Shoqatat e dala nga lufta e UCK-së në Prizren janë duke e përcjellë me shqetësim të madh situatën aktuale politike në vend.
“Duke e parë paaftësinë, mos guximin dhe keqmenaxhimin e Qeverisë së Kosovës, me rastin e trashëgimtarit të Slobodan Millosheviçit, ministrit Jabllanoviç, i cili me gjuhën më të vrazhdë të mundshme i ofendon nënat shqiptare dhe shqiptarët në përgjithësi”, thuhet në komunikatën e përbashkët të shoqatave të luftës në Prizren.
“Po ashtu duke e përcjellë me shqetësim të thellë edhe grevën e minatorëve të Trepcës, të cilët ndër vite kanë mbrojtur pronën shtetërore, ne si Shoqata, të cilët jemi trashëgimtare të Ushtrisë Çlirimtare të Kosovës, konsiderojmë se duhet solidarizuar me vëllezërit tonë të cilët po qëndrojnë të patrembur te Minierat tona”.
“I bëjmë me dije kësaj Qeverie se, ne kurrsesi nuk do te lejojmë që Trepça të falet, e gjithashtu as nuk do të lejojmë që një shkja , si puna e Jabllanoviçit të na ofendoj, aq me pak në vendin tone”.
“Si pasojë e kësaj ne do ti bashkangjitemi protestës së thirrur nga Shoqata “Thirrjet e Nënave”, me datë 24 Janar, ku në mënyrë të organizuar do të udhëtojmë për Prishtinë”.
“Bëjmë apel tek të gjithë Veteranët, Invalidët, anëtarët e familjeve të dëshmorëve, ish të burgosurit politikë, por gjithashtu edhe tek të gjithë qytetarët e vendit që t’i bashkëngjiten protestës deri në shkarkimin e fashistit Jabllanovic”.
Nisja nga Prizreni për në Prishtinë bëhet nga Stacioni i Autobusëve, prej orës 12.00./PrizrenPress.com/