Kryetari i Komunës së Dragashit, Behxhet Xheladini, ka nënshkruar sot një Marrëveshje Mirëkuptimi me Zëvendësministrin e Zhvillimit Rajonal, Eldin Uglari, për bashkëfinancimin e një projekti që përfshin rregullimin e Amfiteatrit të Hapur në Bellobrad, ndërtimin e një muri mbrojtës në Dragash dhe riparimin e rrugës në fshatin Kosavë.
Kliko Video https://www.facebook.com/PrizrenPress/videos/1728704571859439
Vlera e përgjithshme e projektit është 150,000 euro, ku 130,000 euro do të financohen nga Ministria e Zhvillimit Rajonal, ndërsa 20,000 euro do të mbulohen nga Komuna e Dragashit.
“Kjo është marrëveshja e katërt gjatë mandatit tim dhe një hap tjetër konkret në përmbushjen e objektivave tona për përmirësimin e jetës së qytetarëve tanë”, theksoi kryetari Xheladini, duke falënderuar stafin menaxherial të MZHR-së për mbështetjen e vazhdueshme.
Ky bashkëpunim vjen në kuadër të angazhimit të komunës për të forcuar infrastrukturën publike dhe për të siguruar investime të qëndrueshme në nivel lokal./PrizrenPress.com/
Marketing
