Partia Demokratike e Kosovës (PDK) në Prizren ka përfunduar të gjitha përgatitjet për një fushatë zgjedhore të suksesshme për zgjedhjet e 9 shkurtit.
Zëvendësshefi i Shtabit Zgjedhor të PDK-së në Prizren, Kujtim Gashi, tha se janë bërë të gjitha përgatitjet e nevojshme për fillimin e fushatës.
“Edhe pse ende në fazën parafushatë, organizimet në terren kanë qenë të vazhdueshme, me kandidatët për deputetë që takojnë qytetarët dhe anëtarët e organizatave të ndryshme në çdo lagje dhe lokalitet”, tha ai, për TV Prizrenin.
Sipas tij, gjatë fushatës zgjedhore, PDK-ja do të prezantojë programin e saj të detajuar që synon përmirësimin e gjendjes ekonomike dhe ngritjen e mirëqenies së qytetarëve.
“Ky program do të implementohet nga kryeministri i ardhshëm, Bedri Hamza”.
Gasgi tha se PDK-së në Prizren mbështet fuqishëm 9 kandidatët e saj, të cilët synojnë të përfaqësojnë interesat e qytetarëve në Kuvendin e Kosovës./PP/
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
