Sonte, në ora 20:00, në skenën e Teatrit të Qytetit “Bekim Fehmiu” në Prizren rikthehet shfaqja teatrale “Audienca”, një dramë brilante e autorit çek Václav Havel, me regji të Bashkim Ramadanit, përcjell PrizrenPress.
Shfaqja sjell një përballje absurde, qesharake dhe thellësisht politike mes një punëtori të birrarisë dhe një “zyrtari” të sistemit, ku komedia dhe absurdi krijojnë një reflektim të hidhur mbi kontrollin, identitetin dhe rezistencën.
Në rolet kryesore paraqiten aktorët Ernest Malazogu dhe Alban Krasniqi.
Producent i shfaqjes është Burim Mustafa, ndërsa udhëheqës artistik Fatos Berisha. Inspicient i shfaqjes është Mahir Musliu, skenograf Burim Arifi, kostumografe Agnesa Malushaj, ndriçues Yann Perregaux, tonist Flamur Krasniqi, grimi Canan Cibo, ndriçues skene Fikrim Menekshe, financier Krenar Gaxholli, rekuiziter Arben Rashkaj, garderobiere Vjollca Hoxhaj, dekorues Murat Javori, realizator skene Onur Cibo, teknik skene Shqipe Gollopeni, ndërsa dizajnin e posterit e ka realizuar Dardan Luta./PrizrenPress.com
