Klubi i Basketbollit Bashkimi ka njoftuar sot se ka ndërprerë me marrëveshje të dyanshme kontratën me qendrën kroate, Robert Rikic, përcjell PrizrenPress.
Në një deklaratë zyrtare, klubi e ka falënderuar lojtarin për angazhimin dhe kontributin e tij të çmuar gjatë kohës sa ishte pjesë e skuadrës portokalli.
“Klubi njofton se ka shkëputur me marrëveshje të dyanshme kontratën me lojtarin Robert Rikic. E falënderojmë për angazhimin dhe kontributin e tij te Bashkimi dhe i urojmë suksese në vazhdim”, thuhet në deklaratën e klubit.
Robert Rikic, i njohur për paraqitjet e tij të forta nën kosh, u bë pjesë e Bashkimit si një ndër përforcimet kryesore, duke dhënë kontribut të rëndësishëm në sezonin e fundit./PrizrenPress.com/
Marketing
