Ekipi U17 i FC Prizrenit ka arritur një sukses të jashtëzakonshëm duke u kualifikuar për fazën Play-Off që do të zhvillohet në Prishtinë, ku do të luftojë për një vend në Superligën e Kosovës për grupmoshën U17.
Ky kualifikim historik është një dëshmi e përkushtimit, punës së palodhur dhe talentit që po kultivohet brenda akademisë së klubit, raporton PrizrenPress.
Hapësira me qira në objektet e reja te ‘RENELUAL TAHIRI’ në Prizren
“Fëmijët tanë, krenaria jonë – FC Prizreni po rrit kampionë brenda dhe jashtë fushës!”, shprehet klubi në një deklaratë.
Ky sukses përbën një moment të veçantë jo vetëm për klubin, por për gjithë komunitetin sportiv të Prizrenit, duke treguar se e ardhmja e futbollit në qytet është në duar të sigurta.
Prishtina është destinacioni i radhës, Superliga është qëllimi – dhe FC Prizreni U17 është i gatshëm ta shkruajë faqen e radhës të historisë me guxim e pasion./PrizrenPress.com
