Kryetari i Gjykatës Themelore në Prizren Ymer Hoxha, në një takim me gazetarë vlerësoi se në këtë gjykatë është bërë një punë e madhe.
Ai tha se të gjithë gjyqtarët në të gjitha departamentet kanë kryer më shumë lëndë se që parashihet në punën e tyre, ndërsa shtoi se përqindja është mbi 100 për qind.
“Gjykata e Prizrenit dhe gjyqtarët e Prizrenit gjithmonë janë shquar për profesionalizëm”, tha Hoxha
“Deri sa Gjykatat tjera ankohen se nuk kanë kuadro Prizreni nuk e ka këtë problem”.
“Brenda këtij viti në Gjykatën Themelore në Prizren, gjyqtarët do t’i presin lëndët e jo lëndët ta presin gjyqtarin siç ka qenë deri tash”./TV Opinion/