Eurolind Avdimetaj, portieri 19-vjeçar i FC Suharekës, realizoi një debutim të paharrueshëm në ndeshjen e derbit lokal kundër Ballkanit. Pavarësisht humbjes së skuadrës, paraqitja e tij në portë ishte e jashtëzakonshme dhe e la një shenjë të thellë.
Në këtë ndeshje, Avdimetaj regjistroi 5 pritje të jashtëzakonshme nga 7 goditje, duke shpëtuar skuadrën nga disa raste të rrezikshme. Me reagime të shpejta dhe dalje të suksesshme, ai tregoi një maturi dhe aftësi të jashtëzakonshme për moshën e tij, duke bërë një hap të madh për të ardhmen e tij në futbollin profesionist.
Ky debutim e vendos Avdimetajn në qendër të vëmendjes, duke premtuar një karrierë të suksesshme përpara. Përkrahja e skuadrës dhe tifozëve është e fortë, dhe për Avdimetajn, ky është vetëm fillimi i një rruge të shkëlqyer në futbollin kosovar.
“Me një potencial shumë të madh rruga drejt majave është e hapur një fillim i shkëlqyer për një karrierë premtuese, vazhdo të shkëlqesh dhe të përmbushësh ëndërrat e tua në fushën e blertë përkrahja jonë dhe e shokëve të skuadrës do vazhdojë të jetë edhe më e madhe në vazhdim”, theksuan përfaqësuesit e klubit, duke shprehur besimin për potencialin e tij të jashtëzakonshëm./PrizrenPress.com/
