Deputeti i Partisë Demokratike të Kosovës, njëherësh anëtar i kryesisë së kësaj partie, Rrustem Mustafa-Remi, është ndaluar sot rreth orës 16:00 nga Policia e Kosovës.
Siç shihet në këto foto të bëra nga “Zëri”, Remi i cili nget veturë të tipit “Mercedes” ndalohet në rrugën “Garibaldi” në Prishtinë për një kontroll rutinore.
Polici i trafikut, pasi mori vesh se me kë kishte punë, i “mbylli sytë”, nuk i bëri kontrollin siç e parashohin rregullat e trafikut. Deputeti i PDK-së i ka mjaftuar vetëm t’ia tregoj dokumentet identifikuese.
Vlen të theksohet se vetura të cilën e nget deputeti Remi, kushton rreth 25 mijë euro. Kështu të paktën thuhet në deklarimin e pasurisë në Agjencinë anti-Korrupsion. /Zëri/