Kinema “Lumbardhi” në Prizren do të shfaqë filmin e fundit për programin e Kinemasë së Zgjeruar për muajin nëntor, të martën, më 26 nëntor, në orën 20:00.
Filmi tregon historinë e Gelsominës, një vajzë ëndërrimtare, e cila merret nga nëna e saj e varfër për të u bashkuar me një cirk, të drejtuar nga Zampano, një person me karakter të ashpër. Ajo fillon të punojë si asistente dhe bëhet një performuese e shkëlqyer, por duhet të përballojë mizoritë dhe abuzimet e Zampanos, ndërsa udhëtojnë së bashku nëpër fshatrat italianë.
Për këtë ngjarje, organizatorët njoftojnë se “javën e ardhshme, filmi do të shfaqet ditën e martë dhe jo të mërkurë, gjithashtu në orën 20:00”. Ata gjithashtu theksuan se “së shpejti do të publikohet edhe programi i filmave për muajin dhjetor”./PrizrenPress.com/
