Kompania Rajonale e Ujësjellësit “Hidroregjioni Jugor” ka njoftuar se qytetarët e Suharekës tani mund të realizojnë pagesat e faturave të ujit edhe në Qendrën e Shërbimit për Qytetarët – One Stop Shop, e vendosur në objektin e Kuvendit të Komunës .
Ky shërbim i ri synon të lehtësojë procesin e pagesave për konsumatorët e zonës.
Kryetari i Komunës së Suharekës, Bali Muharremaj, ka konfirmuar këtë mundësi dhe ka theksuar angazhimin e vazhdueshëm të administratës lokale për të ofruar shërbime më të mira për qytetarët.
“Angazhimi ynë mbetet si gjithmonë në shërbim për qytetarët,” ka thënë ai.
Ky hap është pjesë e përpjekjeve për të përmirësuar aksesin në shërbime dhe për të mundësuar qytetarëve mënyra më të thjeshta dhe të shpejta për të përmbushur detyrimet e tyre financiare.
Marketing
Përjetoni pushime të paharruar dhe dasma magjike në Hotel “Albes Residence”
