Me rastin e “Javës së Dëshmorëve të Hasit”, në organizim të rinisë hasjane dhe në bashkëpunim me degën e OVL-së së UÇK-së, për të katërtën herë me radhë është organizuar aksioni solidar për dhurim vullnetar të gjakut në QMF–Gjonaj.
‘Toni Residence’ – Mos e humb rastin për të blerë banesën tënde në Prizren
Numër i madh i banorëve të Hasit i janë përgjigjur sërish këtij aksioni, i cili po organizohet nga Rinia Hasjane në bashkëpunim me degën e OVL-së së UÇK-së në Has.
Kryetari i kësaj organizate, Xhevdet Thaçi, organizimin për dhurimin e gjakut e konsideron një aksion human dhe të veçantë në nderim të dëshmorëve të Hasit.
Egzona Hoxhaj, nga këshilli organizativ i këtij aksioni, thotë se ky aktivitet i veçantë është mirëpritur nga banorët e Hasit, pasi ka rëndësi të veçantë për jetën e njerëzve, dhe se aksione të tilla do të vijojnë edhe në të ardhmen.
Naim Qenaj nuk ka hezituar që sërish t’i bashkohet këtij aksioni human, pasi, sipas tij, nuk është hera e parë që dhuron gjak për të ndihmuar ata që kanë nevojë dhe për t’iu shpëtuar jeta.
Ndryshe, ky aksion do të vazhdojë gjatë tërë ditës së sotme./tv prizreni
Bruno & Brentoni Home me super oferta që nuk duhen humbur në Prizren!
