Një fëmijë 8 vjeçar ka humbur jetën tragjikisht në fshatin Romajë të Hasit.
Rasti ka ndodhur kur dy të miturit kanë qenë duke punuar me traktor në arë.
Lajmin për KALLXO.com e ka konfirmuar zëdhënësi i Policisë së Prizrenit, Shaqir Bytyqi.
Bytyqi ka thënë se fëmija ka ndërruar jetë aksidentalisht pasi është godit nga frezat e traktorit.
“Në fshatin Romajë, sot rreth orës 17:30, një fëmijë ka ndërruar jetë aksidentalisht pasi që ka rënë nga traktori. Rasti ka ndodhur kur fëmija 11 vjec ka qenë duke e punuar aren, nderkohe, aksidentalisht femija 8 vjeç bie nga traktori dhe merr lëndime vdekjeprurëse nga frezat e traktorit”-ka thënë Bytyqi
Zëdhënësi i Policisë, Bytyqi ka bërë të ditur se rasti do të trajtohet konform ligjit.