Deputetët e opozitës, që po akuzohen për përdorim të armës, vepra që lidhen me gjuajtjen e gazit lotsjellës në Kuvend, pritet të dalin sot përsëri para gjykatës.
Seanca e fundit, ishte me datë 15 të këtij muaji, por ajo kishte zgjatur vetëm pak minuta. Aq sa gjyqtari, Beqir Kalludra të konstatojë mos-praninë e të gjitha palëve, kështu që seancën e kishte shtyrë për datë 23 shkurt 2016.
Të pranishëm në seancën e kaluar ishin dy deputetë të LVV-së dhe një nga AAK, derisa Albin Kurti nuk u paraqit fare.
Gjyqtari i rastit kërkoi që seanca të shtyhet lëshoi urdhër që të pandehurit të sillen me detyrim në seancën e dytë, sot me datë 23.
Deputetët që kanë qenë në masa të ndryshme të sigurisë, paraburgim e arrest shtëpiak, tash e një kohë janë duke u mbrojtur në liri.