11.1 C
Prizren
E shtunë, 19 Prill, 2025

Dragashi mbështet fshatrat fqinj të Shqipërisë me shërbime shëndetësore falas dhe përmirësim të infrastrukturës rrugore

Kryetari i Komunës së Dragashit, Bexhet Xheladini, së bashku me kryesuesen e Kuvendit, Arijeta Skeraj, mirëpritën dje në një takim miqësor drejtorin e Qendrës Mjekësore në Zapod, Dr. Elton Palushi, i shoqëruar nga kryetari i fshatit Orgjost,  Avni Ferati, dhe përfaqësuesi nga fshati Pakishtë, Vullnet Vllaçaj, përcjell PrizrenPress.

Me këtë rast, drejtori i Qendrës Mjekësore në Zapod, Elton Palushi, ka shprehur mirënjohjen dhe falënderimin e tij për mbështetjen e Komunës së Dragashit ndaj banorëve të fshatrave fqinj të Shqipërisë, me theks të veçantë trajtimin e barabartë dhe ofrimin e shërbimeve shëndetësore pa pagesë për këta banorë nga QKMF në Dragash.

Ndërkaq, kryetari i fshatit Orgjost, Avni Ferati, kërkoi thellimin e bashkëpunimit me Komunën e Dragashit lidhur me përmirësimin e infrastrukturës rrugore që lidh fshatrat kufitarë të Shqipërisë me Komunën e Dragashit, me qëllim të lehtësimit të qarkullimit të njerëzve dhe mallrave.

Në anën tjetër, kryetari Xheladini u shpreh i gatshëm për të ofruar mbështetjen institucionale nga ana e Komunës së Dragashit, duke theksuar se përkrah çdo iniciativë që ka për qëllim mirëqenien e banorëve të fshatrave nga të dyja anët e kufirit./PrizrenPress.com

Më Shumë

Rasim Demiri jep dorëheqje nga pozita e drejtorit në Prizren për t’u bërë deputet i Kuvendit të Kosovës

Drejtori për Punë dhe Mirëqenie Sociale në Komunën e Prizrenit, Rasim Demiri ka dhënë dorëheqje nga ky funksion. Këtë vendim, ai e ka marrë...

Selmanaj përkujton martirët në Lugishtë të Hasit: Përjetësisht mirënjohës për 54 shqiptarët e vrarë nga forcat serbe

Kryetari i LDK-së në Prizren, Driton Selmanaj, ka bërë homazhe në Lugishtë të Hasit në përvjetorin e 26-të të masakrës së kryer nga forcat...

Lajmet e Fundit