Nënkryetari i deritashëm ui Aleancës për Ardhmërinë e Kosovës, Blerim Shala, ka deklaruar se deri te largimi i tij nga partia ka ardhur pas një bisede që kishte me liderin e AAK-së, Ramush Haradinajn.
Lidhur me largimin e tij Shala ka bërë një deklaratë, në të cilën thotë se arsye për largimin e tij nga AAK, është vazhdimi i detyrës së koordinatorit politik, në dialogun në mes të Kosovës dhe Serbisë
Lexojeni të plotë deklaratën e Shalës:
“Kam vendosur të vazhdoj detyrën që kam pasë në vitet 2012-2014, si Koordinator Politik, në dialogun në mes të Kosovës dhe Serbisë për normalizimin e marrëdhënieve midis këtyre dy shteteve, i cili zhvillohet me ndërmjetësimin e Bashkimit Evropian, me përkrahjen e fuqishme të SHBA-së.
Këtë vendim e kam marrë pas një bisede miqësore dhe të sinqertë me Ramush Haradinajn, Kryetarin e AAK-së.
Pasiqë AAK vlerëson që në këtë mandat nuk mund ta marrë përgjegjësinë politike të këtyre bisedimeve, në pajtim të plotë me Kryetarin e AAK-së, Ramush Haradinajn, kam vendosë që të mos jam më pjesë e AAK-së.
Shfrytëzoj rastin ta falënderojë Ramush Haradinajn për bashkëpunimin e jashtëzakonshëm që kemi pasë prej se i jam bashkuar AAK-së”(sic), ka shkruar Shala . /Telegrafi/