Drejtoria Rajonale e Policisë në Prizren ka realizuar projektin “Sot unë Polic i Kosovës”, që synon të afrojë fëmijët me zyrtarët policorë dhe të rrisë sigurinë në komunitet.
Projekti u zbatua sot në qytetin e Prizrenit, ku fëmijët, të cilët u quajtën “Policët e Rinjë”, morën pjesë në aktivitete të ndryshme policore.
“Sot, Drejtoria Rajonale e Policisë në Prizren ka realizuar Projektin në fjalë, në qytetin e Prizrenit, ku zyrtarët policorë të Sektorit pranë stacionit policor Prizren, kanë bërë të mundur prezencën e fëmijëve (POLICËT E RIJË). Policia e Kosovës së bashku me POLICËT E RIJË në qytetin e Prizrenit kanë realizuar aktivitete policore ku kanë parë për së afërmi punën policore dhe njëkohësisht kanë sensibilizuar qytetarët për siguri në trafik,” thuhet në njoftimin e Policisë së Kosovës, përcjell PrizrenPress.
Komandanti i Stacionit Policor në Prizren, kapiten Nexhdet Mrasori, mirëpriti fëmijët dhe mbështeti projektin, duke shpërndarë dhurata simbolike me stemën e Policisë së Kosovës.
Policia e Kosovës do të vazhdojë të realizojë projekte të ngjashme në të ardhmen për të rritur sigurinë dhe për të forcuar bashkëpunimin me qytetarët./PrizrenPress.com
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
