Të gjithë po çmenden nga ideja se reperi i famshëm Tupac Shakur, është gjallë dhe po rikthehet pas 19 vitesh nga zhdukja e tij.
Reperi që tashmë do të ishte 44 vjeç, u qëllua për vdekje në makinë e tij në 7 shtator 1996, në Las Vegas. Por sipas faqes online, Reporterz, Tupac është gjallë dhe po jeton një jetë sekrete në Kubë.
Artikulli shkruan se: “Tupac Shakur, që mendohet se është vrarë në moshën 25–vjeçare, është gjallë dhe është fshehur gjatë gjithë kohës”.
Shkrimi aludon se këngëtarit i është bërë autopësi një pas ngjarjes dhe menjëherë kufoma është e djegur, pa varrim dhe pas asnjë memorial.
“Kjo sepse ne e dimë se Tupac nuk ka vdekur kurrë, por është e panjohur arsyeja përse ai fshihet”.
Për të përforcuar teorinë e tyre, ata kanë përfshirë në shkrim një foto të Tupac më yllin e muzikë pop të ditëve tona, Rihanna, ndërsa lajmi ka krijuar shumë bujë në rrjetet sociale.
Vazhdimisht gjatë këtyre viteve ka patur teori të ndryshme që legjenda e rrepit amerikan, është ende gjallë.
Pronari i një llogarie në YouTube ka postuar një video ku përmbledh, sipas tij, disa shfaqje misterioze të Tupac Shakur në këto vitet e fundit. Një ndër to ajo në mes të ditës gjatë një proteste të “Occupy Movement” në vitin 2011, ku ai shfaqet me një mushama shiu në ngjyrë të verdhë.
Në shtator të vitit 2015 David Myers, ish-oficer i policisë që ishte marrë me vrasjen e reperit nga Bregu Perëndimor i SHBA-ve, deklaroi se vrasja e tij kishte qenë një inskenim dhe se ai ishte paguar për të marrë në morg një kufomë./tvklan.al