Deputeti nga radhët e Guxo në koalicion me Vetëvendosjen, Haxhi Avdyli, kanë thënë se kanë arritur një marrëveshje me Nismën.
Avdyli tha në Koha se bisedimet me Nismën janë shumë pozitive, por marrëveshje të shkruar nuk kanë ende, teksa paralajmëroi se për këtë shpejt do të merret vesh.
“Për këtë, në momentin e duhur do të dalim para opinionit. Nuk jam i autorizuar të flas për këtë sepse nuk jam pjesë e procesit të negociatave, s’jam kryetar partive dhe krejt cka mund të marrë vesh është nga takimet që i kemi nga takimet në grupin parlamentar ku Kurti nga informon”.
“Një marrëveshje ekziston dhe mendoj se kjo është në të mirë të demokracisë kur ka marrëveshje sepse një parti që e ka shumicën dhe nuk mund të bëjë marrëveshje, për mua atëherë do të ishte shqetësuese. Ata e dinë që ne i kemi numrat. Ne i kemi 61, por nuk i kemi 63 a 65. Por synojmë t’i rrisim. I kemi të sigurt 61”, tha Haxhiu, transmeton Klankosova.tv.
Tutje, ai e komentoi edhe ftesën që Kurti ia ka dërguar LDK-së për takim konsultativ, ku shprehu keqardhje që LDK-ja e ka refuzuar.
“Edhe ftesën që ia ka dërguar LDK-së, e kam përshëndetur. Më ka ardhur keq që ish-partia ime ka bërë kaq hapa mbrapa, nga një parti shtet-ndërtuese, e hapur për partitë e PAN-it në të kaluarën, janë kaq të ngurtë”, tha ai.
