Komiteti për Politikë dhe Financa (KPF) i Komunës së Rahovecit sot ka mbajtur mbledhjen e tij të parë për vitin 2025, e udhëhequr nga kryesuesi Arbër Zenuni.
Në këtë mbledhje ishin të pranishëm anëtarët e komitetit, drejtorët e drejtorive, përfaqësuesit e KFOR-it, zyrtarët komunalë dhe monitoruesit e seancës. Sipas njoftimit të komunës, mbledhja u zhvillua në një atmosferë efikase dhe konstruktive, ku u shqyrtuan dhe u miratuan disa pika të rëndësishme.
Një ndër vendimet kryesore të mbledhjes ishte shqyrtimi i propozim-vendimit për mbulimin e shpenzimeve të varrimit për qytetarët e komunës së Rahovecit për vitin 2025, i cili u miratua unanimisht dhe me shumicë votash, përcjell PrizrenPress.
Po ashtu, u shqyrtuan dhe u miratuan edhe këto pika të tjera:
- Shqyrtimi i raportit vjetor financiar për vitin 2024;
- Shqyrtimi i raportit për zbatimin e rekomandimeve të dhëna në Raportin e Auditimit nga Zyra Kombëtare e Auditimit për vitin 2023;
- Shqyrtimi i raportit të punës të Kuvendit Komunal për vitin 2024;
- Shqyrtimi i informatës rreth punës së KKSB-së për vitin 2024;
- Shqyrtimi i propozim-vendimit për dhënien në shfrytëzim të pronës komunale, P-05864-0 dhe 05865-0, ZK – Rahovec;
- Shqyrtimi dhe miratimi i propozim-vendimit të Komisionit për zbatimin e procedurave të dhënies në shfrytëzim afatshkurtër të pronës së komunës P-05865-0 dhe 05865-0, ZK – Rahovec;
- Shqyrtimi i propozim-vendimit për dhënien në shfrytëzim të pronës komunale, P-00597-6, ZK – Xërxë;
- Shqyrtimi dhe miratimi i propozim-vendimit të Komisionit për zbatimin e procedurave të dhënies në shfrytëzim afatshkurtër të pronës së komunës P-00597-6, ZK – Xërxë;
- Shqyrtimi i Raportit të punës të Këshillit të fshatit Hoçë e Madhe për vitin 2024;
- Shqyrtimi i raportit vjetor rreth punës së Komitetit për Komunitete për vitin 2024.
Në përfundim të mbledhjes, u theksua se procesverbali i mbledhjes do të përgatitet nga Sekretaria e Kuvendit dhe do të publikohet në faqen zyrtare të Komunës së Rahovecit./PrizrenPress.com/
Marketing
