Komuna e Suharekës ka njoftuar se në një takim javor me këshillin e drejtorëve sot kanë thënë se janë shkaktuar 23 zjarre në javën qe lamë pas.
Siç njofton komuna përmes një postimi në ‘Facebook’, drejtori i Shërbimeve Publike dhe Emergjencë, Enver Shabani, e ka ngritur këtë problem dhe tha se ka thënë se zjarret janë shumica të qëllimshme.
“Lidhur me këtë dukuri të keqe ka reaguar edhe kryetari Muharremaj, i cili ditë më parë ka apeluar te qytetarët që të mos veprojnë kështu dhe te organet dhe institucionet që të angazhohen më shumë në ndërprerjen e kësaj dukurie të shëmtuar”, thuhet në komunikatë të Komunës së Suharekës.