Në 17 vjetorin e rënies së dëshmorëve Skender Rexhepi nga Mrasori dhe Fitim Duraku nga Krusha e Madhe, u bënë homazhe dhe u vënë kurora lulesh në fshatin Krushë e Madhe dhe tek vendi i rënies në fshatin Fortesë të komunës së Rahovecit.
Për nder të veprës së dëshmorëve të rënë, morën pjesë kryetari i Komunës, Idriz Vehapi me bashkëpunëtorë, familjarë dhe bashkëluftëtarë të dëshmorëve.
Vehapi tha se dy dëshmorët e dhanë jetën e tyre për çlirimin e Kosovës.
“Jemi këtu sot për të vlerësua dhe nderu veprën e Skenderit dhe Fitimit dhe gjithë shokëve të tyre të luftës, të cilët e dhanë më të shtrenjtën, jetën e tyre për çlirimin e Kosovës”, tha ai.
“Para 17 vitesh kur Skenderi dhe Fitimi ishin të gjallë bashkë me shokët e tyre kishin kuptuar se në Kosovë tani më kishin mbetur vetëm dy mundësi , apo dy rrugë , rruga e nënshtrimit të shkelur të shtypur të nëpërkëmbur, dhe rruga e sakrificës e luftës për të çliruar tokën tonë”.
“Skenderin dhe Fitimin kishin zgjedhur rrugën e sakrificës rrugën e luftës sepse e dinin që nuk jetohet në robëri të shtypur dhe të nëpërkëmbur”.
Ndërkaq, kryetari i OVL-së dega në Rahovec, Vajdin Berisha, tha se biografitë e tyre luftarake, do t’i shkruajmë me shumë sakrifica, duke u nisur nga shumë fushëbeteja gjithandej Kosovës duke lënë gjurmë të pashlyeshme me luftëtarë, sy patrembur. /PrizrenPress.com