Në kuadër të zbatimit të strategjisë nacionale për luftimin dhe parandalimin e Etheve Hemorragjike Krime Kongo (EHKK), në Komunën e Malishevës ka nisur dhe po vazhdon me sukses procesi i repelimit të kafshëve.

Ky proces ka filluar javën e kaluar dhe po zhvillohet sipas planit të parashikuar.

Drejtori i Shëndetësisë në Malishevë, Hajdin Berisha, së bashku me drejtorin e Inspektoratit, Hafir Rexha, kanë parë nga afër fushatën e repelimit, sot në fshatin Rud. Gjatë vizitës së tyre, ata janë informuar se ky proces po shkon sipas planifikimit dhe nuk është hasur në ndonjë problem në terren.

Sipas drejtorit Berisha, pronarët e kafshëve e kanë mirëpritur këtë masë. “Ky proces i repelimit të kafshëve po vazhdon në territorin e komunës sonë dhe, sipas operatorit, po realizohet pa probleme. Edhe pse repelimi ka filluar me vonesë, pritet që efekti i tij të jetë i dukshëm,” deklaroi drejtori Berisha.

Ai theksoi se repelimi është masa më e efektshme në luftimin e EHKK, duke pasur parasysh rëndësinë e saj në parandalimin e transmetimit (bartjes) të rriqrave nga fusha në oborre apo shtalla.

Repelimi i kafshëve është një masë mbrojtëse kritike që ndihmon në parandalimin e përhapjes së Etheve Hemorragjike Krime Kongo. Kjo është përgjegjësi e Agjencisë së Ushqimit dhe Veterinës (AUV) të Kosovës dhe ka rifilluar pas disa vitesh dhe ka treguar efektivitet në mbrojtjen e shëndetit të njerëzve.

Ky proces, i cili është pjesë e një përpjekjeve më të gjera kombëtare për luftimin e sëmundjeve infektive, është i rëndësishëm për sigurinë shëndetësore të qytetarëve dhe mbetet një prioritet në fushatën e luftimit dhe parandalimit të EHKK.

Marketing

“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren

Hotel Albes në Korishë, zgjedhja më e mirë për qetësi

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Drejtoria për Shëndetësi dhe Përkujdesje Sociale e Komunës së Rahovecit ka njoftuar se ceremonia e ndarjes së dekoratës komunale për humanizëm “Dr. Ali Sokoli” do të mbahet më 12 gusht 2024, në ora 11:00.

Ngjarja do të zhvillohet në Sallën e Kuvendit të Komunës së Rahovecit, raporton PrizrenPress.

Dekorata “Dr. Ali Sokoli” jepet për të nderuar individët dhe organizatat që kanë treguar përkushtim të jashtëzakonshëm në ndihmën dhe përkujdesjen ndaj komunitetit. Kjo ngjarje e rëndësishme është një mundësi për të vlerësuar ata që kanë dhënë një kontribut të veçantë në fushën e humanizmit në Rahovec./PrizrenPress.com

Marketing

“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren

Hotel Albes në Korishë, zgjedhja më e mirë për qetësi

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Agjencia për Mbrojtjen e Mjedisit të Kosovës ka njoftuar se pas reshjeve të shiut mbrëmë, gjendja me zjarre të premten në pyjet e rrobullit në rezervatin strikt të natyrës në malin Oshlak dhe në zonën e gjerë të Prevallës është nën kontroll dhe se nuk paraqet ndonjë rrezik për përhapje masive.

“Megjithëkëtë, që nga orët e hershme të mëngjesit stafi i DAPK ”Sharri”, së bashku me një ekip të zjarrfikësve kanë dal në vendngjarje dhe janë duke e monitoruar gjendjen”, thuhet në njoftim.

Një ditë më parë, Drejtoria për Administrimin e Parkut Kombëtar “Sharri” pat apeluar për ndihmë për shuarjen e zjarrit në pyjet në Oshlak.

“Për shkak të konfiguracionit të terrenit me rrezikshmëri të lartë, në pamundësi të intervenimit nga toka, ftojmë të gjitha institucionet si KFOR, FSK dhe institucione relevante për intervenim nga ajri me helikopterë dhe të ngjashme. Në të kundërtën gjendja me zjarret po merr përmasa katastrofale dhe me rrezikshmëri të lartë”, thuhej në njoftimin e DAPK “Sharri”.

Marketing

“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren

Hotel Albes në Korishë, zgjedhja më e mirë për qetësi

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Agjencia e Statistikave të Kosovës ka publikuar të dhënat nga Indeksi i Harmonizuar i Çmimeve të Konsumit, sipas të cilave çmimet e konsumit në muajin korrik të këtij viti janë rritur për 2.2 për qind krahasuar me korrikun e vitit të kaluar.

Në njoftimin e ASK-së thuhet se në korrik ka pasur ngritje të çmimeve për 0.3 për qind krahasuar me muajin qershor.

“Indeksi i tërësishëm i harmonizuar i çmimeve të konsumit është më i lartë në një mesatare prej 2,2%  në muajin korrik 2024, krahasuar me muajin korrik 2023. Kjo kryesisht është shpjeguar me ngritjen e çmimeve të konsumit në këtë periudhë te grupet dhe nëngrupet e COICOP-it: bileta të fluturimeve (22,0%); kafe, çaj dhe kakao (7,7%); peshq (7,7%); pije alkoolike (7,2%); pemë (6,3%); lëndë djegëse të ngurta, dru zjarri, pelet etj. (6,0%); qelqurina, takëme dhe mjete të kuzhinës (5,9%);  mallra dhe shërbime për mirëmbajtjen e zakonshme të ekonomisë shtëpiake (5,6%); sheqer, reçel, mjaltë, çokollatë dhe ëmbëlsira (5,6%); veshje (4,9%); kujdes personal (4,3%); ujë mineral, pije joalkoolike, lëngje nga pemët dhe perimet (3,7%); gjëra dhe pajisje të tjera rekreative, kopshte dhe manare (3,6%); bukë dhe drithëra (3,1%); duhan (2,7%); karburante dhe lubrifikantë për pajisjet e transportit personal (2,1%); prodhime ushqimore (2,1%); shërbime hoteliere (1,9%); mirëmbajtje dhe rregullim i vendbanimit (1,8%); pajisje shtëpiake (1,5%); mish (1,4%); energji elektrike (0,9%); dhe qumësht, djathë dhe vezë (0,3%), me një ndikim të përbashkët të këtyre nëngrupeve prej 2,4 për qind në IHÇK”, thuhet në njoftimin e ASK-së.

Ndërsa, rënie e çmimeve thuhet se vërehet te grupi perime (-5,2%) me një ndikim prej (-0,2 për qind) në IHÇK.

Sipas ASK-së indeksi i tërësishëm i harmonizuar i çmimeve të konsumit është më i lartë në një mesatare prej 0,3% në muajin korrik 2024, krahasuar me muajin qershor 2024.

“Kjo kryesisht është shpjeguar me ngritjen e çmimeve të konsumit te nëngrupet e COICOP-it: bileta të fluturimeve (8,7%); karburante dhe lubrifikantë për pajisjet e transportit personal (2,9%); energji elektrike (2,3%); pemë (1,8%); mish (0,7%), me një ndikim të përbashkët të këtyre nëngrupeve prej 0,5 për qind në IHÇK. Ndërsa, rënie e çmimeve vërehet te grupi i COICOP-it: perime (-5,7%) me një ndikim prej (-0,2 për qind) në IHÇK”, thuhet në njoftimin e ASK-së.