Vjedhje dhe shkaktim i rrezikut të përgjithshëm. Policia e Kosovës në raportin njëzet e katër orësh njofton për arrestimin e një të dyshuari për vjedhje të një minibusi dhe dëmtimit të një veture të parkuar.
I dyshuari me urdhër të prokurorit është dërguar në mbajtje.
“Suharekë / 05.04.2025 – 01:15. Është arrestuar i dyshuari mashkull kosovar pasi që i njëjti kishte vjedhur një minibus, e më pas ka dëmtuar një automjet të parkuar. Pasi është ndaluar nga policia, gjatë kontrollit i është gjetur dhe konfiskuar një armë zjarri pistoletë Zoraki e kalibrit 9 mm. Pas intervistimit, me vendim të prokurorit i dyshuari është dërguar në mbajtje”, thuhet në njoftimin e policisë.
