25.8 C
Prizren
E hënë, 24 Qershor, 2024

31 vjet nga vrasja e Heroit të Kombit, Xhemajli Berisha

Xhemajli Berisha, është përkujtuar në 31 vjetorin e vrasjes, në Prizren.

Xhemajliu, ishte ndër veprimtarët e devotshëm të çështjes kombëtare, i cili  bëri epokë jo vetëm në Prizren, por në të gjitha trojet shqiptare.

Shokët e tij, në 31 vjetorin e vrasjes, e vlerësojnë lart figurën e këtij patrioti.

Hysni Hoxha tha se, Xhemajliu mbetet emblema e lirisë së Kosovës.

“Profesor Xhemajliu mbete emblema e lirisë së Kosovës”, shprehet Hoxha për “QendraPress”.

Ai, kujton momente të bashkëudhëtimit me Xhemajliun.

“Ishte kohë e vështirë”, shprehet ai.

Edhe bashkëveprimtari tjetër i tij, Kadri Kryeziu, kujton veprimtarin patriotike të Xhemajli Berishës.

“Profesori Xhemajli, do të mbetet një emblemë e paharruar e atdhetarisë kombëtare”, shprehet Kryeziu.

Xhemajli Berisha, vitin e kaluar, nga presidenti Hashim Thaçi, është shpallur “Hero i Kosovës”.

Xhemajl Berisha është lindur më 17 prill 1958 në Brestovc të Rahovecit. Shkollën fillore e kreu në vendlindje, të mesmen në Prizren dhe diplomoi në Fakultetin Ekonomik të Universitetit të Prishtinës.

Atë e torturuan në burgjet serbe më 6 prill, pastaj duke e hedhur nga dritarja në mesditë.

Më pas trupin e dërgojnë në spital duke kërkuar nga mjeku Halil Berisha, që të nënshkruajë për vetëvrasjen e tij.

Berisha refuzoi dhe është gjetur i vrarë pas tre muajve./PrizrenPress.com/

Më Shumë

Shtrohen 23 akse rrugore me kubëza në lagjen “Arbana” të Prizrenit

Pas shtrimit të kanalizimit fekal nw lagjen "Arbana"  tw Prizrenit, janë duke u shtruar me kubëza 23 akse rrugore. Ky projekt, i ndërmarrë nga Drejtoria...

Zhduket një burrë nga Rahoveci

Një grua nga Rahoveci, ka raportuar në Policinë e Kosovës, se burri i saj, është larguar më datë 11 qershor nga shtëpia. Sipas ankesës së...

Lajmet e Fundit