shkruan Totaj në Facebook.
“Me këtë rast diskutuam kryesisht për ngritjen e nivelit të performancës komunale, gjë që, për dallim prej viteve të kaluara ka pasur rritje mbi 100% sipas vlerësimit të Ministrisë së Administrimit të Pushtetit Lokal”.
“U zotuam se, me frymën tonë ekipore, edhe sivjet do të jemi në hap me nevojat dhe kërkesat e qytetarëve të Komunës së Prizrenit dhe do ta ngrisim edhe më shumë nivelin e performancës, duke punuar në shërbim të rregullimit të cilësisë së jetës së qytetarëve tanë”./PrizrenPress.com/
Cristiano Ronaldo ka kërkuar falje publike pasi pa dëmtimin e tij që kontribuoi në anulimin e Al-Nassr në turneun e tyre me dy ndeshje në Kinë.
Portugezi po ankohet për probleme të muskujve që do ta përjashtonte atë nga takimet me Shanghai Shenhua dhe Zheijang.
Si rezultat, me pesë herë fituesin e Topit të Artë të paaftë për t’u paraqitur para një baze tifozësh adhurues, është marrë vendimi për të shtyrë ndeshjet miqësore në fjalë në këtë pikë dhe për t’i riorganizuar ato për një datë të mëvonshme.
Është sugjeruar se Ronaldo – i cili shënoi 54 gola kryesues në botë gjatë paraqitjeve të tij për Al-Nassr dhe Portugalinë në vitin 2023 – mund të përballet deri në disa javë jashtë fushës.
Nëse do të ishte kështu, atëherë ai mund të humbasë gjithashtu një ribashkim me Lionel Messin kur Inter Miami të shkojë në Arabinë Saudite për Kupën e Riadit, shkruan Goal.com, përcjell Klankosova.tv.
Në të gjitha shkollat e vendit janë bërë të gjitha përgatitjet që nesër të fillojë gjysmëvjetori i dytë, ashtu siç është e paraparë me kalendarin e vitit shkollor 2023/24.
Nënkryetarja e Sindikatës së Arsimit, Vjollca Shala, i tha RTK-së së sipas informatave që kanë marrë nga përfaqësuesit e sindikatave nëpër komuna, nuk kanë informacione që në ndonjë shkollë në viset rurale edhe përkundër rënies së borës dhe temperaturave të ulëta nuk do të fillojë procesi mësimor.
“Sipas informacioneve që i kemi nga kryetarët e sindikatave të niveleve komunale, përgatitjet janë bërë tashmë dhe gjysmevjetori i dytë do të fillojë më datë 24 janar sipas kalendarit. Nuk kemi ndonjë informatë që edhe në viset rurale për shkak të borës që është në sasi me të larta nuk do të filloj mësimi. Kështu që ne i kemi informacionet që janë bërë përgatitjet për fillimin e gjysmëvjetorit të dytë”, ka thënë Shala.
Sa i përket paralajmërimit të ministres së Arsimit, Arberie Nagvci, se nga muaji qershor do të fillojë vlerësimi i mësimdhënësve, Shala tha së janë kundër testimit, pasi kjo është nënçmuese marrë parasysh që mësimdhënësit janë të kualifikuar dhe se për njohuritë e tyre janë testuar disa herë deri me tani.
“Testimi i njohurive të mësimdhënësve është një nënçmim dhe degradim për ta. Të testohet mësimdhënësi për njohuritë të cilat i ka përfituar gjatë shkollimit të tij është një degradim i tij. Ngase për njohuritë e tij, mësimdhënësi është testuar shumë herë nga mësimdhënësit e fakultetit dhe të nivelit master. Po ashtu, mësimdhënësit janë testuar edhe kur janë pranuar në punë”, ka thënë Shala.
Ministria e Arsimit ka paralajmëruar që synojnë që të nisin me provimin për licencë të avancuar për mësimdhënës, sipas kritereve të përcaktuara dhe së në këtë proces do të jetë i përfshirë edhe testimi i mësimdhënësve./Radio Kosova
Ministria e Kulturës, Rinisë dhe Sportit ka bërë të ditur se kanë përfunduar punimet restauruese të fazës së parë në Hamamin e Gazi Mehmed Pashës në Prizren. Kjo ministri ka thënë se së shpejti fillon faza e dytë e punimeve.
Hamami i ndërtuar në vitin 1574 është aset i trashëgimisë kulturore i një rëndësie të veçantë pasi që për shekuj me radhë ka qenë pjesë e pandashme e jetës së qytetarëve të Prizrenit dhe është shndërruar në simbol shpirtëror dhe kulturor.