Sot nis sezoni i ri i Ligës Unike Meshkujt, ku 12 skuadra nga Kosova dhe Shqipëria do të konkurrojnë në dy grupe, duke sjellë rivalitet të lartë dhe përballje emocionuese.
Në Grupin A, Bashkimi i Prizrenit do të përballet me Besëlidhjen në një ndeshje që zhvillohet në Lezhë. Ky duel shënon një nisje të rëndësishme për prizrenasit, të cilët kërkojnë të bëjnë një hap të fuqishëm drejt fazave më të larta të garës, përcjell PrizrenPress.
Në Grupin B, Golden Eagle Ylli, një nga ekipet më të suksesshme në këtë ligë, do të presë Tiranën në Suharekë. Ish-kampionët shihen si favoritë në këtë përballje dhe do të synojnë një debutim të shkëlqyer për të vendosur tonin e sezonit të ri.
Orari i ndeshjeve të së mërkurës:
Grupi A:
- 17:00 Besëlidhja – Bashkimi
- 18:00 Teuta – Vëllaznimi
Grupi B:
- 19:00 Sigal Prishtina – Vllaznia (në Shkodër)
- 19:00 Golden Eagle Ylli – Tirana
Liga Unike Meshkujt premton spektakël dhe rivalitet mes skuadrave, duke përfaqësuar më të mirën e basketbollit nga të dyja anët e kufirit./PrizrenPress.com/
Përjetoni pushime të paharruar dhe dasma magjike në Hotel “Albes Residence”
