Drejtori i Drejtorisë së Turizmit dhe Zhvillimit Ekonomik në Prizrenit, Ramadan Tarashaj,ka vizituar fshatin Vlashnj, për të shqyrtuar mundësitë e investimeve në turizëm.
“Vizita kishte për qëllim shqyrtimin e mundësive dhe potencialeve për investime të reja në këtë zonë të mrekullueshme malore”, tha Tarashaj.
Sipas tij, qëllimi kryesor i tij është orientimi në përmirësimin e infrastrukturës dhe promovimin e bukurive natyrore të fshatit Vlashnje.
“Synimi është krijimi i hapësirave të reja dhe më atraktive për vizitorët. Investimet në turizmin malor pritet të kontribuojnë në mbështetje të ekonomisë lokale dhe të krijojnë mundësi të reja për komunitetin, si dhe për ata që dëshirojnë të shijojnë qetësinë dhe bukuritë natyrore të rajonit”, u shpreh ai.
Ky është vetëm një hap i rëndësishëm drejt zhvillimit të qëndrueshëm të turizmit dhe rritjes së atraktivitetit të Vlashnjes si destinacion turistik, thuhet në njoftim.
Ai tregoi se po bën përpjekje të vazhdueshme për të zhvilluar turizmin malor dhe për të promovuar bukuritë natyrore të rajonit, duke krijuar kështu një klimë të favorshme për investime dhe zhvillim ekonomik./PrizrenPress.com/
Marketing
