Sot u përurua ndërtimi i aneksit dhe renovimi i tërësishëm i Shkollës Fillore dhe të Mesme të Ulët “Heronjtë e Lumës” në Vërmicë. Ky projekt është realizuar nga Drejtoria Komunale e Arsimit, duke sjellë përmirësime të ndjeshme në infrastrukturën shkollore.
“Me këtë projekt, shkolla tashmë disponon tri kate (bodrumin, përdhesën dhe një kat të sipërm), me një sipërfaqe totale prej 765 m². Përveç hapësirave komunikuese, si shkallët dhe korridoret, në objekt janë instaluar makineritë për ngrohje dhe janë krijuar 9 hapësira të dedikuara për nevojat e shkollës, që përfshijnë klasa, kabinete, zyra administrative, hapësira për lojëra rekreative dhe sportive si dhe blloqet sanitare për nxënësit dhe personelin e shkollës”, thuhet në njoftimin e komunës.
Ky investim synon përmirësimin e kushteve mësimore, duke ofruar një mjedis më të mirë dhe më të sigurt për nxënësit dhe mësimdhënësit e shkollës./PrizrenPress.com/
Përjetoni pushime të paharruar dhe dasma magjike në Hotel “Albes Residence”
