Policia e Kosovës ka bërë të ditur se ka arrestuar një shtetas të Shqipërisë, pasi të njëjtit i janë gjetur katër granata dore. Rasti ka ndodhur në autostradën “Ibrahim Rugova”, të premten në ora 21:00.
“Është arrestuar i dyshuari mashkull shtetas i Republikës së Shqipërisë, pasi që në veturën e tij janë gjetur dhe sekuestruar katër granata dore”, thuhet në raport.
Sipas policisë, me vendim të prokurorit i dyshuari është dërguar në mbajtje.
