17 C
Prizren
E martë, 16 Shtator, 2025

10 të vrarë në Ukrainë nga 70 raketat e lëshuara nga Rusia

Sirenat e sulmit ajror ranë në të gjithë Ukrainën dje, pasi Rusia lëshoi një breshëri sulmesh në infrastrukturën civile.

Dhjetë persona u vranë dhe sulmet detyruan mbylljen e centraleve bërthamore dhe ndërprerjen e furnizimit me ujë dhe energji elektrike në shumë vende.

Duke folur në Këshillin e Sigurimit të OKB-së, presidenti ukrainas Volodymyr Zelensky se dje ishin lëshuar 70 raketa nga Rusia, shkruan Sky News, transmeton Klankosova.tv.

“Është vetëm një ditë, por ne kemi marrë 70 raketa. Kjo është formula ruse e terrorit. E gjithë kjo është kundër infrastrukturës sonë energjetike. Spitalet, shkollat, transporti, zonat e banuara të gjitha kanë pësuar”, tha ai.

Kievi ishte një nga objektivat kryesore të sulmeve të djeshme, derisa Ministri i Brendshëm ukrainas, Denys Monastyrsky, tha se tre ndërtesa shumëkatëshe u goditën, ku humbën jetën 10 persona.

I gjithë rajoni i Kievit, shtëpia e më shumë se tre milionë njerëzve, humbi energjinë elektrike dhe ujin e rrjedhshëm pas sulmeve.

Më Shumë

Ilir Cakaj emërohet Administrator i Gjykatës Themelore në Prizren

Këshilli Gjyqësor i Kosovës (KGjK), në mbledhjen e mbajtur më 5 shtator 2025, ka miratuar rekomandimin e Komisionit vlerësues dhe me 10 vota unanime...

Prizreni ende pa fitore në Ligën e Parë

Prizreni ka përfunduar javën e gjashtë në Raiffeisen Ligën e Parë pa asnjë fitore, duke regjistruar tre barazime dhe tri humbje. Starti i sezonit...

Lajmet e Fundit