Ekipet e Inspektoratit të Kompanisë Rajonale të Ujësjellësit “Hidroregjioni Jugor” në Prizren kanë ndërmarrë gjatë ditës së djeshme aksione të rregullta kontrolli në disa zona të qytetit, ku janë zbuluar disa raste të lidhjeve ilegale në lagjen Tusus.
“Sot (dje) kanë identifikuar lidhje ilegale edhe në lokacionin Lagja Tusus, ku për fat të keq janë hasur edhe shumë keqpërdorues”, thuhet në komunikatën zyrtare të kompanisë, raporton PrizrenPress.
Ky veprim konsiderohet shkelje serioze ligjore dhe dëmton furnizimin e qëndrueshëm me ujë për qytetarët e ndershëm. Nga “Hidroregjioni Jugor” theksohet se veprime të tilla nuk do të tolerohen dhe ndaj keqpërdoruesve do të merren masa ndëshkuese në përputhje me ligjin.
“U bëjmë thirrje të gjithë konsumatorëve që të shfrytëzojnë ujin sa më racionalisht, të bashkëpunojnë me institucionet përkatëse dhe të shmangin çdo veprim të jashtëligjshëm që ndikon negativisht në shërbimet publike”, thekson njoftimi.
Kompania rikujton qytetarët se aplikon zero tolerancë ndaj keqpërdorimeve, ndërsa inspektimet do të vazhdojnë edhe në ditët në vijim për të siguruar barazi në shërbim dhe mbrojtje të burimeve ujore./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
NISU – Çdo natë për Ulqin me Bashkimi Reisen nga 27 qershori!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
