Departamenti i Përgjithshëm Penal i Gjykatës Themelore të Prizrenit ka vendosur një muaj paraburgim ndaj të pandehurit me inicialet F.K. nga fshati Billush – Komuna e Prizrenit.
Ai dyshohet se ka kryer veprën penale të kanosjes.
“I pandehuri do të mbahet në paraburgim në kohëzgjatje prej 1 (një) muaji, i cili do të llogaritet prej kohës së ndalimit, data 21.01.2016 prej orës 09:20 minuta, dhe do të zgjasë deri me datën 21.02.2016”, thotë zëdhënësja e gjykatës, Afërdita Kicaj.
“I pandehuri dyshohet për shkelje të Kodit Penal, sepse me datën 21.01.2016, në Prizren në Gjykatën Themelore në vendin e punës në prezencën e gjithë zyrtarëve të tjerë seriozisht e kanosë zyrtarin e kësaj gjykate të dëmtuarin F.H. duke shkaktuar frikë, ankth dhe pasiguri për jetën e tij”, bën të ditur Kicaj. /PrizrenPress.com