Katërmbëdhjetë vjet burg, dy më shumë se sa ishte kërkuar nga prokurori, është dënuar nga shkalla e parë e Gjykatës së Parmës Gianfranco De Lorenzis, kirurg, për abuzim seksual me 28 pacientë.
Mjeku është ndaluar të ushtrojë profesionin e tij, ndërsa është detyruar të paguajë edhe një gjobë prej 300 mijë eurosh.
Sipas Gjykatës së Parmës, 28 pacientë të De Lorenzis, nga viti 2007 deri në vitin 2016, janë abuzuar seksualisht, shkruan a2cnn.
Mjeku ka mohuar gjithmonë këto akuza, por kamerat e fshehta të bëra nga një emision investigativ e kanë vendosur atë me “shpatulla pas murit”. Në një video të publikuar, kirurgu duket teksa josh një paciente.