Ndërroi jetë veterani i UÇK-së, Afrim Malsori nga Krusha e Madhe

Sot ka ndërruar jetë Afrim Malsori nga Krusha e Madhe, një veteran i shquar i Ushtrisë Çlirimtare të Kosovës. Ai dha një kontribut të jashtëzakonshëm në luftën për liri, duke qenë bashkëluftëtar i Xhelal Hajdës – “Toni” dhe Selajdin Mullabazi – “Mici” në Zonën e Pashtrikut, dhe kishte lidhje të afërta edhe me Zonën e Dukagjinit dhe komandantin Ramush Haradinaj.

Shtëpia e tij nuk ishte thjesht një strehë gjatë luftës – ajo u shndërrua në një bazë të vërtetë të UÇK-së. Brenda saj u pritën dhe u përcollën qindra ushtarë, u morën vendime të rëndësishme dhe u ruajt gjallë shpresa për lirinë e Kosovës.

Kryetari i Rahovecit, Smajl Latifi, ka shprehur ngushëllimet e tij për humbjen e Afrim Malsorit.

“Me dhembje të thellë humbja e bashkëluftëtarit tim, Afrim Malsori, një djalë i fort i Krushës së Madhe!
Shtëpia e tij nuk ishte vetëm një vatër familjare, por një bazë e pathyeshme e Ushtrisë Çlirimtare të Kosovës, ku frekuentonin krerët dhe themeluesit e saj, duke marrë vendime të rëndësishme për luftën dhe lirinë e vendit.
Ishte një shok i mirë, i afërt, i pandalshëm dhe i dëshmuar në tërë angazhimin e tij, deri në frymën e fundit.
Pas betejës së korrikut 1998 në Rahovec, pikërisht në këtë shtëpi, Komandant Xhelal Hajda-Toni nisi riorganizimin e Shtabit të Retijës, një nga momentet më të rëndësishme për vazhdimin e luftës çlirimtare dhe të rezistencës sonë.
Afrimi ishte zemra e asaj shtëpie, gjithmonë gati për shokët dhe për lirinë.
Ngushëllime të sinqerta familjes, miqve dhe të gjithë bashkëluftëtarëve! Lavdi jetës dhe veprës së tij!” – thuhet në telegram.

Bëmat dhe përkushtimi i Afrim Malsorit janë dëshmi e një trimi që nuk kurseu asgjë për atdheun. Sot, emri i tij qëndron me nder në faqet e historisë sonë çlirimtare.

Marketing

BiCredit tani edhe në Prizren, kredi për çdo nevojë!

Banesat më të kërkuara në Prizren – Bëhu pronar në Foleja Residence!

Mos e humb verën – udhëto me Halimaj Reisen!

Hotel Albes Residence – Qetësi, komoditet dhe evente të paharrueshme në zemër të Korishës së Prizrenit

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/